إلتبــــــــــــــــاس

محمد عبد الصبور

عضو الملتقى

تاريخ التسجيل: 31-12-2008

المشاركات: 16
- مشاركة
- تويت
#1

إلتبــــــــــــــــاس

26-03-2009, 14:18

شرف لى أن أقوم بنقل مجموعة لشاعر العامية المتميز أشرف عتريس و هى من ديوانه واحديات الصادر فى عام 2000
و القصيدة الأولى هى إلتباس ...

ع الناصيه ..
و تحت عمود النور الواقف يدهس عتمه فى شارع شبرا ..
النوم بيقفش فى عيون الصول المتحنط جوه الدوريه الشنجى فى آخر الليل ..
مش حاسس باللى بيسرق منك مطرح ولا حاسس ..
باللى دماغه بتهرب منه و تطلع تجرى فيجرى وراها لحد السلم بير السلم خطوه تعدى الشارع تبقى فى نصه فى آخره ..
هناااااااااك .. لأ .. حسك عينك تحكم ع العفاريت بالدبح فى ليلة الجمعه ..
تنك راجع قبل ما تقفل باب السكه فتلقى الذكرى تحط عليك بطاطين و مواجع فتروح فى النوووم ..
أصلك مش عامل حسابك ولا دريان إنك موشوم بالميرى ..
و غصب عنك بتحب البنت إياها ..
مش بنت الجيران ولا حاجه ..
فهمت ؟!
الكلمات الدلالية (Tags): لا يوجد

ما الذي يحدث