الليل عدى وفى ايده
حصيرة وكتاب
وقع منه وهو ماشى ابرة صغيرة
وجواب
لحقيته بجرى وراءه
لقيت الصمت مستنيه
وبيكتب على صدر الغريب
ممنوع المس والتقريب
كهربه
ولا مس
ولا قزاز مكسر
بينزف دم
الوريد
ولا القلب
رجعت تانى
وبدور على الطبيب
مسك السماعه
وحطها على الصدر والقلب
قال انت
عند مرض رهيب
ودردش لزميله
بالانجليزى
فهمت منه
كلمه
ان الكرامه
ملهاش علاج ولا طبيب
وفهمت كلمه الدم حامى
نايم فى مخ الغريب
وكاتب
قصيدة مجروحه بين الليل
والصمت
بتعيط على حالى
قدامى ذئب
ورى كلب
مستنى دمار حالى
يهنش لقمتى
ويعقد حياتى
بيرسم
على ليلى الصمت
وبيكسرقوامى
غربتنا وحدة
عشيتنا وحدة
وحاله بيختلف عن حالى
نفسى ارفع القلم
واسال سؤالى
لما انتا عايز تحل المشكله
بين وبين اخوى
ياعمى سيبك منى
وخليك فى حالك
وانا فى حالى
الغربه مراثنا
والشجر والنخل
ناسنا
احنا بنعرفك
وانت ما تعرفنا
فاكرين صمت الليل
يجيب لينا الحق والمستحق
لقينا الليل
قاعد معنا بونسنا
عايشين ومش عايشين
نائمين ومش نائمين
فاكرين ومش فاكرين
ناسين ومنسين
خليك معايا نشوف
الدرب من فين
اذا كان بعيد نمشيه
واذا كان قريب نعديه
ايدى فى ايدك ونحط
وردة بين الا صابع
نفتكر ايام
من اللى شارى
ومين اللى بايع
نكتب اسامى
فى كشوف من ورق
العنب
نلونه
بلون
حبه ا للبلاب
نطلع على عروقها
ونشد الحبل
نطلب من كل واحد
معدى علينا الا جر والثواب
ونقف مجمعين
عند الباب
صفوف منظمه
وكل واحد معاه رساله
وتحليل
لا يكون عنده
فيروس الطيور
او عندة حمى الكلاب