تويت
فى الدنيا ريح بتصَفر والورق الاصفر عـ الفرع متعَفر
وخريف فى قلب الريف عـ النخل بيسَطر
بداية نهاية ربيع كان معَطر
والولد فى الدروب الثكالى بيشكى همه ُ المدَبر
كان فى يوم مضى وانقضى طفل وليد فـ حضن أمهُ بيتشطر
وصدر أمهُ منين يجيب اللبن لاجل مايكبر
والقاضى حكم يجف اللبن
لاجل ماامهُ تفضَل ورده يشم فيها
وراح زمن ريش النعام
وانزوى بدر التمام
والورق الآخضر بقى أصفر
والوردة دبلانة عطشانة لريحة عطر
وقمر تايه فـ عتمة فجر
والبحر يشتاق المطر
والولد فـ الدروب الثكالى بيشكى همه المدَبر
مسك طبلة ولف بلاد فى الأعداد ماتتقدر
ياناس ياخلق ياهوه ... أنا عندى حدوتة
فى يوم كان سواد الليل قاسى مابيرحم
هاجوا تعالب شقوا الليل
قالوا ياويل مين يرسم صوره ليوسف ولامريم
وفـ يوم أدور على مريم ألاقيها فى حضن الحزن
تبكى الريح
والغصن جريح
والجرح غاير
والدم فاير
والوش أصفر
مش لاقى طبيب يداويه
والتعلب شاطر وغادر
والولد فـ الدروب الثكالى بيشكى همه المدَبر
*******
تاه الربيع ومريم وضى الفجر
والوردة دبلانه مشتاقة العطر
ياقاضى عن همى راح احكيلك
قاله
أسم أمك
ومالها أمى
...
عـ الخريف تحط غفير .. تطاطيله
رفعت أنا إيدى
ينفخ يوسف جوه نفير
....
هاتلاقى الميه وضى الفجر
ومريم لابسه حرير
فاردالك دراعاتها
والكلب على قبرة بيدَور
جايبالك علاماتها
جزع النخلة والبلح نازل
جوه الطبلة حبسوه .. صلبوه
ياوردة ... قتلوه
*******
كان الوليد فى الدروب العطاشى بيزقى دمه ويحكى لامه
حدوتة
وائل عبد السلام محمد
وخريف فى قلب الريف عـ النخل بيسَطر
بداية نهاية ربيع كان معَطر
والولد فى الدروب الثكالى بيشكى همه ُ المدَبر
*******
كان فى يوم مضى وانقضى طفل وليد فـ حضن أمهُ بيتشطر
وصدر أمهُ منين يجيب اللبن لاجل مايكبر
والقاضى حكم يجف اللبن
لاجل ماامهُ تفضَل ورده يشم فيها
وراح زمن ريش النعام
وانزوى بدر التمام
والورق الآخضر بقى أصفر
والوردة دبلانة عطشانة لريحة عطر
وقمر تايه فـ عتمة فجر
والبحر يشتاق المطر
والولد فـ الدروب الثكالى بيشكى همه المدَبر
*******
مسك طبلة ولف بلاد فى الأعداد ماتتقدر
ياناس ياخلق ياهوه ... أنا عندى حدوتة
فى يوم كان سواد الليل قاسى مابيرحم
هاجوا تعالب شقوا الليل
قالوا ياويل مين يرسم صوره ليوسف ولامريم
*******
وفـ يوم أدور على مريم ألاقيها فى حضن الحزن
تبكى الريح
والغصن جريح
والجرح غاير
والدم فاير
والوش أصفر
مش لاقى طبيب يداويه
والتعلب شاطر وغادر
والولد فـ الدروب الثكالى بيشكى همه المدَبر
*******
تاه الربيع ومريم وضى الفجر
والوردة دبلانه مشتاقة العطر
ياقاضى عن همى راح احكيلك
قاله
أسم أمك
ومالها أمى
...
عـ الخريف تحط غفير .. تطاطيله
رفعت أنا إيدى
*******
ينفخ يوسف جوه نفير
....
هاتلاقى الميه وضى الفجر
ومريم لابسه حرير
فاردالك دراعاتها
والكلب على قبرة بيدَور
جايبالك علاماتها
جزع النخلة والبلح نازل
*******
جوه الطبلة حبسوه .. صلبوه
ياوردة ... قتلوه
*******
كان الوليد فى الدروب العطاشى بيزقى دمه ويحكى لامه
حدوتة
وائل عبد السلام محمد
تعليق