مش قلت لي هجرك حيطوِّل .....ايه اللي جرى وغيّر رأيك
وخريف شجر الدنيا اتحوِّل …..بُرعم يتفتَّح بهديَّك
هُوَّا ماكانش كلام م الاوِّل؟ .....وما تبعدش كتير عن ضيَّك؟!
هوَّا لبرِّ حنان قلبي نِدا …..وسما قمرها خطف مراسيَّك؟!

وهواك نسمه تطوف بحبيبك
وروَاك نظرة ود ما تسيبك
ومعاك حِليِ عُمري وكان يفديك
وغرام عشْمان.. فاق على مشيَك

وما علِّمتش قلبي جراحه
وسألك فاكر وعد امبارح
وعيوني وراك همّها بكره
ودموعي ما بقتش تصالح
ويونسني سمير الذكرى
لهديل شباكي ونتسامح

وان طوِّلت اكتر في غيابك
نجم وطَفَى نور شمع احبابك
تهت ولقيتني فليله جوابك
حال ينصف لك هم إزيك

ولا يخفى عليك سُهد عتابي
وزعل أسلاه بدقة بابي
ومُغرم واحشاه واستنيتك
قلب جميل زين اهدابي

وايدين ياما بقربك فاحوا
ومشاعر حلوة فيوم باحوا
وليالي الحيرة اللي ارتاحوا
نهار مالي الكون جنَّة فيك