تويت
أفندي أمه هانم وأبوه بيه
طويل عريض .. كبير بشنب
حب يوم فلاحة بتجمع عنب ...
قالوا: إيه إتجنيت
ده الله اتعلمته ف الكُتب...
وعجبي
.............
ليه إبن آدم يكون زي كلب مات .. واترمى
ليه دايماً ندفن روسنا في الرمل .. ونحب العمى
ليه نخاف من النهار والنور
ليه وشوشنا في الأرض ... ونخاف نشوف السما ..
وعجبي
.................
قالوا: اغفر .. سامح ... وانسى
هي الدنيا كدة على الناس بتقسى
والمرتاح فيها وهمان ... والكل مسكين غلبان
واللي يصبح فيه إبن آدم ... برضه فيه بيمسى
وعجبي
تعليق