تويت
رسالة لحاكم عربي..
كتبتُها يوم إعدام صدام
*************
رساله لحاكم عربي..
قبل متدور عليكْ الأيامْ..
وتقول..
يا عجبي!
إنتَ على كرامة شعبكْ.. بتدوسْ
بتجَمعْ الحقدْ و الكرهْ.. فِ النفوسْ
عايش فعز وجاهْ
وشعبكْ..
حتى الرغيف بيتمناهْ
روح يا ظالمْ..منك لله
تقول إيه لربك.. يوم تلقاهْ؟
******
طول م انت لأسيادك..خدامْ
يسموك..البطلْ..
المقدامْ..
حامي حمى الحريهْ..
راعِ السلامْ..
بس يوم تفكر ترفع راسكْ.ِ.
يبقى مصيرك..مصير صدامْ
يشنقوك..يوم العيدْ
تتحول..لرسالة تهديدْ
وأهي الأصوات لبوش..
يوم الإنتخابات تزيدْ..
رسالة وافهمها..يا حاكمْ..
يا عربي..
قبل متدور الأيامْ..
و تقول..
يا عجبي!
تعليق