تويت
وحشتينى
وليل الغربة لمّا ياخدنى من حضنك
بيعمينى
وبيخلينى
مش حاسس بطعم الضىّ
وبيخلينى مش حاسس
بإن العالم الموبوء فى ليل الغربة كائن حىّ
وبيخلينى مش حاسس
بعضمى النىّ ساعة الضيق
ومش حاسس بطعم الخوف
وريحة الشىّ فى الأبريق
ومش حاسس
بإن الميّة فى غيابك يبلّ الريق
ومش حاسس
بإنى غريق فى بحر التوهه والضلمه
ومش راكب حصان الريح
عشان أخطف لك الكلمة من النجمات
ومش شايفك فى غيط الورد بفيونكات
ومش مفرود على عضامك
ومش دايب على الكنبات
ومش حاسس فى ساعة الثورة والغليان
بريحتك تحت راية الجات
وحشتينى يا أحلى بنات بلاد النور
يا فرحة بتجرى وسط الدور
يا عود بنور بيخطفى من اللبلاب
بحس معاكى
إن الحلم من غير ناب
وإن الضحكة
مش لازم تكون بحساب
وإن الدنيا
قاعة كبيرة من غير باب
وإن الأرض
مش أطلس
ومش قارات
ومش حبّة حاجات فى كتاب
وإن الجنة
مش محتاجة منّى ألبس لها قبقاب
وإن عنيكى وحشانى
بأسباب أو بدون أسباب
يا عود بنور فى غيط عناب
يا أصغر قلب فى الكتّاب بيرسمنى
بيقسمنى لتلات تنصاص
وبيمشّينى من غير قلب ع السكة
ومن غير راس
ومن غير ناس تورّينى الطريق ازاى
ومن غير ناى يغنّى لى
ومن غير صدر يحكى لى الوجع بالليل
ومن غير شمعة تتمايل مع القناديل
ومن غير خيل يوصلنى
ومن غير ترزى
مش مهموم بأوجاعك يفصّلنى
لكن حاسس وأنا معاكى
بإنى مافيش حصان قادر يحصلنى
ولا كرباج بيفصلنى عن الحكايات
ولا حجاج بيرغمنى
إنى أموت وأنا حاضن البيادات
وحشتينى بدون تترات
وحشنى الجرى ع الطرقات
ورا الجميز
وحشنى الضحك لعنيكى
اللى آسرة ملايكة فى البراويز
وحشنى كلامنا
عن تعزيز كلاب الروم لمولانا
وع الوطن اللى ملو الروح
وع البلد اللى قاتلانا
وع الضحكة اللى واخدانا لأبعد
م البعيد ببراح
وحشتينى ومش قادر
وحشتينى وما نيش مرتاح
وحشتينى وكل صباح وأنا مفارقك
ملان بالجن والأشباح
وحشتينى ومانيش عارف
أحس إن إنتى باب الروح
وأنا تعويذة المفتاح
وليل الغربة لمّا ياخدنى من حضنك
بيعمينى
وبيخلينى
مش حاسس بطعم الضىّ
وبيخلينى مش حاسس
بإن العالم الموبوء فى ليل الغربة كائن حىّ
وبيخلينى مش حاسس
بعضمى النىّ ساعة الضيق
ومش حاسس بطعم الخوف
وريحة الشىّ فى الأبريق
ومش حاسس
بإن الميّة فى غيابك يبلّ الريق
ومش حاسس
بإنى غريق فى بحر التوهه والضلمه
ومش راكب حصان الريح
عشان أخطف لك الكلمة من النجمات
ومش شايفك فى غيط الورد بفيونكات
ومش مفرود على عضامك
ومش دايب على الكنبات
ومش حاسس فى ساعة الثورة والغليان
بريحتك تحت راية الجات
وحشتينى يا أحلى بنات بلاد النور
يا فرحة بتجرى وسط الدور
يا عود بنور بيخطفى من اللبلاب
بحس معاكى
إن الحلم من غير ناب
وإن الضحكة
مش لازم تكون بحساب
وإن الدنيا
قاعة كبيرة من غير باب
وإن الأرض
مش أطلس
ومش قارات
ومش حبّة حاجات فى كتاب
وإن الجنة
مش محتاجة منّى ألبس لها قبقاب
وإن عنيكى وحشانى
بأسباب أو بدون أسباب
يا عود بنور فى غيط عناب
يا أصغر قلب فى الكتّاب بيرسمنى
بيقسمنى لتلات تنصاص
وبيمشّينى من غير قلب ع السكة
ومن غير راس
ومن غير ناس تورّينى الطريق ازاى
ومن غير ناى يغنّى لى
ومن غير صدر يحكى لى الوجع بالليل
ومن غير شمعة تتمايل مع القناديل
ومن غير خيل يوصلنى
ومن غير ترزى
مش مهموم بأوجاعك يفصّلنى
لكن حاسس وأنا معاكى
بإنى مافيش حصان قادر يحصلنى
ولا كرباج بيفصلنى عن الحكايات
ولا حجاج بيرغمنى
إنى أموت وأنا حاضن البيادات
وحشتينى بدون تترات
وحشنى الجرى ع الطرقات
ورا الجميز
وحشنى الضحك لعنيكى
اللى آسرة ملايكة فى البراويز
وحشنى كلامنا
عن تعزيز كلاب الروم لمولانا
وع الوطن اللى ملو الروح
وع البلد اللى قاتلانا
وع الضحكة اللى واخدانا لأبعد
م البعيد ببراح
وحشتينى ومش قادر
وحشتينى وما نيش مرتاح
وحشتينى وكل صباح وأنا مفارقك
ملان بالجن والأشباح
وحشتينى ومانيش عارف
أحس إن إنتى باب الروح
وأنا تعويذة المفتاح
تعليق