[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا طفلٍ قظيت العمر... بدري=أنا أدري… ولا حدٍ فيها دايم
أنا عودٍ قظيت اليوم... مبري=أنا بصدري...تلقيت الهزايم
أنا نسمه تموت اليوم... غدري=أنا مدري…سبب موت النسايم
وحرب اليوم ما ترضى... بعذري=أنا ظهري... ما يقوىع العزايم
رضيت اليوم في ذلي... وأسري=عشت عمري... أنا بجوع وظلايم
ألا غلّي ألا يا كثر... قهري=عرب تدري... وخلتنا غنايم
يهود اليوم تمحيني... وسطري=بقى سطري... بتقراه الحمايم
عربنا لا قرت سطري... تهدري=خُطب تسري... وتنكل بالشتايم
أنا مدري أنا بالفعل... مدري=عرب تدري... ألا وين الشهايم
إلا من الدموع اللي... تحدري=سرت بدري... تنبه كل نايم
إلا مني سكنت اليوم... قبري=ترى بذري ...بينطر سيل عايم
إلا أمسى الحنوط اليوم... عطري=ترى نشري... حنوط الفخر دايم
أنا أدري صيام الناس... شهري=مضى دهري... وعز العُرْب صايم
وما يفطر على موتي... ونحري=كمل بدري... وصيام العز دايم
أنا طفلٍ فتر عزمي... وصبري=أنا صبري... دفنته بالذمايم
كرامه ما بقى من يوم... تسري=نسا تجري وتبكي بالهدايم
تعبت اسطر حزن شعري... ونثري=وجف حبري... وفكري اليوم هايم
ولو كان النصر ينباع... نشري=بقى عذري... لغزه حرف حايم
وناموا يا عرب ما عدت... بطري=أنا مطري ... بعد يوم الغمايم
وغير الله أنا مرجي... لبذري=مطر يسري... يسوقه بالرحايم[/poem]