تويت
يا خالق لخلايق يا رب
يا خالق لخلايق يا رب
****************************
حالنا ما تلا يعجب
الرياء والنفاق غزانا
شباب وشيب يكذب
وحواء متبرجة عريانة
كيفاش الله مايغضب
ورسولو نبهنا ونهانا
كيفاش آنا ما نجذب
وحروفي تخرج زربانة
بنادم يتسيف ثعلب
وهو راضع معانا
تلقاه يتجبر حين يغلب
طاغي مفتون ب ل آنا
الدرويش يشقا ويتعب
والراعي رعيتو جيعانة
ديما ف زريبتو يشلهب
الرحمة ف قلبو عطلانة
يا خالق لخلايق يا رب
رحمتك وعطفك رجانا
****************************
المريني ادريس
القصر الكبير بتاريخ : 29 / 10 / 2018