يا امُّ التفاح والياسمين
وعبير فاح ملهوش شطين
تهت وبحر الهوى عمّال
يرميني فبرّ العاشقين
ويغرَق قلبي فألف سؤال
واتمالك يدوب وجد رزين
ولعندك طالت مشاوير
على قلبي لها طعم غدير
وسحرك لو شافوه بعيوني
ورود ونجوم وقفم طوابير
ولجل يفوزوا بك شغلوني
وخدوك أوّل إنسي أمير
كدا في الأساطير
يا غزل فات كل الدواوين
وصف وتقدير
يا عجيب تتمناه الميادين
تحفة وتصوير
يا خيال في عيون الناعسين
يصحم ويطير
وحطّ جناحه فمرج طريقي
وما صدقتش حلمي حقيقي
وعلى بال ما رجعلي تفكيري
سَكت الحب حفلة تشويقي
وجاب لي نهار وشمعة ليلي
ونهر عواطف يرضي حريقي
وانتي تليقي
بنبع غرام يسقي الملايين
ضحكي وضيقي
ما هو رهن عنيكي لتنين
تبقى رفيقي
وسعد الدنيا فحضن ايدين
وانتي تطيقي
ومنك خد كل الحلوين
يا ام التفاح والياسمين
وعبير فاح ملهوش شطين