[FONT="Trebuchet MS"][read][glow=000000]حنيت [glint]الك ياوطن

*****[/read]***[/glow][/FONT[/glint]]
[bor=0000FF]ددليني يابحر سيل الدمع اتلف بيب عيني
مامن دليل الديرة هلي بغربتي ايدليني

يابجر دليني تعبان فتني العطش
مالكت غير مي الوطن يرويني

هم كبر هم شيب هم شح النظر
هم جرح العشك هم الشوق راميني

هم الوكت هم اللوم هم جرح الوطن
جرحين بجرح يابحر ياهو اليداويني

جلجل علي الليل وتلملم غيم السكم
ارعدت دنياي ومطر العيون سابيني

نبته بسوح غربه كصني العطش
ماسيل بعد الجفه ايحدر ويحيني

تغني ياسطح البحر كشايه بروج الحنين
ولوجلجلت يم شط العرب عجرف وجيني

بردان واخلج من صجيع الغرب
ياوطن غير حظنك مالكت حظن اليدفيني

فدوه لك يابحر بس الليله ضيفني
روحي اهناك صار سنين بديرة هلي اتانيني

بجفوف الصبر لاويت الدهر
مابالي جف الغدر بالتالي يلويني

عشكان بتراب الوطن مغروم
ياغرامي البتت عنوه وكاظم يغنيني

يساهر حرف الغربه مذبوح
بالشوق وانت بغربتي امخاويني

مرمشني الغرب والدهر سن سكاكينه
امسلح يساهر والصبر صار سكيني

تفني الجدم لديار غربه
عليل ابرم عن حكيم ايداويني

ماحسبت حساب الكبر والشيب
ونار الحنين الراح تكويني

ونجبت طاري الغرام وطفر العشق
يغمزلي جرح الوطن بالامه يغريني

التهب نار واشتعل حرقه
ذابت الروح بحرقة حنيني

اسهر ليلي مذبوح اركص عتخت
الكه حظن صوتك يكاظم يهديني

اخبط بكاس السهر شوق الوطن
سكران اجلب الليل بحظنج يدجله لفيني

نمت بفراش الغربه مغروم
احو ينار الشوق جرح الوطن ماذيني

حر انه الكنت اوكر عالعلو
والمديور بالوديان يربيني

لومسه العطش يشرب حنين الكاع
ماهمني غدر الدهر لاولفي المجافيني

[glow=000000][COLOR=#00FF00[read]]******
*****
***
طائر الفرات[[/[/glow]read]/COLOR]