تويت
"إلي حبيبتي ومعينتي علي أن أبقي حياً
إلي من عندما أكون بجانبها تسمع دقات قلبى وآرى في عينيها كلمة ترتسم لي بكل صدق هي كلمة " احبـــك"
ياحبيــبتي ...
في خطابي هذا وبين كلماتي تلك ترين قدراً من الشوق والحب لم يستطع الورق تحمله فذاب بين السطور ولن يستطع أحد ان يراه سواكي
فقط أغمضي عيناكى
وأستنشقي كتاباتي تلك لتدركي مدي الشوق لك وعذاب البعاد منك
حبيبتــــي .. بين السطر هذا والسابق أغمضت عيني فوجدت صورتك الملائكيه ترتسم لي فلم أرد أن أفتح عينى لولا أن أكمل خطابي هذا
أتعلمين أن كل مايصبرني في عذاب البعاد هذا أنني سأعود وأكون قادرا علي أن نمتلك بعضنا البعض بعدما أكون حققت رغبت والدك في تكاليف زفافنا
والحقيقه لن ألوم والدك ابدا فأنتي لو أبنتي وأراد أحد أن يأخذك مني لطلبت المقابل حياته
وماسيحنقني انه سيوافق علي الفور مقابل لحظات معكي
حبيبتــي .. كلمة بحبك كبيره جدا لكن الحب نفسه يخجل من أن أقولها لكي الآن هذه الكلمه بكل قوتها تتضائل أمام حبي لكي لتصير نقطه في بحر غرامي وهيامي بك
لكني سأقولها خاتما بها خطابي فلاتنظري لحروفها
فقط أحسيها
كتبت هذا الخطاب في 10 مارس وفي 12مارس وصلني منها هذا الخطاب
" حسيـن
هذه المره الرابعة عشر التي أمسك فيها القلم والورقه وأحاول كتابة خطاب لك ولا أعرف ولا أعلم بماذا ابدأ
في البدايه بدأت كاتبه " حضرة السيــد المحترم " كما كنت أبدأ خطاباتي مع أبي لكني أظن انه من غير المستحسن ان تكتب بنت لخطيبها جواب تبدأ بالجمله دي
ثم حاولت ان ابدأ كما بدأت انت لكني لم استطع ( اتكسفت)
ثم انني أول مره أكتب خطاب لشاب لذلك لاتلومني ان وجدت اخطاء أملائيه أو نحويه أو حسيه
ثم انني لا اجيد اللغه العربيه الفصحي وبحب العاميه علشان كده حأقولك بالبلدي
"انا زعلانه منك لآنك مابعتش جوابات تاني ومأتصلتش وأسبوع قد فات
وآخيرا أبي لم يقل لك أذهب وأعمل خارج مصر
وآخر حاجه حأقولهالك بحبك أوي أوي
باي"
في 14مارس وصلها خطاب مني يقول
" حضرة السيده المحترمه / خطيبتي وحبيبتــي
بعد التحيه الطيبه أبلغك ان خطابك وصلني في وقت متلهف فيه لذلك الخطاب
لكنه صدمني
وفلنتناول خطابك ونري ما به
أولا عجبني جدا الجزء الآول به لآنه تلقائي ومباشر
وقد رآيتك فيه وأول ماضايقني انك لم تستطيعي ان تبدأي كما قلتي لذلك يلزمك دروس في الحب وسأبدأ معكي من البدايه وكله بصوابه،،
ثانيا طبعا خطابك به الكثير من الاخطاء
الآخطاء الغراميه
فهوي لا يحوي سوي كلمة بحبك واحده ( ايه البخل ده
ثالثا ياحبيبتي ورابعا ياعــمري العمل في الخليج عائده اسرع وأعلي من مصر
وانا لا استطيع الانتظار لذلك اتخذت الطريق الآسرع
خامسا اريدك في خطاباتك القادمه ان تحكي لي كل شئ _كأنني عايش معاكم بالظبط _ وأحكي بالعاميه ياستي ولاتزعلي
ومن سادسا الي مليون
بحبك جدا جدا جدا جدا جدا جدا جدا جدا جدا جدا جدا جدا جدا جدا
في 22مارس وصلني خطاب منها تقول فيه:
الي دنيتي كلها
اليوم عيد الام وقد احتفلنا على نطاق الاسره بامى وجبتلها تورته عليها اسمها وكتبت عليها بالكريمه بحبك بنتنك الوحيده
وجبتلها هديه تاني وجبت زيها لمامتك ففرحت بيها
ولآول مره احس اني زي بنتها فعلا
وبالليل مسكت جوابك وقريته للمره العشرين ومن جديد بقيت بضحك علي بعض الحاجات فيه وأحبك أكتر في حاجات تانيه قولتها فيه
من يومين واحده قالتلي ( ماتندلقيش آوي عليه )
علشان كده انا طولت عليك في الخطابات
لكني مقدرتش أطول أكتر من كده
ومقدرش يوماتي م أسمعش صوتك
وأذا اتأخرت انت أنا بتصل
علي فكره فيه شويه مشاكل حصلت وانا مش حأقولك عليها علشان هي بسيطه وأتحلت خلاص ان شاء الله
وانا بقولك كده علشان وعدت نفسي انه اي حاجه تحصل لي حأقولهالك
وانا مش عايزه ازود عذاب الغربه عليك بس بجد انت
وحشتني
آمتي ترجع بقي
باي
ملحوظه (فين الدروس اللي وعدتني بيها )
باي "
في 7 آبريل أرسلت خطابي الغاضب هذا :
" مش عارف ابدأ خطابي ازاي بس فيه ايه؟؟؟؟
انا عايز أعرف ايه اللي بيحصل
اسبوع فات مش عارف أكلمك
علي طول مش موجوده وفي الحمام ونايمه
اتصلي بي فور وصول خطابي هذا علشان عايز اعرف
هو اللي سمعته ده حقيقي
طبعا انتي عارفه انا أقصد ايه ومين
سلام"
في 15 أبريل وصلها خطابي قبل الآخير هذا الذي أدمعت عيني فيه لكني اصررت بغباء ان أرسله :
"أولا أنا متأكد ان خطابي هذا وصلك
فقد ارسلته عن طريق آخي الذي اكدت عليه ان يسلمه لك يدا بيد بأي طريقه
طبعا انا عرفت بموضوع العريس الجديد اللي جالك
طبعا عرفت بموضوع زيارة آهلي لكم ومقابلتكم السيئه لهم
مكنتش متوقع انه الخسه للدرجه دي
يـــــاه
علي العموم خلاص انت مابقيتش تلزميني
اللي تبعني بسهوله كده وتنسي كل الوعود بتاعتها تبقي متلزمنيش
اللي تسهر معايا للصبح في التليفون تسمعني وتزعل لو قولتلها نامي دلوقتي تقطع اتصالاتها متلزمنيش
انا بس كتبتلك الجواب ده علشان تعرفي اني جاي مش علشانك
ومتخفيش مش حطالب بأي حاجه
اصل كل حاجه من عندك متلزمنيش
وداعا "
في 18 آبريل وصلني خطاب منها
" انا بكتبلك اجواب وانا ببكي
الضغوط حوليه من كل ناحيه
انا مش عايزه حد غيرك
بحبك انت وبس
أعمل حاجه ارجوك "
هنا قفلت صندوق الرسائل
ونظرت الي المرآه والي الشعر الابيض في جانبي
ودخلت زوجتي تلومني قائله ايه مش حتخرج للضيوف عريس بنتك من بدري بره
قلت : لسه مابقاش
قالت في تحد لذيذ: حيبقي !
قلت : عليه النعمه لآنا سالخه بره
قالت وهي تسحبني لآخرج معها : ايه حتطلب منه مهر غالي ويروح الكويت يشتغل و
أكملت : وأحاول أجوزها حد تاني فتهرب معاه ويتجوزوا
ويخلفوا أموره زي العسل
.
إلي من عندما أكون بجانبها تسمع دقات قلبى وآرى في عينيها كلمة ترتسم لي بكل صدق هي كلمة " احبـــك"
ياحبيــبتي ...
في خطابي هذا وبين كلماتي تلك ترين قدراً من الشوق والحب لم يستطع الورق تحمله فذاب بين السطور ولن يستطع أحد ان يراه سواكي
فقط أغمضي عيناكى
وأستنشقي كتاباتي تلك لتدركي مدي الشوق لك وعذاب البعاد منك
حبيبتــــي .. بين السطر هذا والسابق أغمضت عيني فوجدت صورتك الملائكيه ترتسم لي فلم أرد أن أفتح عينى لولا أن أكمل خطابي هذا
أتعلمين أن كل مايصبرني في عذاب البعاد هذا أنني سأعود وأكون قادرا علي أن نمتلك بعضنا البعض بعدما أكون حققت رغبت والدك في تكاليف زفافنا
والحقيقه لن ألوم والدك ابدا فأنتي لو أبنتي وأراد أحد أن يأخذك مني لطلبت المقابل حياته
وماسيحنقني انه سيوافق علي الفور مقابل لحظات معكي
حبيبتــي .. كلمة بحبك كبيره جدا لكن الحب نفسه يخجل من أن أقولها لكي الآن هذه الكلمه بكل قوتها تتضائل أمام حبي لكي لتصير نقطه في بحر غرامي وهيامي بك
لكني سأقولها خاتما بها خطابي فلاتنظري لحروفها
فقط أحسيها
بحبـــــــــــــــــك "
كتبت هذا الخطاب في 10 مارس وفي 12مارس وصلني منها هذا الخطاب
" حسيـن
هذه المره الرابعة عشر التي أمسك فيها القلم والورقه وأحاول كتابة خطاب لك ولا أعرف ولا أعلم بماذا ابدأ
في البدايه بدأت كاتبه " حضرة السيــد المحترم " كما كنت أبدأ خطاباتي مع أبي لكني أظن انه من غير المستحسن ان تكتب بنت لخطيبها جواب تبدأ بالجمله دي
ثم حاولت ان ابدأ كما بدأت انت لكني لم استطع ( اتكسفت)
ثم انني أول مره أكتب خطاب لشاب لذلك لاتلومني ان وجدت اخطاء أملائيه أو نحويه أو حسيه
ثم انني لا اجيد اللغه العربيه الفصحي وبحب العاميه علشان كده حأقولك بالبلدي
"انا زعلانه منك لآنك مابعتش جوابات تاني ومأتصلتش وأسبوع قد فات
وآخيرا أبي لم يقل لك أذهب وأعمل خارج مصر
وآخر حاجه حأقولهالك بحبك أوي أوي
باي"
في 14مارس وصلها خطاب مني يقول
" حضرة السيده المحترمه / خطيبتي وحبيبتــي
بعد التحيه الطيبه أبلغك ان خطابك وصلني في وقت متلهف فيه لذلك الخطاب
لكنه صدمني
وفلنتناول خطابك ونري ما به
أولا عجبني جدا الجزء الآول به لآنه تلقائي ومباشر
وقد رآيتك فيه وأول ماضايقني انك لم تستطيعي ان تبدأي كما قلتي لذلك يلزمك دروس في الحب وسأبدأ معكي من البدايه وكله بصوابه،،
ثانيا طبعا خطابك به الكثير من الاخطاء
الآخطاء الغراميه
فهوي لا يحوي سوي كلمة بحبك واحده ( ايه البخل ده
ثالثا ياحبيبتي ورابعا ياعــمري العمل في الخليج عائده اسرع وأعلي من مصر
وانا لا استطيع الانتظار لذلك اتخذت الطريق الآسرع
خامسا اريدك في خطاباتك القادمه ان تحكي لي كل شئ _كأنني عايش معاكم بالظبط _ وأحكي بالعاميه ياستي ولاتزعلي
ومن سادسا الي مليون
بحبك جدا جدا جدا جدا جدا جدا جدا جدا جدا جدا جدا جدا جدا جدا
في 22مارس وصلني خطاب منها تقول فيه:
الي دنيتي كلها
اليوم عيد الام وقد احتفلنا على نطاق الاسره بامى وجبتلها تورته عليها اسمها وكتبت عليها بالكريمه بحبك بنتنك الوحيده
وجبتلها هديه تاني وجبت زيها لمامتك ففرحت بيها
ولآول مره احس اني زي بنتها فعلا
وبالليل مسكت جوابك وقريته للمره العشرين ومن جديد بقيت بضحك علي بعض الحاجات فيه وأحبك أكتر في حاجات تانيه قولتها فيه
من يومين واحده قالتلي ( ماتندلقيش آوي عليه )
علشان كده انا طولت عليك في الخطابات
لكني مقدرتش أطول أكتر من كده
ومقدرش يوماتي م أسمعش صوتك
وأذا اتأخرت انت أنا بتصل
علي فكره فيه شويه مشاكل حصلت وانا مش حأقولك عليها علشان هي بسيطه وأتحلت خلاص ان شاء الله
وانا بقولك كده علشان وعدت نفسي انه اي حاجه تحصل لي حأقولهالك
وانا مش عايزه ازود عذاب الغربه عليك بس بجد انت
وحشتني
آمتي ترجع بقي
باي
ملحوظه (فين الدروس اللي وعدتني بيها )
باي "
في 7 آبريل أرسلت خطابي الغاضب هذا :
" مش عارف ابدأ خطابي ازاي بس فيه ايه؟؟؟؟
انا عايز أعرف ايه اللي بيحصل
اسبوع فات مش عارف أكلمك
علي طول مش موجوده وفي الحمام ونايمه
اتصلي بي فور وصول خطابي هذا علشان عايز اعرف
هو اللي سمعته ده حقيقي
طبعا انتي عارفه انا أقصد ايه ومين
سلام"
في 15 أبريل وصلها خطابي قبل الآخير هذا الذي أدمعت عيني فيه لكني اصررت بغباء ان أرسله :
"أولا أنا متأكد ان خطابي هذا وصلك
فقد ارسلته عن طريق آخي الذي اكدت عليه ان يسلمه لك يدا بيد بأي طريقه
طبعا انا عرفت بموضوع العريس الجديد اللي جالك
طبعا عرفت بموضوع زيارة آهلي لكم ومقابلتكم السيئه لهم
مكنتش متوقع انه الخسه للدرجه دي
يـــــاه
علي العموم خلاص انت مابقيتش تلزميني
اللي تبعني بسهوله كده وتنسي كل الوعود بتاعتها تبقي متلزمنيش
اللي تسهر معايا للصبح في التليفون تسمعني وتزعل لو قولتلها نامي دلوقتي تقطع اتصالاتها متلزمنيش
انا بس كتبتلك الجواب ده علشان تعرفي اني جاي مش علشانك
ومتخفيش مش حطالب بأي حاجه
اصل كل حاجه من عندك متلزمنيش
وداعا "
في 18 آبريل وصلني خطاب منها
" انا بكتبلك اجواب وانا ببكي
الضغوط حوليه من كل ناحيه
انا مش عايزه حد غيرك
بحبك انت وبس
أعمل حاجه ارجوك "
هنا قفلت صندوق الرسائل
ونظرت الي المرآه والي الشعر الابيض في جانبي
ودخلت زوجتي تلومني قائله ايه مش حتخرج للضيوف عريس بنتك من بدري بره
قلت : لسه مابقاش
قالت في تحد لذيذ: حيبقي !
قلت : عليه النعمه لآنا سالخه بره
قالت وهي تسحبني لآخرج معها : ايه حتطلب منه مهر غالي ويروح الكويت يشتغل و
أكملت : وأحاول أجوزها حد تاني فتهرب معاه ويتجوزوا
ويخلفوا أموره زي العسل
.
تعليق