غــزة: قصيدة لم تكتمل

**جلال فكرى** · 12-01-2009, 18:53

آخد بتارنا والغِل اللى فى القلب مولع نار
أنده على دم خالى اللى إرتضى سينا له دار
ما نامش وسط إخوانه وقال إن السلام ده خيار
ناكل ونشرب.. بهايم بلا كرامه م النيل للفرات

**د/ أحمد الليثي** · 12-01-2009, 20:17

[align=center]ناديت على أهلي وناسي لما صوتي انبَحّ
وبكيت على دم نازف من ألف جرح وجرح
رجع لودني الصدى، والحزن لم يبرح
الحيّ يسمع ولكن دي أمَّـة م الأمـوات.[/align]

**جلال فكرى** · 15-01-2009, 15:42

يا ناس يا أهل المروأه إتحركو شويه
نايمين وشاربين بَلَم و بلعتوه بميه
الكلبه نبحت لما إبنها قرب من الحيه
و انتم نيام وولادكم بلعتهم الحيات

**جلال فكرى** · 15-01-2009, 16:07

الأمة من بعد الكرامة عجزت
وكلاب عدانا بدل الحذر هجمت
ورجالتنا حالا للطرح لبست
ودمنا آهو سال يكسينا باللعنات

**د/ أحمد الليثي** · 26-01-2009, 16:12

غـزة بعد الدبح بيقولوا قال إعمـار
يا مين يعيد الزمن، ويرجَّع الأعمـار؟
الدم سايل ويجري كما الدموع أنهـار
من أمتى كان الحجر بيرجَّع اللي فات؟

**د/ أحمد الليثي** · 26-01-2009, 16:34

ما عادت تنفع الشكوى، ولا البكا هيفيد
القلب ينزف بحرقـة، وغير الألم ما يزيد
الموت بعزة في غـزة طريق بناه أحـرار
يا إبن قلبـي عليك بدل الدعا صلـوات!

**جلال فكرى** · 27-01-2009, 15:35

بدأنا نقول إعمار ونسينا اللى جرى
ودم العيال اللى ماتوا كان ليه يا هلترا
دة حالنا صبح نكته وشكلنا مسخرا
ودارى دمعتك ياما وإكتمى الآهات
ياما=يا أمى

**جلال فكرى** · 27-01-2009, 15:45

وعدت حفيدى بتار ما قدرتش أوفى بيه
وعدته بشجرة خضرة ونادى يلعب فيه
وعدته أكون سند وعمامه ظهر حاميه
عمامه دفنوا الشجرة والنادى صارخرابات

**جلال فكرى** · 27-01-2009, 15:55

ودم خالى الشهيد ما حلفت باطل بيه
لا يوم حيهدا فى قبره ولا عرفت أرضيه
ودم طفله جميله ما عرفت فين أراضيه
لتبكوا دموعكم دم وشهداءنا فى الجنات

غــزة: قصيدة لم تكتمل

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث