تويت
فيكى :
بكتب الأشعار
وأحسب عمرى بالكلمات
وليكى :
يترسم بوحى
سطور من نور على الصفحات
والاقيكى:
ربابة من شرايينى
بتشجينى
وترمينى على الغنوات
أغنيلك :
أغنيكى
أغانى الفرح فى عنيكى
محتاجة لأمسيات
وأحكيكى
ديوان العشق مكتوبة
حروفه من حكاياتك
وانا الحكايات:
ــــــــــــــــــ
انا الشاطر حسن لما
يعدى بحور علشانك
ويقطف من نجوم الليل
عقود الفل والياسمين
ومايخفشى من الغولة
ومايخافشى من اللايمين
ولايخافشى من المتاهات
ويرجع فوق حصان أبيض
بتوب أبيض وقلب أبيض
وألف ربيع يغنيلك
يفك السحر عن ليلك
ويتبدل بألف نهار
نعيمة وبات حسن داير
كطير طاير
يردد فى الهوى ألحان
ويّسبح كما الكروان
يهل الفجر من صوته
وف سكونه
تبات الدنيا نشوانة
بحلم جديد
بفجر جديد
(مسير الصبر هيوصل مراكبنا
ونتقابل أنا وأنت وحبايبنا)
بزغروطة صداها بعيد
بهية لو ياسين مقتول
بقالو سنين
أبقى أنا مين ؟
أنا هو لكن عايش
دمعة ف حرقة العاشقين
أنا نقطة عرق سالت
على أرضك بتروى الطين
يزهر حلمك النابت
ف حبة من تراب حطين
أنا دم الشهيد عطشان
لدم جديد
يرد الروح لأوصالك
هنيالك
أدام ليكى أكون هالك
مانيش هالك
هتلقى ألف ألف ياسين
وناس تانين ف مشوارك
أدام فى السكة ناس ماشيين
بكتب الأشعار
وأحسب عمرى بالكلمات
وليكى :
يترسم بوحى
سطور من نور على الصفحات
والاقيكى:
ربابة من شرايينى
بتشجينى
وترمينى على الغنوات
أغنيلك :
أغنيكى
أغانى الفرح فى عنيكى
محتاجة لأمسيات
وأحكيكى
ديوان العشق مكتوبة
حروفه من حكاياتك
وانا الحكايات:
ــــــــــــــــــ
انا الشاطر حسن لما
يعدى بحور علشانك
ويقطف من نجوم الليل
عقود الفل والياسمين
ومايخفشى من الغولة
ومايخافشى من اللايمين
ولايخافشى من المتاهات
ويرجع فوق حصان أبيض
بتوب أبيض وقلب أبيض
وألف ربيع يغنيلك
يفك السحر عن ليلك
ويتبدل بألف نهار
نعيمة وبات حسن داير
كطير طاير
يردد فى الهوى ألحان
ويّسبح كما الكروان
يهل الفجر من صوته
وف سكونه
تبات الدنيا نشوانة
بحلم جديد
بفجر جديد
(مسير الصبر هيوصل مراكبنا
ونتقابل أنا وأنت وحبايبنا)
بزغروطة صداها بعيد
بهية لو ياسين مقتول
بقالو سنين
أبقى أنا مين ؟
أنا هو لكن عايش
دمعة ف حرقة العاشقين
أنا نقطة عرق سالت
على أرضك بتروى الطين
يزهر حلمك النابت
ف حبة من تراب حطين
أنا دم الشهيد عطشان
لدم جديد
يرد الروح لأوصالك
هنيالك
أدام ليكى أكون هالك
مانيش هالك
هتلقى ألف ألف ياسين
وناس تانين ف مشوارك
أدام فى السكة ناس ماشيين
تعليق