ابدأ سلامى بالصلاه على خير خلق الله

بيه القلوب تنسعد لو تمشى درب خطاه

تلقى الهنا و المنى ما تدوقش طعم الاه

ثناءنا ع اللى اصطفى رب البشر و رعاه

جميعه نقطة ندىما تيجى شىء فى ض ياه

حامل بشاير هنا جه للبشر بهداه

خلى الظلام انقشع و الكون سطع بضياه

دل البشر ع الهدى يا بخته من وياه

ذل اللى ما يتبعه يمشى ف درب خطاه

رب العباد اكرمه بالحب قولوا الله

زين البشر كلهم احمد رسول الله

سيد العرب و العجم فرح الفؤاد و مناه

شعرى عليه مكرمه ليا و بترجاه

صفى رب الورى يا سعده من حياه

ضنك الحياه يتركه و الحزن ما يلقاه

طبيب قلوب الورى نفسى اكون وياه

ظالم تارك سنته ظالم لنفسه و اه

عبيرى ذكر النبى بتروح معاه الاه

غالى علينا قوى ع القلب ما اغلاه

فى صحبته بنرتوى يا ليت نكون وياه

قلبى بيحلم قوى و هو كل مناه

كل اللى حبوه كده متمنين لقياه

لو بس نرزق صفا نرزق بما نهواه

مرمى الامانى لقا ع الحوض يكون وياه

ننسى الالام و الشقا و كل ما شفناه

هو دا اغلى منى و السعد لو نلناه

ورد الحياه التقا و اللى يعيش فى سناه

يحيا حياته هنا و الاخره يلقى هواه