[poem=font=",6,darkblue,bold,normal" bkcolor="transparent" bkimage="" border="double,4," type=2 line=0 align=center use=ex num="0,black""]
صدق ظني وخنتينـي وانـا المجـروح باسبابـك=بعـد مااسكنتـك بقلبـي غـدرتـي بــي وخنتيـنـي
ثلاث اسنين من عمري وانا عاكـف بمحرابـك=نهايتـهـا بسـيـف الـغـدر فــي قلـبـي طعنتـيـنـي
بعدها صرت انا كبش الفدا دمّي علـى اعتابـك=وانا اللي كنـت اظنـك يـوم انـا شاريـك تفدينـي
واثاري كنت انا المخدوع فـي شكلـك وجلبابـك=وقلبـك منصـرف عـنـي وباسلـوبـك خدعتيـنـي
خدعتـي العـيـن فــي وردك ورمـانـك وعنّـابـك=وخليتيـنـي اطــرد فــي سـرابــك واستملتـيـنـي
وجيتي اليوم بعـد القلـب ماعافـك وضحّـى بـك=تبـيـن اتضحّكـيـنـي بـعــد مـــا كـنـتـي تبكّـيـنـي
محال اني انخدع في صبغتِك ويغرّني اخضابك=لـو ان الشمـس تشـرق مـن جبينـك ماتهمينـي
خلاص القلب من بعد الجفا ماعاد يرضـى بـك=كفاية مامضـى ضيعـت عمـري فيـك واسنينـي
حــرام اعـفِّـر الرجلـيـن بـعـد الـغــدر بـتـرابـك=وانــا ماينحـنـي راســي لمثـلـك لـــو ترجَّـيـنـي
الا ياقلـب وش ساقـك لهـا ياقلـب وش صـابـك=عليك انـت العتـب ياقلـب لا تعتـب علـى عينـي[/poem]
[align=center]مستور الحارثي[/align]

[poem=font=",6,green,bold,normal" bkcolor="transparent" bkimage="" border="double,4," type=2 line=0 align=center use=ex num="0,black""]
أنا ما اظن بعتابك تداويني وانا ارضى بك=واذاجرحك بدا ساطي ولا تقدرتداويني
ترى المعنى بتر جرحي وعرّا القول بكتابك=ولا في نيتي أطعن حبيبن كان شاريني
أبد ما كنت ابرخص بك ولا ابي الهم يسرا بك=دموع الصد تقتلني وتحرق مدمعي بعيني
ولا تخلي ظنون الشك تسكنّي وتحضى بك=ولا فكرت بخداعك وشخصك حيل يعنيني
أبد يا حبي الأول ولا فكرت انا اخلا بك=ولا لي غيرك بقلبي يفرحني ويشقيني
نقشتك حبي بلوحه بها الالوان تزهى بك=قصيده حرفها يشهد معاني تخطها يديني
حرام الظلم في شرعك تصك بوجهي ابوابك=ابي اسمع صدى صوتك وبحر الشعر غنيني
ويبقى راسك العالي شموخن فوق يِعلى بك=ولا فكرت اوطي بك عزومن فيك تبنيني
أبادر بالعذر منك تراك اخطيت بعتابك=ولك بس انحني حرفي وفيك أحلى دواويني
عسى لوتمسح احزانك ,عسى قلبي يتهنى بك=عسى تبرد بك جروحن أداويها وتشفيني[/poem]