[poem=font=",7,indigo,bold,italic" bkcolor="transparent" bkimage="http://www.almolltaqa.com/vb/mwaextraedit2/backgrounds/67.gif" border="groove,2,deeppink" type=2 line=1 align=center use=ex num="0,black""]
في غيبتك ..
الليل شاعر والنسايم قصيدة = والآه في صدر المعنَّى مــواويـل
و انا الحبيب اللّي ضلوعـه وقيـدة = عشت الشقا والهمّ ويّا الغرابيـل
عانيت من مـرّ الظروف الشديدة = يفرح بحالي حاسدي والعواذيل
بيني وبينك ألف صحرا مديدة = بعروقها ضاعت جميع التفـاصيل
يومن تزبّنت الدروب البليدة = شفت الجفا والصدّ والحيف والويل
يا ساكنن عنّي بدارن بعيدة = لا تقطع خيوط الرجـا والمراسيل
بعض الرسايل للمـلوّع تفيده = لو كان ما يغني قليل المحاصيل
قلبي كما الشاهين والقاف صيده=واقنص معاني الحب من غبّة الليل
قصدي حروفن في هواكم جديدة = أجيبهـا لو هي ورا نجمة سهيل
عذب الشعر لجلك وأحلى نشـيده=ياللي رميت الروح وسط المجاهيـل
في غيبتك دنيا السعادة فقيدة = حتى ملكني الهمّ بالحيل بالحيل
والشـوق يذبح خافق من وريده = وايـام عمري للشقاوي تماثيل
وآخر كلامي يا غزال الفريدة* = لا تقطع خيوط الرجا والمراسيل [/poem]