تحت اللحاف بردان
و برغم الغرام سقعان
عشان انا بحلم
بأمة تدي حنان
و ابطل انادي حرام
و احلم اكون دفيان
...............
بحلم أرد السيل
لما يفوت بليل
و العالم كله نيام
بحلم بأرض أمان
وردة في كل مكان
تنشر ريحتها سلام
...............
بحلم يكون البشر
زي النجوم و القمر
كله ينير بليل
بحلم أكون الشمس
عشان أدي نوري بهمس
إعمل يا ابني الخير
.............
بحلم يكون الزرع
و لو حتي فاصوليا و قرع
في الوادي و وسط جبال
بحلم يموت الشر
الناس تبطل قر
و تقول كلام الدر
بدل الخناق و الويل
................
بحلم يكون النيل
زي ماء الزير
كله ساقع و جميل
بحلم البنات تحتشم
و الشباب يتلم
و يخلوا شوية دم
للعادة و التقاليد
...............
بحلم أنط لفوق
و أربط بإيدي الطوق
حوالين أي سحاب
عشاب أشيل المطر
م العادي و الكذاب
بحلم ما أشوفش سراب
مفيش في الصحاري دياب
و مش يبقي كله كلاب
و مندوقش طعم المر