"ظنون الشك"

[poem=font="Simplified Arabic,6,green,bold,normal" bkcolor="transparent" bkimage="" border="double,4,limegreen" type=2 line=1 align=center use=ex num="0,black""]
أنا ما اظن بعتابك تداويني وانا ارضـى بـك=واذاجرحـك بـدا ساطـي ولا تقدرتداوينـي
ترى المعنى بتر جرحي وعرّا القول بكتابـك=ولا في نيتي أطعن حبيبـن كـان شارينـي
أبد ما كنت ابرخص بك ولا ابي الهم يسرا بك=دموع الصد تقتلني وتحرق مدعـي بعينـي
ولا تخلي ظنون الشك تسكنّي وتحضى بـك=ولا فكرت بخداعك وشخصك حيـل يعنينـي
أبد يا حبي الأول ولا فكرت انـا اخـلا بـك=ولا لي غيـرك بقلبـي يفرحنـي ويشقينـي
نقشتك حبي بلوحه بها الالوان تزهـى بـك=قصيده حرفها يشهد معاني تخطهـا يدينـي
حرام الظلم في شرعك تصك بوجهي ابوابـك=ابي اسمع صدى صوتك وبحر الشعر غنينـي
ويبقى راسك العالي شموخن فوق يِعلى بـك=ولا فكرت اوطي بك عزومـن فيـك تبنينـي
أبادر بالعذر منـك تـراك اخطيـت بعتابـك=ولك بس انحني حرفي وفيك أحلى دواوينـي
عسى لوتمسح احزانك ,عسى قلبي يتهنى بك=عسى تبرد بك جروحن أداويهـا وتشفينـي[/poem]

ينابيع السبيعي

"رفع الظنون بصدق اليقين"

[poem=font="Arial,6,firebrick,bold,normal" bkcolor="transparent" bkimage="" border="double,4,tomato" type=2 line=1 align=center use=ex num="0,black""]
هلا يافرحة الخاطر وقلبي اليوم هلّابك=هلا باللي على خط الغلا فاكر عناويني
انا مااصك بيباني بوجهك واتقفّـا بك=مادام ان الوفا مازال باقي بينك وبيني
هلا بك يوم بانت طلّتك ثمْ فاحت اطيابك=نسيت اجروح كانت في قديم الوقت تضنيني
انا إنسان من دم ولحَم هون على اعصابك=ولو زليت واثق فيك تسمح لي وتعفيني
تعال ونسّني حزنن عميق وهم متشابك=بقلبن فيه ضيم الوقت يبعدني ويدنيني
تعال وشوف قلبي وش حصل له فترة اغيابك=ترادف به جروح اعمق من اطعون السكاكيني
هلا مادمت تكتبني قصيد لْزوم انا اقرابك=أقدّرْ من يقدرني واصافي من يصافيني
اذا حطيتني تاجن تفاخر به مع اصحابك=فانا والله ماارخص قدر من طيبه يغطيني
هلا بالحرف منك ومعجم الاعذار بخْطابك=قريته واستقرّيت ومعك قرّتْ موازيني
انا ماقول غبت وجيتني يوم الزمن جابك=وبشفي غل ماسويت فيني واقتضي ديني
اقول اهلا وطابت عودتك والقلب يهنابك=واحس ان السما والارض برْجوعك تهنيني
رجعت لقلب من حُبك حلف ماينبض الا بك=وعينن ماتبي الا شوفتك وان غبت تشقيني
أبيع العمر لجلك لو خسرت الروح واحيا بك=كفاية دام روحك سالمة لي فانت تحييني
هلا عد الرمال وماتوفي قولة اهلابك=هلا بك وابتسامة منك ترضيني وتكْـفيني[/poem]

مستور الحارثي