ل المسئولين عن التعليم والثانوية العامة
نرجوكم لا تجعلوا درجات أعمال السنة
فى إيد أى شخص ولا تحكمّوا فينا كشف الهيئة أبداً
الإمتحان التحريرى العام هو الأضمن والعادل
وممكن يبقى ترمين
وتكون أعمال السنة شرط لدخول الإمتحان النهائى فقط
نرجوكم—نرجوكم--- نرجوكم

***********************************
***********************
نظام الثانوية{ الجديد} الشين
********
أشعار الدكتور صبرى إسماعيل
********
إبكى ياعين وسِحّى ياعين----جانا نِظام الثانوي الشَين
لما قدر أولادنا فىإيدهم-------يبقى العدل هييجى منين
إبكى ياعين وسحّى ياعين
*********
حِمل متلتل ع الملايين—بدل الدرس هيبقى اتنين
واحد عند مدرس شاطر----والتانى لاجل درجتين
إبكى ياعين وسحّى ياعين
*********
لمّا خلاص اتّحكّم فينا------يمكن عاقل!يمكن شينة!
يبقى خلاص الطب اتمنّع------ضد جميع الفقرانين
إبكى ياعين وسحّى ياعين
*********
لمّا الجامعة دخولها ب هيئة--تبقى خلاص ل الناس الرايقة
لازم حتماً عقل مخطط----------------ضد ولاد المصريين
إبكى ياعين وسحّى ياعين
***********
طب هنجيبها منين الواسطة----او خمسين الألف الورطة
حسرة قلبك باام محمد--------انتى وعم الشيخ حسانين
إبكى ياعين وسحّى ياعين
**********
نصّ الدرجة فى إيد البعدا؟---والله وضِحكت ليكو ياسُعدا
سامع صوت الرشوة مدندن----ناوية تخلّص ع النابغين
إبكى ياعين وسحّى ياعين
*********
ودروس عند مدرس تانى!----لاجل نهاية العام ونعانى
يبقى منين الأب يدبّر------مصاريف الدرسين الاِتنين
إبكى ياعين وسحّى ياعين
*********
دا اللى مخطط ناوى علينا------يشغل بالنا يدمّر فينا
حالف عمر الطب مايبقى---غير ل القادر والواصلين
إبكى ياعين وسحّى ياعين
*********