السبع طوبات

**الشربينى خطاب** · 05-10-2008, 12:47

دنا لسه فاكر
أحلامنا
أللي كنا رسمينها
ف عيون صبية
تاه الولد الصغير
ابو ضحكة خمرية
ف دنيا من الأوهام
وتاهت منه البنية
العمر عدي
ولا انسرق
ولا راح فين
ولاَّ الأيام بقت
مش هي
وأدي احنا بقينا
فوق الستين
ومقربين ع الميَّة
ولسه اللعبة شغَّاله
ما بين عسكر
زرعوا الجناين خوف
ونسوا يمسكوا الحراميَّة
وبين جتة يا سين
وعيون بهية

**احمد شلبى** · 12-10-2008, 08:23

الشاعر الجميل استاذ الشربينى خطاب
اعتذر عن تأخر الرد بسبب مشكلة فى اليوز
اسعدنى تعليق حضرتك واتمنى دوام التواصل
جزيل الشكر

**سيدة الشولى** · 12-10-2008, 19:01

سبع بلاطات
واحنا من بعيد واقفين
سبع بلاطات
واحدف حزنى ينسفهم
اقوم طاير مع الطايرين
سنين العمر تتبعتر
لقا وفراق
جيوبى
تتملى اشواق
سبع بلاطات
وانا بجرى سنين وسنين
سبع بلاطات
وانا بجرى بين الفريقين
سبقت اصحابى
فين هما
وروحت انا فين
سبع بلاطات
مرقت دخلت فى العشرين
سبع بلاطات
ولسه اللعبة شغالة
وانا بجرى على التلاتين
ـــــــــــــــــ
الشاعر الجميل
العزيز /أحمد شلبي
من جمال ما قرأت هنا أسمح لى أتواصل معك بكلمات متواضعه:

سبع بلاطات
صُبرت وعدى بي الخمسين
سبع بلاطات
وفين الشباب راح فين؟!
سبع بلاطات
وأنا زيك شايلني حنين
سبع بلاطات
ولسّه اللعبة بين طرفين
سبع بلاطات
لاعبناهم ونمنا سنين
سبع بلاطات
ياليل طَال الشروق.. مسكين !
سبع بلاطات
وأدينا مكممين ..خايفين !!!
ـــ
تحياتى

السبع طوبات

السبع طوبات

تعليق

تعليق

تعليق

ما الذي يحدث