الى كل مبدعين هذا الملتقى الكريم
مبروك النافذة الجديدة للحوار(التشات) أتمنى من الله العلى القدير أن تنفعنا جميعا تقرب وجهات النظر اكثر وتخلق تواصل أكثر إثمار وتقوى المحبة بين جميع الأعضاء

الاستاذ أحمد عبد الحميد
لك مودتي وتحيتي
وبعد...
...صديقي ، لا تتعجل الامور ، فيبدو لي أن الاخوة الزملاء ، لم ينتبهوا لقصيدتك الخفيفة والجميلة...لذا وبالانابة عنهم أُقدم الاعتذار لهذا التأخير...
....صديقي حين يكون العروسان من الطين تكون البراءة هي التي شكلت معالم العروسين....
...صديقي ، ما أجمل لحظات طفولتنا ....وما أروع حبنا الاول وما أصدقه...!!!
....لك مودتي واحترامي
...ابن القدس-الاستاذ
...زياد القيمري

الأستاذ المحترم زياد القيمرى
أشكرك شكرا جزيلا على هذا الأستقراء وهذا الإلهام الذى تتميز به النفوس الراقية الشفافة. لم اكن استعجل شىءولكن ما حدث اننى حين دخلت الملتقى الليلة الماضية لأنشر هذا النص (عرسان طين) أول شىء أوجده لى المتصفح هو المحادثة. وبعد ان أنهيت القصيدة كتابة.أردت مباركت هذة الإمكانية الجديدة بالملتقى.وأنا الأن ممتن بهذة اللفتة الحانية التى أتت من نفس رفيعت المقام.
كل التحية والتقدير لشخصك الكريم وللقدس العظيم
أحمد عبدالحميد محمود

بعت لك كلمتين فى جواب
اقول لك بكرة جاى
إستنينى
عند كرم النخل اللى فى اول البلد
وأنتِ بعتي لى
تاجينى بألف سلامة
يا ابو العيون صاحيين
دا الشوق لضلك
بيفرق الأحزان
اللى
متجمعين فى القلب
ويفتح عيونى
فى وشى الحزين
قوم يفرح وينفرد
ما أنا
طول ما أنت غايب حاسة بالبرد
ولا كل كلام الناس
يقدر يدفينى
وأنت النهار اللى جاى من بعيد
تزرع قلبى صهيل ومدراية
الخوف جوايا كش و أنحسر
وعلى مرمى البصر
أنا بشوف اول البلد بعيد
يا طرح العمر
يا نوارة الزرع لما ينور
يانور باشد فيه
من عامناأول وما يخلصش
وحلم القلب الأبيض الفاضى يبات مشغول
أنت البرارى والخيول
فى قلبى ترمح
لايحدها
جسور ولا سور
ولا يهوشها فى السما نسور
ولا يوقفها ع الأرض بحور
أنت النور للعمر فى السما والأرض
وأنا وأنت جوز يمام أبيض مسالم
أنا وأنت جوز يمام
بين السنين غازلين الإنسجام
أنا وأنت جوز يمام
بينام
فى ضل الربيع من زمن الرخام
وأنا وأنت عينين عبر القمر
بيتبادلوا السلام
وأنت الدمع اللى بيشتهيه الغمام
والدفا المدفون فى الحنين
وعرسان الطين
إللى إحنا عملناهم و إحنا صغيرين
لو شفتهم مش هتصدق
إن إحنا كنا عيال وبنعمل عرسان طين
مش من طين ؟ لكن فى عيونى
مش هو الطين اللى بيعرفوه الناس
دا شئ اسمه الإحساس
اسمه الذكرى اللى بتنب فى قلب الراس
واللى بتاخد الحواس
من حشيشة الروح
وتروح
بيها كل يوم لأول البلد
عند كرم النخل والناس
تروح وتاجى
وأنا متزغنفة ومربوطة فى حبل الخجل
من اللى رايحين و اللى جايين وطوتنا السنين
و أديك بتقول جاى
وأنا مصدقه الجواب
ومصدقة العينين اللى شفتهم فيه
دول عينيك
عينيك المخطوفين من ليل الغربة
إللى حكيت لى عليه
وإللى متصوراه غول
بياخد الرجاجيل بعيد وبيكحلهم بشىء حزين.


ص مفعم بالاحساس العفيف الجميل تاخذك مفرداته بين حقول القمح
و السواقى القلوب الطيبه ونظرتها الحنونه
اعجبنى النص و توظيف المفردات و اختلافها الذى جعل للنص روح جميله تغزو القلب بكل الحب
تحياتى استاذ احمد

الشاعر الجميل الأستاذ رأفت المصرى
أشكر مرورك الكريم وحسك المرهف الذى عانق أحاسيسى والذائقة الشعرية المدققة لما بين السطور والتى تتبعت المفردات بحس فياض.
القاك بكل الود
أحمد عبدالحميد محمود