فى زمان الهيلا هوبا
كله بيقلد اوروبا
كله عايش اقسى غربه
والمثل هووا المثل
الولد ابو سلسلايه
و ف ايدينه طوق حكايه
و اللى بيسبسب حواجبه
زى بنوته عسل
اللى ما سمعشى بنخوه
هووا فايف ستار و قدوه
للشباب اللى ما لاقى
نفسه او لاقى عمل
خوفى يا بكره الاهات
الشباب تلبس جيبات
فى زمان المعجزات
التطور محتمل
خوفى القى الواد انوثه
والبنات حسره و عنوسه
لاختلال بانت ظواهره
و احنا مش واخدين خبر
خوفى القى الواد مخلخل
رجله بالخلخال يجلجل
بعد ما خرم ودانه
بالحلق زى القمر
احنا جنس الجد طبعه
ليه الميوعه تبان فى ربعه
اللى ما يظبطش رُبعه
ينقلب احسن سحر