إيه تعوزي
كنت عارف وقلبي قلي
بكره تيجي من غير سؤال
في أي لحظة تبقي عندي
والكلام يبقى ميزان
عارفه ليه عشان بعزك
واللي شاري هيبقى شاري
واللي بائع حبه الجنيه
أنتي عارفه الدنيا هايصه
واللي ياخد مش ب يدي
واللي يدي عايز الجنيه
أود فيكي وتنسي ودي
وتشوفي دمعي على الخد نازل
أنده ما تيجي .. أصرخ ما تيجي
عايش أهنن في الحلوة تيجي
صابر وأغلي في النار تملي
شايل حمولي والف همي
واقول بكرة ترجع ...!
ما انتي عارفه الحب قاسي
بعت أهلي وكل ناسي
وخلتيني عايش لوحدي
جو داري .. في الطريق ...
أتلقى وعدي
مش حقولك .. هاتي إيدك
ولا حطي ودنك جنب قلبي
ولا شقي صدري بضاوفرك
واسمعي وشوفي فين مكانتك
دوقيني طعم الحنان ..
دوقيني طعم الوئام
العمر ولى ومفيش كلام
اشتريتك وانتي بعتي
وانتي عارفه من زمان
يوم ما خدتك من بيت ابوكي
كنت طاير كالحمام
والنهارده بقيت كارنب
في الحظيرة ولازم انام
يلا قولي إيه تعوزي
قرط مدهب ولا لولي
ولا أرنب له لجام ....
ابن عسكر الجهني