تويت
أوبريت
الديك ساطع
تأليف
ربيع عقب الباب
المشهد الأول
ساطع : أنا ساطع 000أنا رائع
ولا زى اتنين فى العالم
والكون من غيرى مش نافع
أنا ساطع 0000أنا رائع
من فيكو بيدن زيى
يصحى لى الكون ويحيى
دا لولايا الصبح مايجى
الضلمة هاتفضل ضلمة
والدينا تبات مش قايمة
صحيانكو ونومكو بايدى
وحياتكو وموتكو بايدى
طفلة : مغرور 00 كداب 000
الفراخ : إى ساطع إى ساطع
عيش بينا خليك نافع
وبلاش م النفخة دا هيه
وإياك من فعل الحية
اتلم بلا ش أنانية
وبلاش م النفخة دا هيه
الديك : أنا حر ياناس فى حياتى 0000اتصرف كيف مابدا لى
أعمل طبلجى وآلاتى 0000وأغنى كمان و ألالى
طير1 : ماتبطل يابنى غرور 00 عيش راضى بدنيا الطير
بالرضى والحب نطير 00 و لا ليلة تبات مقهور
الديك : لزمن تعرفوا ياهاموش بتوضعى بينكو باعيش
وحقيقة ماتستهلوش ابدا غير التهويش
و النقر ونتف الريش
طير2 : هو أنت بتزهقشى على نفسك مابتقلقشى
الديك : أنا ساطع 000000000000مش شايفين
ياطيور بتعيش فى الطين
تاكل تشرب وتنام
لما ياخدها السكين
طفل : هو دش 00 ولا دش
ليل نهار 00 عمال تدش
جرى إيه ياسى ساطع ؟ فز قوم اتلم كش
الديك : مش هاكش 00مش هابطل يابنى دش
طير4 : حد نقرك 00 و لا داس لك
على عرفك 00فى المنام .. و لا يعنى !!
الطفل : (يقهقه )
الديك : هيه سايبه 00 أما و الله طيور وخايبة
طير5 : عدى نام !!
الطفلة : ماما 00 دى أمه ؟
الأم : علمى علمك 00 ربنا وحده اللى يعلم
الديك : مش هانام اللى بمزاجى
طير3 : طب دماغنا !!
الديك : يتفلق
طير5 : يابنى عدى 00 الادان هايروح عليك
طير6 : و الأدان لو راح يافالح !!
طير1 : إيه هايجرى ؟
طير2 : و لا حاجة
طير3 : هو فاكر نفسه ناصح !
طير1 : هو فالح فى الطحين 00فى الهم كاسح
الديك : راح أدبكم 00 تمام
من يوم ورايح يالئام
لازمن تعيشوا فى ضلام
هابطل أدن راح أنام
الطفلة : ماما 00 ساطع
الأم : ماله ساطع ؟
الطفلة : مش هايدن زى عادته 00 راح يزعل منه مامته
الطيور : هو احنا كنا غلطنا فيك و لا احنا كنا غلطنا فيك
طب دا احنا دايما بناديك ياباشا ساطع ياسى ديك
الطفل : (يقهقه ) ياباشا 00 دى برضه باشا 00دا ديك بوغاشه
الديك : ( ينقر الطفل ) مفيش كلام 00 مفيش تراجع
من النهاردة 00 ديكو ساطع
ينسى الأدان 00ينسى المواجع
الطيور : ( تبكى ) ساطع حبيبنا 00 إيه جرى لك
نهون عليك 00 تمنع أدانك
وتفوتنا لليل 00 و المهالك ؟
الطفل : أنتو صدقتوا 00 دا كداب 00 والله لأوريك 00 ياكداب
الطفلة : ( تبكى ) وحش ياساطع 00 والله خالص
أنا مش هاحبك 00والله خالص
الديك : هس هس هس بس بس بس
خلاص زهقت وش جو القن خش
الطيور : دا أنت الوحيد بينا ياساطع
يابو تاج جميل زاهى ولامع
ولا فى زيك 00 أدانه باتع
الديك : أنا ماشى ياشوية غجر
وم الساعة دى مفيش أدان
مفيش نهار 00 مفيش سهر
من يوم ورايح ياهمج
عيشتكوا هاتصبح خطر( يخرج )
طير1 : لازم نشوف حل سريع
طير2 : لابد طبعا
طير3 : قبل ما الطيور تضيع
طير4 : لو النهار ماطلعش بكرة
طير5 : كل الطيور تبقى فى وجيع
طير6 : نور النهار هو حياتنا
طير7 : هو حياتنا
طير3 : طب نعمل إيه و ديكنا فاتنا
طير7 : خيبة ياناس 00وأتاتنا
طير2 : يللا ياناس 00 نشوفه فين
لجلن يغيتنا
الطفلة : ( تبكى ) ماما 00 مش هايدن 00 ساطع وحش00 ياماما جدا
الأم : وهو يقدر 00 عليه مقدر 00 لابد يدن
أمال بقى .. العرف دى 00 إيه لزمته ؟
المشهد الثانى
( فى عشة الديك البنى )
البنى : أهلا ياساطع 00 عامل إيه ؟
ساطع : أنا حلو خالص 00 ومزاجى إيه !!
البنى : صاحى مانمتش و لا إيه ؟
ساطع : مشغول يابنى 00 ماأعرفشى ليه
عيشة الطيور ماعادتشى نافعة
بقى ليها ريحة يابنى وحشة
البنى : باين عليك زعلان شوية
حالا تفضفض باللى شاغلك
واللى افتكرته 0نار ياصاحبى
فى لحظة واحدة00 يبقى مية
ساطع : قرفت من عيشة الطيور
البنى : قرفت من عيشة الطيور ؟
ساطع : أيوه قرفت
البنى : دى النعمة من وشك تغور
دى أخرة البطران دا وحشة
ساطع : وهيه فين النعمة دى 00 هيه الطيور بتخلى حبة
و لا حتى شربة .. غير بالمضاربة
والمحاربة 000 دا شى يطول شرحه يابنى
وحياة عينيك بلاش تقلب فى المواجع
بطنى بتعوى غصب عنى
دايما جعان 00 عطشان وواقع
البنى : طب بس اهدى أمال ياساطع 00تاخد معايا مسكافيه
ساطع :لو ماكاتش رزالة منى 00 ياسى بنى
سندويتش كباب وكفته00 يبقى أحلى
البنى :غالى ياصاحبى وحبيبى 00 بس برضه طلبك أغلى
ساطع :يبقى حتةجبنه بيضا 00 أوعصيدة
البنى :فى ثوانى تبقى جاهزة
ساطع :أنا نويت ما أدانشى أبدا
لجل أأدب الطيور (بمكر ) رأيك إيه ؟
الطفل : ( يقهقه ) آخر هباله 00 هافضح لعبك 00 ان ماوريتك
البنى : غلط 00 غلط عقلك زلط
فكرك عقيم فهمك غلط
الطفلة : وحمار كمان !!
ساطع : فين الغلط يابنى قول
خليتنى مضحكة العيال
البنى : غلطت والله ياعم ساطع
نور النهار لا بد طالع
من غير مايستنه أدانك
مهما عصيت الفجر طالع
ساطع : راجع ؟!
من غير أدان 00 من غير ديوك 00 من غير مسامع
البنى : حسب الأوان 00 يعلى الأدان 00 من غير تردد فى الجوامع
زى مافيه دلوقتى ليل 00 يجى نهار أبيض جميل 00 مهما عصيت الفجر طالع
ساطع : (من خلف ظهره ) طب ماانى عارف ( للبنى ) وده عرفته منين يابنى ؟
نورنى قولى 00 فهمنى
البنى : ليلة من ذات الليالى 00 نمت مش دريان بحالى
م التعب عمال ألالى 00 آه ياراسى آه ياعرفى
آه ياديلى 00 آه يالالى
قول غرقت فى نوم تقيل
قمت أجرى الحق أدانى
إلا وألقى ياعم ساطع 00 النهار نشيده طالع
والطيور عماله ترقص00 والحياة جمالها رائع
مهما طال الليل عليك
النهار يجى يناديك
يجى فى أوانه 00 هكذا 00 دوغرى فى معاده
ونوره يبوس عينيك
ساطع : ( من الخلف ) طب ما أنى عارف ( للبنى ) طب والعمل ؟
البنى : الحق بسرعة 00 أوام ياساطع
لو كنت عايز لعبتك
تعيش وتكسب من وراها
طاعة الطيور وحبها
بسرعة قبل ماالنهار
يطلع ويكشف سترها
اعلن أدانك للجميع
الكل يبقى لك مطيع
ساطع :ياسلا م يابنى
البنى :يللا اجرى يللا 00 بلاش لكاعة
مافضلشى ع الفجر إلا ساعه
ساطع : أشكرك خالص يابنى
قدمت لى أغلى نصيحة
نورتني 00 علمتني 00 وحوشت عنى كام طريحة
باى يا بنى
الطفل : ( يتقدم من ساطع ) عيني فى عينيك ( الديك متحفز )
أنت دماغك 00 ها يل يا ساطع
أروب وغاوي 00 عندك حضور
قدرت ياما 00طيبة الطيور
الطفلة : ماما بنى
الام : كتاكيته بنى
البنى :باى ياساطع 00 لزمن تطمنى عليك
أنا فى انتظارك
اوعى الطيور تضحك عليك
احفظ كيانك
الأم : صاحبه 000 واجب ينصحه
مش يوافقه ع الغلط
الطفلة : البنى حلو 00 حلو ياماما
الأم : لأ 00 مش حلو
كان لابد يكون أمين
فى نصحه ليه 00
الطفلة : بس دا قال 00 غلط 00 عقلك زلط
الأم : بس برضه فى الغلط
الطفلة : والطيور ياماما 00 فين 00 عامله إيه
الأم : احنا مش سايبنها 00 بتفكر فى حالها
رايحه تنكش عن صاحبها
ودموعها فوق خدودها
تنده عليه يجى يغيتها
خايفه النهار مايجيش فى وقته
وتعيش فى ضلمه
والضلمة فيها 00 يادينا موتها
المشهد الثالث
الطيور تحيط بساطع وهى تبكى
الطيور : الله عليك 00 ياديك ياساطع
يابو قلب أبيض وعرف رائع
وأدان يخلى الصبح ساطع
ياسلام عليك لو بس ترضى
هانلبسك توب الإمارة
ونحط فوق الخد وردة
ع الصدر نياشين الجلالة
وعصايا من أبنوس عمولة
تبقى الملك من النهاردة
ساطع : أنا مش قاسى القلب 00وجاحد
أنا ديك طيب
زعلى قريب
ونويت فورا 00 لأجل خاطركم
أنسى كل كلامي برضه وأجيلكم
الطفلة : ( تخطو نحو ساطع ) ياكداب هاتروح النار
ساطع : ( يهاجمها )
الطفلة : ( مذعورة ) حتى أنا راخره 00 وماما قاعدة
الأم : ياعينك ياجبايرك ( تجرى لتبعده ) كل دى يحصل 00 والناس مش حاسة
ساطع : الناس مش فاضية 00
تشوف حواليها
لقمة عيشها 00 أغلى وأحلى 00 من أولادها 00 وننى عينيها
الأم : ياعم ساطع
ساطع : ساطع مين 00 وزفت الطين 00
الطيور : ساطع مالك 00 ريح بالك 00 كمل دورك 00خلينا نخلص
ساطع : ماشى كلامكم 00 لأجل خاطركم 00
الطيور : هيه 00 كمل كمل 00
ساطع : هادن تانى 00 والله عشانكم00 بس بشرط
الطيور : اشرط كيف ماتحب ياساطع
ساطع : أكل وحدى !!
الطيور : وحدك !!
ساطع : واشرب وحدى
الطيور : وحدك !!
ساطع : بعد ما خلص 00 كلكو بعدى
الطيور : كلنا بعدك ؟!!
ساطع : كلكو بعدى
الطيور : كلنا بعدك ( كلهم يمسك بطنه بتوجع )
ساطع : ماشى كلامى ؟!!
الطيور : طبعا ماشى
الديك : عايز أسمعها 00 عالية بتدوى 00 وأسمعها 00 لكل الناس
الطيور : ماشى ع الكل 00 ياديكنا يافل
ساطع : زحمة وهيصة ونقر مفيش ؟!
الطيور : نقر مفيش
ساطع : ماشى كلامى ؟
الطيور : فيه ناس ماتجيش غير بالتهويش ؟
ساطع : أنا ساطع قدها وقدود
الطيور : يعنى أنت المسئول قدامنا ؟
ساطع : مسئول وهافرض سلطانى كل السلاح يجى قدامى
النقر .. وضرب المليان من حقى بس وأعوانى
ماشى كلامى ؟
الطيور : ماشى ع الكل 00 ياديكنا يافل
ساطع : واللى هايغلط ؟
الطيور : اضربه لما يبان له أصحاب
ساطع : أضربه ؟
الطيور : كسر رأسه 00 ومعاه ناسه 00 طين عشته 00 اقفل بينا وبينه الباب
( الطيور تحمل ساطع ، وتلبسه ثياب المهمة الجديدة ، وتمشط له ريشه ، وتجلسه
على كرسى العرش ، والعصا بيمينه ، والطيور تغنى له على مختلف أنواعها )
: الله عليك ياملك ياملك
يابو تاج جميل بزمبلك
وأدان قوى يهز الحلك
يطلع نهار يملا الفلك
الطفل : ( يقهقه ) الديك ملك 00 بزمبلك ( يقلد من يتحرك بالزمبلك )
الطفلة : ماما 00 ملك 00 الديك
الأم : شفتى الديك بتاعنا00 مش له عرف جميل ؟
الطفلة : أحمر 00 أبيض
الأم : أحمر بس 00 إياكى تنسى !!
الطفلة : لأ مش هانسى
الطيور : الله عليك 00 ياملك
الأمر لك 00 والنهى لك
تؤمر تطاع 00 وكل من يعصى هلك
تكدب نصدق كدبتك
ونقول صدق والله الملك
الطفلة : ماما الكدب وحش ؟
الأم : الكدب طول عمره وحش 00 وحش
و اللى بيكدب يوم يادينا 00 ربنا مابيحبهوش
الكداب بيروح النار00 أكبر نار
الطفلة : ساطع يكدب 00 يروح النار 00 أكبر نار
الأم : طبعا طبعا ( نرى نماذج من المعاملة بين الطيور والديك فى تناوله الوجبة أو الشرب
، وكيف يحاسب من يخطىء من وجهة نظره ، وكيف أن الطيور تساعده على طغيانه
وجبروته ، ربما يحتاج ذلك لأشعار تغنى مع الاستعراض )
طير4 : ساطع 00 ساطع 00 ملك باتع
جايه أشكى لك من محروس
خد استكتى من قدامى
ساطع : ( حوله الحاشية والجلاد ) خدها إزاى ؟
طير4 : مد إيديه خدها وخباها !
ساطع : يامحروس 00 يامنحوس 00 ردك إيه ع التهمة دى هيه ؟
طير8 : أنا ياباشا 00 لأ ياباشا
أنا راضى بحكم الاستيكة
مين جابك لجيب محروس ؟
هيه ياباشا 00 خدتنى معاها ( يتحدث بصوت آخر )
مين قال لها هاتى 00 الاستيكة
وجابتها م البيت وياها
أبقى أنا غلطان ؟ ( يعود لصوته )
أنا غلطان ؟؟
ساطع : لأ مش غلطان 00 عداك العيب
هاتوها لى البنت دا هيه 00 وبراءة ياسى محروس( يضرب صاحبة الحق )
طيره 5 : ياملك ياملك 00 عندى شكوى للملك
ساطع : إيه جرى إيه 00 جيه بزيطه وترمبيطه 00طلبك إيه ؟
طيره5 : ساعة الوجبة ماجتنا ياباشا
كنت مريض مش قادر آكل
عنت نصيبى 00 جانبى بايدى
نمت شوية 00 بعد شوية
صحيت م النوم 00 تعبان ياما
هفتان م الجوع
قلت الوجبة صبحت واجبة
ساطع : خلص 00 خلص 00 غيرك ياما
طيره5 : فين الواجبة 00 راحت فين ؟
حد أخدها 00 وكلها ياعالم
دا أنا حاططها 00 هنا بايديه
ضحكوا وقالوا بح يا خيبة
كلناها طبعا 00 أما عجيبة !!
ساطع : هاتوه 00 هنا هوه 00 يللا يا خيبة ( يطرحونه أرضا )
الأم : ميزان مقلوب 00 كل العالم بالمقلوب
تكدب 00 تعيش فى نعيم
تسرق تحكم وتسود
تقتل وتدمر كون
تهتف لك الملايين
عاش البطل للحق00 ونصرة المظلوم
المقلوب دايما محبوب
من أربابه 00 من أصحابه 00 بس تملى 00 عمره قصير
مهما هايكبر 00 شرع الله لازم هايسود !!
المشهد الرابع
صاحب الحظيرة يحمل الحب و الماء ويتفقد الطيور فيرى الديك ساطع 00 يتفحصه
الرجل : والله كبرت ياصاحبى وشخت
خدت زمانك ياما نجحت
وياما فشلت
عشت حياتك 00 يوم فى العالى
ويوم فى النازل
كبروا عيالك
جيل ورا جيل
خدت زمانك
لازم تدى الفرصة لغيرك
لجلن برضه 00 يعيشوا زمانهم
يللا ياصاحبى ( يجرى الديك والرجل وراؤه حتى يمسك به )
الطفلة ماما 00 خده
الام خده
الديك ( ديك يظهربين الطيور ويصيح ) كوكوكو00 كوكوكوكو
الطفل جدع 00 أنت جدع ( يقلده ) لحسن ساطع فاكر إنه ( يقهقه ) عبيط
الديك ( يصيح ) كوكوكو
الطفلة ساطع فين يا ماما 00 أنا باحبه
الأم بتحبيه على كدبه يادينا
دينا ريشه جميل 00 حلو ياماما
وعرفه الأحمر 00 ديله الأسمر
الأم دينا جميلة 00 شعرها أسمر
خدها وردى 00 دايما أقمر
دينا حبيبتى 00 كل أصحابها بيحبوها
لو يوم تكدب 00 لو يوم تغضب
كل أصحابها هايخاصموها
دينا صح ياماما00 أنا مش هاكدب 00 ولا يوم هاغضب
بس لو أعرف 00 راح فين ساطع 00 هافهم أكتر
الام صاحب البيت 00 طلع العشة
زى ماشفتى 00 وشاله فى ايده
الطفلة ماما ليه شاله ؟
الأم زى ماشالنا ديك عشتنا 00 يوم الجمعة 00 مانتش فاكرة
الطفلة فاكره ياماما
الام فاكرة إيه
الطفلة خدنا الديك ع مطبخ ماما
ادبح ماما 00 عملت شوربة
دينا كل مع بابا وماما 00يومها لحمه
الام برافو عليك 00 يسلم فمك 00 دينا فهمت كل اللعبة
الطفلة حلوة ياماما
الام حلوة مين
الطفلة ساطع ماما 00 حدوته حلوة 00 زى السكر
الام طبعا طبعا
( استعراض الطيور تشارك فيه الطفلة و الطفل والأم )
ستار
ربيع عقب الباب
المحلة الكبرى – مصر
الديك ساطع
تأليف
ربيع عقب الباب
المشهد الأول
ساطع : أنا ساطع 000أنا رائع
ولا زى اتنين فى العالم
والكون من غيرى مش نافع
أنا ساطع 0000أنا رائع
من فيكو بيدن زيى
يصحى لى الكون ويحيى
دا لولايا الصبح مايجى
الضلمة هاتفضل ضلمة
والدينا تبات مش قايمة
صحيانكو ونومكو بايدى
وحياتكو وموتكو بايدى
طفلة : مغرور 00 كداب 000
الفراخ : إى ساطع إى ساطع
عيش بينا خليك نافع
وبلاش م النفخة دا هيه
وإياك من فعل الحية
اتلم بلا ش أنانية
وبلاش م النفخة دا هيه
الديك : أنا حر ياناس فى حياتى 0000اتصرف كيف مابدا لى
أعمل طبلجى وآلاتى 0000وأغنى كمان و ألالى
طير1 : ماتبطل يابنى غرور 00 عيش راضى بدنيا الطير
بالرضى والحب نطير 00 و لا ليلة تبات مقهور
الديك : لزمن تعرفوا ياهاموش بتوضعى بينكو باعيش
وحقيقة ماتستهلوش ابدا غير التهويش
و النقر ونتف الريش
طير2 : هو أنت بتزهقشى على نفسك مابتقلقشى
الديك : أنا ساطع 000000000000مش شايفين
ياطيور بتعيش فى الطين
تاكل تشرب وتنام
لما ياخدها السكين
طفل : هو دش 00 ولا دش
ليل نهار 00 عمال تدش
جرى إيه ياسى ساطع ؟ فز قوم اتلم كش
الديك : مش هاكش 00مش هابطل يابنى دش
طير4 : حد نقرك 00 و لا داس لك
على عرفك 00فى المنام .. و لا يعنى !!
الطفل : (يقهقه )
الديك : هيه سايبه 00 أما و الله طيور وخايبة
طير5 : عدى نام !!
الطفلة : ماما 00 دى أمه ؟
الأم : علمى علمك 00 ربنا وحده اللى يعلم
الديك : مش هانام اللى بمزاجى
طير3 : طب دماغنا !!
الديك : يتفلق
طير5 : يابنى عدى 00 الادان هايروح عليك
طير6 : و الأدان لو راح يافالح !!
طير1 : إيه هايجرى ؟
طير2 : و لا حاجة
طير3 : هو فاكر نفسه ناصح !
طير1 : هو فالح فى الطحين 00فى الهم كاسح
الديك : راح أدبكم 00 تمام
من يوم ورايح يالئام
لازمن تعيشوا فى ضلام
هابطل أدن راح أنام
الطفلة : ماما 00 ساطع
الأم : ماله ساطع ؟
الطفلة : مش هايدن زى عادته 00 راح يزعل منه مامته
الطيور : هو احنا كنا غلطنا فيك و لا احنا كنا غلطنا فيك
طب دا احنا دايما بناديك ياباشا ساطع ياسى ديك
الطفل : (يقهقه ) ياباشا 00 دى برضه باشا 00دا ديك بوغاشه
الديك : ( ينقر الطفل ) مفيش كلام 00 مفيش تراجع
من النهاردة 00 ديكو ساطع
ينسى الأدان 00ينسى المواجع
الطيور : ( تبكى ) ساطع حبيبنا 00 إيه جرى لك
نهون عليك 00 تمنع أدانك
وتفوتنا لليل 00 و المهالك ؟
الطفل : أنتو صدقتوا 00 دا كداب 00 والله لأوريك 00 ياكداب
الطفلة : ( تبكى ) وحش ياساطع 00 والله خالص
أنا مش هاحبك 00والله خالص
الديك : هس هس هس بس بس بس
خلاص زهقت وش جو القن خش
الطيور : دا أنت الوحيد بينا ياساطع
يابو تاج جميل زاهى ولامع
ولا فى زيك 00 أدانه باتع
الديك : أنا ماشى ياشوية غجر
وم الساعة دى مفيش أدان
مفيش نهار 00 مفيش سهر
من يوم ورايح ياهمج
عيشتكوا هاتصبح خطر( يخرج )
طير1 : لازم نشوف حل سريع
طير2 : لابد طبعا
طير3 : قبل ما الطيور تضيع
طير4 : لو النهار ماطلعش بكرة
طير5 : كل الطيور تبقى فى وجيع
طير6 : نور النهار هو حياتنا
طير7 : هو حياتنا
طير3 : طب نعمل إيه و ديكنا فاتنا
طير7 : خيبة ياناس 00وأتاتنا
طير2 : يللا ياناس 00 نشوفه فين
لجلن يغيتنا
الطفلة : ( تبكى ) ماما 00 مش هايدن 00 ساطع وحش00 ياماما جدا
الأم : وهو يقدر 00 عليه مقدر 00 لابد يدن
أمال بقى .. العرف دى 00 إيه لزمته ؟
المشهد الثانى
( فى عشة الديك البنى )
البنى : أهلا ياساطع 00 عامل إيه ؟
ساطع : أنا حلو خالص 00 ومزاجى إيه !!
البنى : صاحى مانمتش و لا إيه ؟
ساطع : مشغول يابنى 00 ماأعرفشى ليه
عيشة الطيور ماعادتشى نافعة
بقى ليها ريحة يابنى وحشة
البنى : باين عليك زعلان شوية
حالا تفضفض باللى شاغلك
واللى افتكرته 0نار ياصاحبى
فى لحظة واحدة00 يبقى مية
ساطع : قرفت من عيشة الطيور
البنى : قرفت من عيشة الطيور ؟
ساطع : أيوه قرفت
البنى : دى النعمة من وشك تغور
دى أخرة البطران دا وحشة
ساطع : وهيه فين النعمة دى 00 هيه الطيور بتخلى حبة
و لا حتى شربة .. غير بالمضاربة
والمحاربة 000 دا شى يطول شرحه يابنى
وحياة عينيك بلاش تقلب فى المواجع
بطنى بتعوى غصب عنى
دايما جعان 00 عطشان وواقع
البنى : طب بس اهدى أمال ياساطع 00تاخد معايا مسكافيه
ساطع :لو ماكاتش رزالة منى 00 ياسى بنى
سندويتش كباب وكفته00 يبقى أحلى
البنى :غالى ياصاحبى وحبيبى 00 بس برضه طلبك أغلى
ساطع :يبقى حتةجبنه بيضا 00 أوعصيدة
البنى :فى ثوانى تبقى جاهزة
ساطع :أنا نويت ما أدانشى أبدا
لجل أأدب الطيور (بمكر ) رأيك إيه ؟
الطفل : ( يقهقه ) آخر هباله 00 هافضح لعبك 00 ان ماوريتك
البنى : غلط 00 غلط عقلك زلط
فكرك عقيم فهمك غلط
الطفلة : وحمار كمان !!
ساطع : فين الغلط يابنى قول
خليتنى مضحكة العيال
البنى : غلطت والله ياعم ساطع
نور النهار لا بد طالع
من غير مايستنه أدانك
مهما عصيت الفجر طالع
ساطع : راجع ؟!
من غير أدان 00 من غير ديوك 00 من غير مسامع
البنى : حسب الأوان 00 يعلى الأدان 00 من غير تردد فى الجوامع
زى مافيه دلوقتى ليل 00 يجى نهار أبيض جميل 00 مهما عصيت الفجر طالع
ساطع : (من خلف ظهره ) طب ماانى عارف ( للبنى ) وده عرفته منين يابنى ؟
نورنى قولى 00 فهمنى
البنى : ليلة من ذات الليالى 00 نمت مش دريان بحالى
م التعب عمال ألالى 00 آه ياراسى آه ياعرفى
آه ياديلى 00 آه يالالى
قول غرقت فى نوم تقيل
قمت أجرى الحق أدانى
إلا وألقى ياعم ساطع 00 النهار نشيده طالع
والطيور عماله ترقص00 والحياة جمالها رائع
مهما طال الليل عليك
النهار يجى يناديك
يجى فى أوانه 00 هكذا 00 دوغرى فى معاده
ونوره يبوس عينيك
ساطع : ( من الخلف ) طب ما أنى عارف ( للبنى ) طب والعمل ؟
البنى : الحق بسرعة 00 أوام ياساطع
لو كنت عايز لعبتك
تعيش وتكسب من وراها
طاعة الطيور وحبها
بسرعة قبل ماالنهار
يطلع ويكشف سترها
اعلن أدانك للجميع
الكل يبقى لك مطيع
ساطع :ياسلا م يابنى
البنى :يللا اجرى يللا 00 بلاش لكاعة
مافضلشى ع الفجر إلا ساعه
ساطع : أشكرك خالص يابنى
قدمت لى أغلى نصيحة
نورتني 00 علمتني 00 وحوشت عنى كام طريحة
باى يا بنى
الطفل : ( يتقدم من ساطع ) عيني فى عينيك ( الديك متحفز )
أنت دماغك 00 ها يل يا ساطع
أروب وغاوي 00 عندك حضور
قدرت ياما 00طيبة الطيور
الطفلة : ماما بنى
الام : كتاكيته بنى
البنى :باى ياساطع 00 لزمن تطمنى عليك
أنا فى انتظارك
اوعى الطيور تضحك عليك
احفظ كيانك
الأم : صاحبه 000 واجب ينصحه
مش يوافقه ع الغلط
الطفلة : البنى حلو 00 حلو ياماما
الأم : لأ 00 مش حلو
كان لابد يكون أمين
فى نصحه ليه 00
الطفلة : بس دا قال 00 غلط 00 عقلك زلط
الأم : بس برضه فى الغلط
الطفلة : والطيور ياماما 00 فين 00 عامله إيه
الأم : احنا مش سايبنها 00 بتفكر فى حالها
رايحه تنكش عن صاحبها
ودموعها فوق خدودها
تنده عليه يجى يغيتها
خايفه النهار مايجيش فى وقته
وتعيش فى ضلمه
والضلمة فيها 00 يادينا موتها
المشهد الثالث
الطيور تحيط بساطع وهى تبكى
الطيور : الله عليك 00 ياديك ياساطع
يابو قلب أبيض وعرف رائع
وأدان يخلى الصبح ساطع
ياسلام عليك لو بس ترضى
هانلبسك توب الإمارة
ونحط فوق الخد وردة
ع الصدر نياشين الجلالة
وعصايا من أبنوس عمولة
تبقى الملك من النهاردة
ساطع : أنا مش قاسى القلب 00وجاحد
أنا ديك طيب
زعلى قريب
ونويت فورا 00 لأجل خاطركم
أنسى كل كلامي برضه وأجيلكم
الطفلة : ( تخطو نحو ساطع ) ياكداب هاتروح النار
ساطع : ( يهاجمها )
الطفلة : ( مذعورة ) حتى أنا راخره 00 وماما قاعدة
الأم : ياعينك ياجبايرك ( تجرى لتبعده ) كل دى يحصل 00 والناس مش حاسة
ساطع : الناس مش فاضية 00
تشوف حواليها
لقمة عيشها 00 أغلى وأحلى 00 من أولادها 00 وننى عينيها
الأم : ياعم ساطع
ساطع : ساطع مين 00 وزفت الطين 00
الطيور : ساطع مالك 00 ريح بالك 00 كمل دورك 00خلينا نخلص
ساطع : ماشى كلامكم 00 لأجل خاطركم 00
الطيور : هيه 00 كمل كمل 00
ساطع : هادن تانى 00 والله عشانكم00 بس بشرط
الطيور : اشرط كيف ماتحب ياساطع
ساطع : أكل وحدى !!
الطيور : وحدك !!
ساطع : واشرب وحدى
الطيور : وحدك !!
ساطع : بعد ما خلص 00 كلكو بعدى
الطيور : كلنا بعدك ؟!!
ساطع : كلكو بعدى
الطيور : كلنا بعدك ( كلهم يمسك بطنه بتوجع )
ساطع : ماشى كلامى ؟!!
الطيور : طبعا ماشى
الديك : عايز أسمعها 00 عالية بتدوى 00 وأسمعها 00 لكل الناس
الطيور : ماشى ع الكل 00 ياديكنا يافل
ساطع : زحمة وهيصة ونقر مفيش ؟!
الطيور : نقر مفيش
ساطع : ماشى كلامى ؟
الطيور : فيه ناس ماتجيش غير بالتهويش ؟
ساطع : أنا ساطع قدها وقدود
الطيور : يعنى أنت المسئول قدامنا ؟
ساطع : مسئول وهافرض سلطانى كل السلاح يجى قدامى
النقر .. وضرب المليان من حقى بس وأعوانى
ماشى كلامى ؟
الطيور : ماشى ع الكل 00 ياديكنا يافل
ساطع : واللى هايغلط ؟
الطيور : اضربه لما يبان له أصحاب
ساطع : أضربه ؟
الطيور : كسر رأسه 00 ومعاه ناسه 00 طين عشته 00 اقفل بينا وبينه الباب
( الطيور تحمل ساطع ، وتلبسه ثياب المهمة الجديدة ، وتمشط له ريشه ، وتجلسه
على كرسى العرش ، والعصا بيمينه ، والطيور تغنى له على مختلف أنواعها )
: الله عليك ياملك ياملك
يابو تاج جميل بزمبلك
وأدان قوى يهز الحلك
يطلع نهار يملا الفلك
الطفل : ( يقهقه ) الديك ملك 00 بزمبلك ( يقلد من يتحرك بالزمبلك )
الطفلة : ماما 00 ملك 00 الديك
الأم : شفتى الديك بتاعنا00 مش له عرف جميل ؟
الطفلة : أحمر 00 أبيض
الأم : أحمر بس 00 إياكى تنسى !!
الطفلة : لأ مش هانسى
الطيور : الله عليك 00 ياملك
الأمر لك 00 والنهى لك
تؤمر تطاع 00 وكل من يعصى هلك
تكدب نصدق كدبتك
ونقول صدق والله الملك
الطفلة : ماما الكدب وحش ؟
الأم : الكدب طول عمره وحش 00 وحش
و اللى بيكدب يوم يادينا 00 ربنا مابيحبهوش
الكداب بيروح النار00 أكبر نار
الطفلة : ساطع يكدب 00 يروح النار 00 أكبر نار
الأم : طبعا طبعا ( نرى نماذج من المعاملة بين الطيور والديك فى تناوله الوجبة أو الشرب
، وكيف يحاسب من يخطىء من وجهة نظره ، وكيف أن الطيور تساعده على طغيانه
وجبروته ، ربما يحتاج ذلك لأشعار تغنى مع الاستعراض )
طير4 : ساطع 00 ساطع 00 ملك باتع
جايه أشكى لك من محروس
خد استكتى من قدامى
ساطع : ( حوله الحاشية والجلاد ) خدها إزاى ؟
طير4 : مد إيديه خدها وخباها !
ساطع : يامحروس 00 يامنحوس 00 ردك إيه ع التهمة دى هيه ؟
طير8 : أنا ياباشا 00 لأ ياباشا
أنا راضى بحكم الاستيكة
مين جابك لجيب محروس ؟
هيه ياباشا 00 خدتنى معاها ( يتحدث بصوت آخر )
مين قال لها هاتى 00 الاستيكة
وجابتها م البيت وياها
أبقى أنا غلطان ؟ ( يعود لصوته )
أنا غلطان ؟؟
ساطع : لأ مش غلطان 00 عداك العيب
هاتوها لى البنت دا هيه 00 وبراءة ياسى محروس( يضرب صاحبة الحق )
طيره 5 : ياملك ياملك 00 عندى شكوى للملك
ساطع : إيه جرى إيه 00 جيه بزيطه وترمبيطه 00طلبك إيه ؟
طيره5 : ساعة الوجبة ماجتنا ياباشا
كنت مريض مش قادر آكل
عنت نصيبى 00 جانبى بايدى
نمت شوية 00 بعد شوية
صحيت م النوم 00 تعبان ياما
هفتان م الجوع
قلت الوجبة صبحت واجبة
ساطع : خلص 00 خلص 00 غيرك ياما
طيره5 : فين الواجبة 00 راحت فين ؟
حد أخدها 00 وكلها ياعالم
دا أنا حاططها 00 هنا بايديه
ضحكوا وقالوا بح يا خيبة
كلناها طبعا 00 أما عجيبة !!
ساطع : هاتوه 00 هنا هوه 00 يللا يا خيبة ( يطرحونه أرضا )
الأم : ميزان مقلوب 00 كل العالم بالمقلوب
تكدب 00 تعيش فى نعيم
تسرق تحكم وتسود
تقتل وتدمر كون
تهتف لك الملايين
عاش البطل للحق00 ونصرة المظلوم
المقلوب دايما محبوب
من أربابه 00 من أصحابه 00 بس تملى 00 عمره قصير
مهما هايكبر 00 شرع الله لازم هايسود !!
المشهد الرابع
صاحب الحظيرة يحمل الحب و الماء ويتفقد الطيور فيرى الديك ساطع 00 يتفحصه
الرجل : والله كبرت ياصاحبى وشخت
خدت زمانك ياما نجحت
وياما فشلت
عشت حياتك 00 يوم فى العالى
ويوم فى النازل
كبروا عيالك
جيل ورا جيل
خدت زمانك
لازم تدى الفرصة لغيرك
لجلن برضه 00 يعيشوا زمانهم
يللا ياصاحبى ( يجرى الديك والرجل وراؤه حتى يمسك به )
الطفلة ماما 00 خده
الام خده
الديك ( ديك يظهربين الطيور ويصيح ) كوكوكو00 كوكوكوكو
الطفل جدع 00 أنت جدع ( يقلده ) لحسن ساطع فاكر إنه ( يقهقه ) عبيط
الديك ( يصيح ) كوكوكو
الطفلة ساطع فين يا ماما 00 أنا باحبه
الأم بتحبيه على كدبه يادينا
دينا ريشه جميل 00 حلو ياماما
وعرفه الأحمر 00 ديله الأسمر
الأم دينا جميلة 00 شعرها أسمر
خدها وردى 00 دايما أقمر
دينا حبيبتى 00 كل أصحابها بيحبوها
لو يوم تكدب 00 لو يوم تغضب
كل أصحابها هايخاصموها
دينا صح ياماما00 أنا مش هاكدب 00 ولا يوم هاغضب
بس لو أعرف 00 راح فين ساطع 00 هافهم أكتر
الام صاحب البيت 00 طلع العشة
زى ماشفتى 00 وشاله فى ايده
الطفلة ماما ليه شاله ؟
الأم زى ماشالنا ديك عشتنا 00 يوم الجمعة 00 مانتش فاكرة
الطفلة فاكره ياماما
الام فاكرة إيه
الطفلة خدنا الديك ع مطبخ ماما
ادبح ماما 00 عملت شوربة
دينا كل مع بابا وماما 00يومها لحمه
الام برافو عليك 00 يسلم فمك 00 دينا فهمت كل اللعبة
الطفلة حلوة ياماما
الام حلوة مين
الطفلة ساطع ماما 00 حدوته حلوة 00 زى السكر
الام طبعا طبعا
( استعراض الطيور تشارك فيه الطفلة و الطفل والأم )
ستار
ربيع عقب الباب
المحلة الكبرى – مصر
تعليق