--------------------------------------------------------------------------------

يارا يارا
يارا يارا بقت جبارة
بتخليني اعيش محتارة
وتاكلنا عيش وبصارة
وتنيمنا في الصحارة
يارا يارا
يارا بتعمل ريسة لينا
وساعات برضه تحن علينا
وتنيمنا وتصحينا
وتحركنا بالصفارة
يارا يارا دي اصعب جارة
وساعات تلبس بدلة جديدة
وساعات تمسك لينا جريدة
وساعات تبقي معانا وحيدة
وساعات تقرا بالنضارة
يارا دي شاطرة وبنت فريدة
تعرف تكسب ابلة رشيدة
وعنيدة دايما وشديدة
ولا بتفارق اختها سارة
يارا يارا دي اصعب جارة
&&&&&&&&&&&&&&&
مسامير مسامير
مسامير مسامير تفضل تضرب فيك يا ضمير
لما تخالف طبع الخير لما تكون للنفس اسير
لما تعيش مليان اضغان او للغير تصنع احزان
او تبني طريق البهتان ولا تخطط للتدمير
مسامير مسامير
تلتقي جوا ضميرك نار
وتخاف من كثر الانظار
تتعذب ليل ويا نهار
وف ودنك تسمع مزامير
مسامير مسامير
مسامير هتخليك تكره نفسك او اهاليك
ما تحسش بالناس حواليك
وفؤادك م الياس يطير
شواكيش شواكيش تفضل تضرب ما تخليش
تفضل تضرب بالتلطيش
تفضل تضغط عا المسامير
لما تقرب م البهتان لما تصاحب ف الطغيان
لما تحارب في الاحسان
لما تخالف نور الخير
مسامير مسامير
&&&&&&&&&&&&&&&