خيبتنا ..و التوابع(جلال فكرى)

**جلال فكرى** · 12-01-2009, 19:07

طب ماانت عارف الفيران موجودة
مشكلة ..باقية وليها ماحليت
ما هو ده غباء العيلة بيه موعودة
مالك آهو ضاع حتى لو سبيت

**جلال فكرى** · 12-01-2009, 19:09

ما كنت عارف طعم المرارة فظيع
المر كلته ولا بيه حليت
دايما جبان فى الزحمة بتقول بيع
مهزوم و واهن ولاعمرك إتحديت

**جلال فكرى** · 12-01-2009, 19:22

كلام كبير وشجب وإستنكار
ماتوا ولاد غزه ولا إتهزيت
ميت و متحنط وراضى العار
لا دمعت عينيك ولا حنيت

**جلال فكرى** · 12-01-2009, 19:41

وجامعة الدول اللى بنوها فى كام
من قبل حتى الفار ما دخل البيت
دى جد صحيح ولا ده بس كلام
قرارها زى اللب بيسلى ده لوحبيت

**جلال فكرى** · 12-01-2009, 19:56

والأزهر اللى كان له مكان قدام
ساب الفتاوى و بقى مصدر التشتيت
وكبيره راح سلم على الحاخام
ناقص يبوس إيده يقول له أنا جيت

**وائل عبد السلام محمد** · 12-01-2009, 22:21

ياعم يا..بتاع الحروف العربية
مالك ومال اليهودية
ملكة ولبسوها التاج
وإنت هاتلبس قضية

تحياتى

وائل عبد السلام محمد

**وائل عبد السلام محمد** · 12-01-2009, 22:25

ياعم سيبك مـ اللى راح
الكلام ما عاد مُباح
الفيران فـ قلب الدار
عدى لغزة شوية سلاح

تحياتى

وائل عبد السلام محمد

**جلال فكرى** · 15-01-2009, 15:52

لمى ولادك يا بلدنا وقولى آه
يمكن نفكر كبيرنا بواجبه واللى وراه
بنوك سويسرا مللوا من كثير المال
و إحنا طابور العيش ماشفنا مداه

**زياد القيمري** · 15-01-2009, 16:03

صديقي العزيز ...وأخي الفاضل
الاستاذ (جلال فكري)
لك التحية ..
من قلب المدينة الجريحة والمسجونه
طب حنعمل ايه مع أولاد الملعونه...
بكره يقولوا الذنب على ابن الحزينه
ساعتها محيفضل لينا حاجه غير...خبز اللعينه...!!!
مع تحيات استاذ اللغة العظيمه
ابن القدس ...
زياد القيمري

**جلال فكرى** · 15-01-2009, 16:12

الأمة من بعد الكرامة ..عجزت
وكلاب عدانا بدل الحذر.. هجمت
ورجالتنا حالا للطرح .. لبست
ودم العيال سال وأصواتكم.. إنحبست

**جلال فكرى** · 15-01-2009, 16:21

ماتوا ولاد عمى ولا إتهزينا
إطلع يا دود الأرض إعمى عينينا
كلنا إنت أولى بينا .. إنهش فينا
ده دم أطفالك يا غزه بيبكى علينا

**جلال فكرى** · 15-01-2009, 16:33

يا جيل طالع والتفريط عينيه شايفاه
وخيبه رايحه و جايه .. بتستناه
يا عار تشيله بلادى وعمرى مداه
ياخسارة دم العيال عالأرض.. يا ولداه

**جلال فكرى** · 27-01-2009, 16:03

حبيت أفتكر إسمك وأقول يا فلسطين
مسكت قلبى بإيدى ونمت حزين
كان بدى أموت بدل عيشة العاجزين
ولادنا فسدوا و فجروا ونسيوا الدين

**جلال فكرى** · 27-01-2009, 16:17

مش هم دول اليهود اللى سبوا رسولنا
وقتلوا منا شباب حارب عشان ما يصوننا
مش هم دول العدو ولا نسينا أصولنا
بدونك يا بيت المقدس لاعشنا ولا كنا

خيبتنا ..و التوابع(جلال فكرى)

خيبتنا ..و التوابع(جلال فكرى)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث