واقف وساكت ليه ومبتنطقش؟؟
مستنى مين؟!
ومين راح يجيلك بعد عمرك كله ماراح فالانتظار ؟؟
عطشك فى ريقك نشف ريقى
جوفك وحلقك زى النار
واقف وميت مالعطش
ومبتنطقش
ارحم عنيك من لسوعة برد الشوارع والسكك
وارحم عنيا السهرانين فوق جثتك
عشان أشوف ........................ مستنى مين؟؟



بنت عمك جنب حيطة مالحيطان الميتة
بتنسج حكايتك للبنات
قصاقيص ورق
وأربع طوبات
ومربعات
متقسمة على أرض بور
كان الرهان خاتم ورق
أو دبلتين
ومجبتهمش !!
والعنكبوت
عمال بيغزلك خيوط
عشان تموت
وبرضه واقف مطرحك
ومبتنطقش
ومش عاوز تقول مستنى مين؟؟



البنت مانستش الطوبات
ولسه فدماغها الرهان
واتجوزت علشان تعيش
وانت اسه بتنتظر ؟!!!!!!!
اللى انتظرته مات خلاص
فى حضن غيرك من زمان
ما هو أصل غيرك كان زمان مستنظره
ولف الشوارع و الحارات
وكان بينطق و مبيعطش
ولا حد مرة وقفه
ولا جه فى مرة وحد سأله :
مستنى مين؟؟؟؟؟؟؟؟