[poem=font="Arial,7,,normal,normal" bkcolor="transparent" bkimage="" border="double,4,orangered" type=2 line=1 align=center use=ex num="0,black""]
اليوم قابلتها والشوق يعصف بي=أمواج الاشواق ودتني وجابتني
الله يافرحة الخاطروهي جنبي=جُنّت جنوني وجنت يوم شافتني
قالت صباح السعاة يا منى قلبي=قلت انتي الصبح ووروده تِلافِتْني
من فرحتي تهت عن شرقي وعن غربي=كني ملكت الجزيرة يوم لا قتني
صرت ارتعش وانتفض ما شالني صُلْبي=بغيت اطيح بْمكاني يوم ضمتني
وقفت مذهول انا وش صار لي وش بي=يوم انسدل شعرها الناعم على المتني
مفرود مالفته لفة ولا عضْبي=فاحت عطور الطبيعة منْه وانشتني
تسلب عقول البشر بعيونها الهدبي=اعيون حورا سبتني واستباحتني
في الفرس في الروم في الاعجام في العربي=مهما طرى غيرها في البيض ما اْغْرتني
أنسى جميع البشر لا صارت ابْقربي=وافز في النوم لو في الحلم زارتني
ماكنت من قبل اراها للهوى طْرْبي=لكن فُتِنْت ابْحلاها واستمالتني
اللي نقشْت اسمها بضلوعي الحدبي=وارويتها من غدير الحب واروتني
جذبتها فوق صدري بالغلا جذبي=ثم اْرْفعت طرفها نحوي وسالتني
تحبني؟قلت اجل يا زادي وْشربي=مالي غنى عنك مهما ايامي اغنتني
حبك ملكني وشرّقْ بي وغرّبْ بي=انوثتك في جنون العشق اثارتني
العين تبكيك شوق ودمعها سِرْبي=والروح هامت بحبك ما استشارتنيي
ياسلسبيل الخفوق وياروى غبّي=ياغيمةٍ من هجير الشوق اظلتني
صبي حنانك على قلب العنا صبي=نسيني اهموم في دنياي علتني
نامي على الصدر وانسي الحُزْن والكَرْبي=يامن بنظراتها احيتني واماتتني
واسقيني الشهد من سَلسالك الحَصْبي=من شفة (ن) مثل لون الورد شاقتني
صرت اجني الشهد وارشف ريقها العذبي=وكلما قلت زيدي شهد زادتني
فَزَّت على رنة الجوال في رعبي=وجرَّتْ من الصدر شهقة واستثارتني
قالت خسارة غدرنا الوقت ياحبي=لو الدقيقة سنة ماكان كفّتنْي
مضطرة امشي مهو ابْكيفي لَكِن غصبي=اظروف صعبة على المرواح حدَّتني
ومن حسرتي ماقدرت اوقف وصرت احبي=لين انثنت لي وضمتني واقامتني
ياناس انا احبها وادروبها دربي=أمشي لها لو جميع الناس لامتني
واسجد لربي شكر واحمدك ياربي=يوم انها صوبها الاقدار ساقتني[/poem]

مستور الحارثي