تويت
سهرت ليلي وبابي مسكر
وعاعتبتو الثلج عم يسكر
وبهليل طق من الحكي
المزراب
والبرد عالشباك يتكسر
---------
وعالارض مش مبين حبة تراب
والجنينة شاب لونها الاخضر
قاعد لحالي راجع بدفتر شعر
تاشوف بصفحاتو شو مسطر
----------
واذا بصورتك الفيها العمر ذاب
من حروف الكتاب عم تظهر
من موسيقى الشعر عم تسكر
تذكرت ايامنا المتل السراب
كف كانت قبل ما نزعل
-------
زعلت بدون ما تعمل حساب
نسيت شو زرعتلها على الشباك
ونسيت غمرات الصبي الاسمر
نسيت سؤال كنت ناطرلو جواب
نسيت بس بعدني مذكر
لو بتعرف شو عم ذوق عاغيابها عذاب
وبسهراتي لحالي شو صرت اضجر
مالي رفيق غير السراب
وزقزقات الباب المسكر
ونقطين نبيذ بكاس شراب
ومحبرة من ضلوعي ودفتر
تعليق