العمر كله عربيات....
صدمتني..وانا صغير
حدفتني هناك...بره زماني
انسان في زمان..مش انساني..
في حاجات..نقصاهم..مش نقصاني
وكل الدنيا..ليه معنداني..!
ودايسه علي..بالعجلات...
العربيات..........
العمر كله عربيات
.....................
كانت ح تاخدني لقدري
قدري اللي مقدرنيش..
وواعدني بأني ح اعيش...
وفات علي وعده ليا كتير سنوات..
قطعت فيها كل الناس مسافات
وانا واقف وحدي مبحتر ع الطرقات
في مواقف...ومحطات..
مستني العربيات....
العمر كله عربيات
...............................
ضهري اللي ..سانده علي عامود
مين فيكم هو.......؟
هو انسان ناشف..مات بالقوه
مفضلشي منيه غير عود
مطفي..من بره ومن جوه..
وضله مفروم..بفرملات
ان راحت وان جات...
العربيات...........
العمر كله عربيات.........
شمسيتي يا ذكريات..
فاردها في المطر اللي بات
تلج نازل ع القلوب..
يجمّد الدمع الخزين
ويضحك اللي كان حزين..
يضحك ضحكة المجانين
تبل ريقه..من آهات..
صداها ولاالكلاكسات..عربيات
العمر كله عربيات.....................
..................................................
من ديوان يا مغربي الحزين......حماده القاضي