تويت
[frame="13 98"]
إعــلان بخط كبير في جورنال شهير
تعالي بسرعة استثمر مالك وحالك
حتى لو هتبيع عيالك عند الامين اللي
ميخطرش ببالك صاحب الشركة المضمونة
صاحب الشركة المصونة
اللي بتثتسمر في العقارات
وهتفضل فلوسك مضمونة
وفوق كده هتاخد 30%أو 40%كل شهر
ونام واستريح وحط في بطنك بطيخة صيفي
تعالي يافلان وهات معاك علان
والموضوع قانونى لا نصب ولا ألعوبان
ولا زي حكاية الريان " انتهي الأعــــــلان"
وقلت يافتاح ياعليم يارزاق يا كريم،رزق النصابيين على الطماعين
ولا دي كدبة " أبريل"
فضلت رايح جي اقول نصب ولا يمكن الحكايه جـــد...!!
يا أخي اتصل وشوف لو نصابين ينشروا اعلان بخط كبير في الجرانيين....؟
مش يمكن الحكاية تجارة وشطارة ،ماهي العقارات بتجيب فلوس كتيرة واتصلت وجالي الرد...بيقول؟
"تعالي يابيه للشركة وشوف بنفسك"...صاحب المحفظة " راجل زي البرلنت"،ذمته انظف من ميزان الدهب من خمس سنين العجلة دايرة وشغاله والناس بتكسب ملايين، يللا بسرعة تعالي وهات معاك معارفك، وخلصت المكالمة وقلت ياسلام دا الحكاية باين عليها جــــد.
هي يعني " الشرطة والحكومة" نايمه،لو نصابين كانوا اتقبضوا عليهم بعد شهور أو حتي سنه أو سنتين.....!!
مش يستمروا " خمس سنين"ومكدبتش خبر وخد سيارتي ..
وعلى طرق المحفظة ياعم بسرعة سوق...!!
امشي ياسيارة مدير المحفظة راجل شيك وذوق..!!
" شرح لي كل حاجة بالتفصيل آدي اللائحة وآدي النظام..!!
وىدي كمان شهادة تسجيل الشركة في الوزارة،وكشوف بأسماء عملاء كبار وارباحهم الشهرية أقل رقم قدامه ست أصفار..
والأرباح مضمونه كل شهر توصل ليك والضمان " عقد وشيك"
ده مكسب مش لازم يفوتك وبسرعه هات فلوسك...
رجعت البيت ودماغي مليان احلام، معاي ومع المدام ياترى كاااام؟؟؟
دا افضل من البنوك اللي اتسرقت فلوسها ببطاقات الائتمان..!!
" سالتني المدام وشرحت لها الموضوع وماعجبهاش الكلام"...!!
ورفضت تديني القرشين اللي شايلاهم للزمن وللعيال..؟
وتاني يوم خد الفلوس اللي محدش يعرف عن طريقهم حاجة...!!
" ورحت المحفظة" ..!!
وأول سؤال المبلغ كااااااام يا بيــــــــــــه..؟
" عـشــــرة الأف "
بتقول " عشـــرة " وشكلك بيه ومهم ..!!
يا أستاذ اقل مبلغ يدخل المحفظة "مائة الف" وبالدولار..!
" والنبي ياهانم اقبليهم بكرة يزيدوا في محفظتكم...؟
وهات وخد وأاكتر لغاية ما طردتني وقفلت الباب فى وشي...!!
" بلعت حصوة ملح ومصيت ليمونه وخرجت" من المحفظة وقلت مفيش فايده هو "المنحوس" منحوس"حتى لو عايز يدفع فلوس..!
محدش عايز يخدها،وانا ماشي فى طريق العودة للبيت" موكوس"...
شفت محل " دهب" فاتح جديد وشكله شيك...!!
وقلت مفيش أحسن من الدهب زي ماكانت الحاجة الله يرحمها تقول..!
" دخلت المحل واشتريت بالقرشين " غوشتين"وحلق وأسورتين"
ونسيت حكاية المحفظة...!!
وفات شهر ولا شهرين ..وفي نفس الجورنال بالصفحة الاولى ..
" تم القبض ليلة امس على صاحب محفظة مليارية" والضحايا اكتر من " ستمايه" وتتم التحقيقات فى كامل " السريه"
قلت " الحمدلله " صحيح لا خاب من استشار...!!
[align=center]" ونصيحة للرجالة"[/align]
( دهب مراتك محفظة كلها امان ) فلوس فيها تزيد لا عمرها تطير ولا الدهب يبقي حديد
لكن النسواااان مالهاش امان تبيع الدهب وتشتري " فستان"
علشان تقضي سهرة فى ليلة " جنااان"
والأخرة تتجن " وتروح المرستااااااان"
لا محفظة نااافعة ولا " نسوااان"
والختـــــــــــــــــــــام[/frame]
تعليق