دخول المدارس فى رمضان

**عقاب اسماعيل بحمد** · 13-10-2008, 01:59

المشاركة الأصلية بواسطة جلال فكرى مشاهدة المشاركة

[align=center]قبل الهلال بيومين
الزنقة بقت اثنتين
وبقت حالتنا شين

العيد على الابواب
فتحوا المدارس باب
لمسطره وكتاب
وهدوم عيالك فين

هى كانت ناقصه
إحراج وناس راقصه
على السلم سنين

لازم أجيب يونيفورم
وجزمه سوده بخرم
ورباط من الحلوين

ناهيك عن الشرابات
ثلاث مناديل إخوات
يكونوا م الغاليين

كراريس من الغاليه
ثمانين او مايه
ابيض وهات قلمين

واياك تنسى الباص
سواقه واد ترباس
غلوه بقى بمتين

حجزته من مده
عالباب يقف ينده
والكاش اجيبه منين

كات ليه الدوخه ديه
فى مدارس أجنبيه
لا شغل ولا مهيه
حظوظ ولادنا طين[/align]

*****
الشاعر الاديب
لمحة راقية لتوجيه الانظار
نحو حظوظ و لادنا
لك كل الود والتقدير
الشاعر اللبناني
ابو شوقي

**الشربينى خطاب** · 13-10-2008, 15:54

جري إيه يا عم فكري
زعلان ليه وحزين
من دخول المدارس
قبل العيد بيومين
****
دنا قلبي كان حاسس
إن سخام الطين
قاصد يمرمطنا
ويقلب لنا الموازين
****
يخلِّي بقي عيالنا
تسوقنا ع الكاكين
إيشي مريله وجزمة
وكتاب وكرستين
وإيشي كام رزمة
رصيد للمدرسين
درس فزيا وكميا
وعربي والعاب ودين
وفلسفة وتفاضل
وباقي المواد حصصها
لو م الرصيد فاضل
نكلة أو ملمين
وتجي آخر السنة
مديون ورحوك ذليلة
مهدود من المصاريف
واللي كمام يغيظك
تلقي الولاد ساقطين

دخول المدارس فى رمضان

دخول المدارس فى رمضان

تعليق

تعليق

ما الذي يحدث