طالب حق
مش صعب نبقي أحرار
أو صعب ناخد بالتار
ونخرس صوت المغتصب
ونقوم م الرقاد وننتصب
مدام مرحنا ش لحد قدام بابه
د هو اللي جانا رغم بعد بلاده
وسن أنيابه
هو اللي جاني قدام بابي
ونام علي أعتابي
ولما أتكلمت قال علي ارهابى
وأنا طالب حق
ودي أرضى و ده شارعي وده بيتي
شئت يا بندقية المحتل أو أبيت
وأهو ده الجدار اللي بنيته
في الساس البحري مدفون جدي وجدتي
وفى الساس القبلي مدفون خالي و عمتي
وسآسى ده ساس قديم
من قبل ما يخطوا التاريخ
وقبل خرايط الجغرافيا
وقبل ما يختر عوا الحسابات والتقويم
ومهما أتلائم اللئيم
حقي ها خده بأيدي بالذوق بالعافية بالبلوتيكا
أحنا مارحناش لأمريكا
لا دى هيه اللي جات باسم الحرية
وتحريرا لشعوب م الدكتاتورية
وإسرائيل اللي بتطهر ولادها في عرس غرها
جاره في جرا يرها
وبتدق المسامير في كل ميل
وعينها ع القيراطين و البرميل
وأحنا انفلتنا يا أمريكا
و ماتوا الثوار يا إسرائيل
أقتلى في الأطفال و النسوان
وأزرعى الفتنه وانفخي في النار
وصبى الحنان للأمريكان لأجل ما يشربوا
ويتوضوا ويغضوا الطرف عن القتل والتشريد والاستيطان
سمعنا وشفنا الظلم بكل لون
لكن ما سمعنا ش عن دوله حاربت كون
و ده مش جنون
ده ظلم من نوع تانى
ظلم يعرف الحق ظلم انانى
ظلم بكل اللغات
ظلم العولمة والجات
ظلم التسيب والانفلات
ظلم الدولار لكل العملات
و هيه كانت عملة إيه كوبا لأمريكا
ولا كانت عملة إيه كوريا لأمريكا
وإيران والسودان
وفلسطين وأفغانستان
وكانت عملة ايه فيتنام
لي وكر اللأم و لغربان السلام
لكن العيب مش على أمريكا و إسرائيل
العيب على باع عرضه و دينه
والعيب على اللي خان وكنا مأمنينه
ومد أيديه بالعار
ويموتوا الثوار
ويتولدوا الثوار
ومش صعب نبقى أحرار
أو صعب نرد العار بالنار
شعر/ أحمد عبد الحميد