تويت
( گـال جـاي )
خابراني وگال جاي
وچان توّه الصبح يلعب
والنهار بشِربة الچاي
مَر عتب جسّ بخاطري
جناح داواه الهوا
شفاف جاهل
بين رحت وبين جاي
فرّيت
فرّة نـْهار منّ الشته
ياه...ياه يصوته
بعد هَجرة طويلة
ردّ ليّه خواطر
جنحين بوسة
جبـرت خاطري المكسور
و خنگت السهر
چذ ّبت الهجر
والدمع ردّ لسواده
وجمعت عمري فكر للراي
عاتبت المرايات
والكنتور رجّيته
حلـّيت سودهن دَهمة
شيّلت الجفن بالگمر
وبنات العطر والمسچة زهن
يوميّه الشَعر
عطش و بخور يتثنـّه
ودهنت الباب بالسِعدة
راضيت عِتباته بورد
وگتله
من يدگّك ولك حَيْـله
وبالك ها يشدهك داي
ارتعش جدّامي ونفضني
حيل هزني
يّمن عينها تعلگت
دلاّعة بخشب
خايبة
السِعدة واكحها الهوا
وهاية عاشر مرّة اضم صدرچ
وتِتلاوگ اعلينه غيرة هلوكت
چنهن نهد مفطوم
من صفنن عيوني
والشارع شماتة
تلـّّيت إيدي
او ونــّيت ونّ طـْـريح
رْْكَضِت للدار أعاين للمراية
صبر خلصان
وآنه احومن عَلى روحي
واتكوّم عَلَيْ
خوفة وچذبة
ولهبة
ماطرّت ثياب فياي .
خابراني وگال جاي
وچان توّه الصبح يلعب
والنهار بشِربة الچاي
مَر عتب جسّ بخاطري
جناح داواه الهوا
شفاف جاهل
بين رحت وبين جاي
فرّيت
فرّة نـْهار منّ الشته
ياه...ياه يصوته
بعد هَجرة طويلة
ردّ ليّه خواطر
جنحين بوسة
جبـرت خاطري المكسور
و خنگت السهر
چذ ّبت الهجر
والدمع ردّ لسواده
وجمعت عمري فكر للراي
عاتبت المرايات
والكنتور رجّيته
حلـّيت سودهن دَهمة
شيّلت الجفن بالگمر
وبنات العطر والمسچة زهن
يوميّه الشَعر
عطش و بخور يتثنـّه
ودهنت الباب بالسِعدة
راضيت عِتباته بورد
وگتله
من يدگّك ولك حَيْـله
وبالك ها يشدهك داي
ارتعش جدّامي ونفضني
حيل هزني
يّمن عينها تعلگت
دلاّعة بخشب
خايبة
السِعدة واكحها الهوا
وهاية عاشر مرّة اضم صدرچ
وتِتلاوگ اعلينه غيرة هلوكت
چنهن نهد مفطوم
من صفنن عيوني
والشارع شماتة
تلـّّيت إيدي
او ونــّيت ونّ طـْـريح
رْْكَضِت للدار أعاين للمراية
صبر خلصان
وآنه احومن عَلى روحي
واتكوّم عَلَيْ
خوفة وچذبة
ولهبة
ماطرّت ثياب فياي .
تعليق