[align=center]جوكر
قوللي ياجوكر

مين راح يكسب في الأخر
اللي نقول طيب وعبيط
واللا اللي بنفسه اتفاخر
مين اللي معاه الجوكر
الكداب ولا الصادق
والسارق واللا المسروق
واللا الجنتل واللا الذوق
المسطول واللا الفايق
ياما سألت غروب وشروق
بسأل نفسي وبتضايق
أنا مش عارف
قولي انت
قولي ياجوكر
مين في اللعب أكيد هيأش
واحد عادي و ماشي ف حاله
ولاالتاني أبو مية وش
إيه الصح وليه الغش
قوللي ياجوكر
أنا تعبان؟
لاماتعبتش
خلي اللعبه تورينا
واحنا ف إيدنا الكوتشينه
واللي هيخسر يتقرقش
الكسبان راح يتنعنش
واللا بتحسبني مابفهمش
لاه أنا فاهم ومصحصح
لابس تاجه المتنصح
ضحكوا عليه بس مايعرفش
قالو الكنج بيفضل كنج
حاسب الجوكر اوعي يخش
السابعه الكومي قالتله
يالا ياكنج ميعاد الدش
وتمنيايه كانت مجنونه
دشت واحد متدشدش
بيقولو كان عنده عيال
كان حريف بس اتبشبش
قالو عنه غنوه فموال
أنا حبيت بس ماطلطش
جوكر جوكر
لسه معايا
قولي ياجوكر
احنا ف لعبه ولا روايه
أه لو نلعب ع المكشوف
حتي الأعمي ساعتها
يشوف
وهنبقي أكيد بني أدم ين
بس
ياجوكر
مين يسمعنا
قول كده مين
لو بالقوه اتجمعنا
واتلمينا بأستك واحد
لا اللي موزع يمنعنا
والكوتشينه
ترجعنا
كلنا جوكر
صح ياجوكر

وعجبي ياجوكر
مدحت المرسي سليم
Friday, 13 March, 2009][/align]