كل الاحلام القديمة

سافرت في حضن غيمة

ومابقى للحب ياعمري

سوى ذكرى عقيمة

جف شلال الهوى فيني

واحاسيسي جليد

لاتنادي

مااقدر اوهب لك فؤادي

من جديد

وانسى جرح ٍغايرٍ في وسط صدري


وانسى آلام الهزيمة


*******
لو نظرتي هناك بحدود الأفق

لاحتضار الشمس وميلاد الشفق

كان شفتي بحمرته

دامي الفؤاد اللي لاجل حبك خفق

واحترق

ثم في اعماق غدرك قد غرق

وكان شفتيني على جناح الهوى مسافر

وفي قلبي جحيمه


********
ارحلي

من بين أنقاض العمر

لملمي

باقي زجاج الحب

اللي على صخورك تشوه وانكسر

كل عروق الشوق يبست

وانحنى غصن الزهر

لاتزيد من الحطب

انطفى ذاك الجمر

ومابقى لك في الحشا الا هشيمه


********
ارفضك

وارفض اعيد الذاكرة لذاك المسار

ارحلي

مابقى لك في فلك قلبي مدار

ولا محطات انتظار

ولا شمس تشرق على حبك

مع طلوع النهار

ياحلمي الدامي كفى

فيني جرحك ماشفى

كل ماطرفي غفى

انفزع بابشع جريمة