رحلة وفا
*******

هاجر فى رحلة وفا
دايرة مع المكتوب
ومن الصفا مروة
مرة صعود وهبوط

منين يكون الفرج
وسراب فى كل مكان
تدعي كرم ربها
ويقينها فى الرحمن
وطفل لما صبر
أخد معاه أسباب
ركل جبال العطش
نهر الحياة انساب
الكل منه ارتوى
واتجمع الأحباب
قصة وبنعشها
أحداث تنعنشها
فى عز قهر اليأس
اوعاك تقول الأه
حياتك تساوى المهر
والمهر سر حياة
اوعاك تموت من القهر
فترة وحتعدى
خليك فى وسط الألم
شوكة وتحدى
والطفل اللى عاش جواك
اوعاك تقوله لا
براءة سنين عمره
تتهجى حروف الحق
.زمزم حاربها سراب
سيولها كانت سهم
والفكرة فى حروفها

تطعن خيوط الوهم
متقولش وحدانى
وقوتى فى هوان
متقولش قول تانى
الخوف ملوش أوطان
خليك فى رحلة وفا
مرة صعود وهبوط
اوعاك تكون السايب
فتخوف المربوط
Eid Khalil
4/4/219