[align=center]
شطحات قلم ثائر !
[/align]بداية :-
الأدب الساخر له رسالة واضحة و أصول ثابتة و لكن يجب أن نتخلى تماما عن الاعتقاد السائد بان الكتابة الساخرة هي

( وصلة هجاء ) أو ( برميل نكد ) كما و أنها ليست جرعة( لطم ع الخدود ف السنين السود )

إنها كتابات ( تبكيك و تضحكك) ( تشك بغير ألم ) و تقطع ( بغير سكين ) . (وتجلدك بغير أثر )

إلا أننا كما قلت جزء من منظومة عربية موحده و شريحة بها كل سمات الوضع العربي و بالتالي يمكن أن تصبح ذات يوم تجد نفسك في زنزانة حبس انفرادي أو تجد حريتك مصادرة و أفكارك ( مؤممه ) كتأميم الممتلكات .

هذا هو واقعنا العربي المر فكلمة الديمقراطية و حرية التعبير ما هي إلا عبارات رنانة و قول حق يراد به باطل . لذلك أفهم تماما موقف إدارة المنتدى في تجميد الموضوع . و لكن من الضروري بمكان أن اقر بانه حدثت بعض التجاوزات سواء من ردودي أو من بعض الأخوة المعلقين مما جعل الوضع مؤخرا ينذر بحرب وشيكه فقامت إدارة المنتدى مشكورة ( برش ) أو سكب برميل ماء سعة 180 لتر لإخماد نيران على وشك الاشتعال . و أقول أيضا بأنه حدثت مني بعض التجاوزات خاصة في ردي علي أستاذ البلاغة الأول بالمنتدى ............؟ برافو صح فعلا ( الأستاذ / محمد ) ولكن هذا الرجل اقدره تماما و احترم علمه خاصة و انه أستاذ فاضل في علم البلاغة و يمكنكم متابعة مشاركاتي عنده و التي اعتبرها نوع من الاعتذار و الذي تقبله هو بكرم و أثلج صدري بقوله عف الله عم ( عما) سلف . كما و انه لابد من الاعتراف بأننا جميعنا أو بعض منا أو ربما أنا يلزمنا الكثير و الكثير من الوقت لنتعلم فكر الأخر ماهية الآخر و كيفية الحوار مع الآخر وألا ننساق وراء انفعالات لحظية قد تأخذنا إلى طريق أخر و منحني غير مرسوم يهوي بنا لمكان سحيق .
على أية حال أهلا بكم أهلا بمن يقرأ بفكره لا بعينه . أهلا بمن ينظر إلى المضمون لا إلى الإطار فقط .

ما زالت البلية الشقية تفلت من ( سن ) القلم و ينفلت عقال كلماتها المجنونة
و تجبرني علي القيام بلملمة ما ترسمه من حروف و رص و ترتيب تلك الحروف علشان أتنيل و أفهم إيه اللي هببته .
خير اللهم اجعله خير رسمت البلية كلام كتير قوي و قبل لململة الكلام قلت للقلم أنت لسه م حرمتش مش كفاية موضوعك الأخير ( خاص لأعضاء المنتدى ) تم تجميده و تم أسره ووضعه في زنزانة حبس إنفرادي علشان ياكل في بعضه . ويحرم يبعبع بصراحته الجريئة زيادة عن اللزوم
نطت البلية المجنونة و قالت : و إيه المشكلة إحنا مش اتفقنا إن هنا زي بره بالضبط . أحيانا ( تكسر الأقلام و تقطع الألسن و تبتر الأنامل التي تكتب )
و المصيبه الحرائة ممكن يتم القبض عليك بدون سابق انذار و ابقي قابلني بقي لما تتنيل و تثبت براءتك من التهم التي توجه إليك و كل تهمه و تهمه
قد راس العجل زي التهمه المعلبه و الجاهزة( حيازة أفكار بدون ترخيص )
و تلاقي مجهز لك في الدرج ( الأفكار و يقولك ضبطناك بتجامل بيها في فرح هريدي ) و اثرت الذعر بين المتواجدين و عندنا ألف شاهد
و كمان ( مخالفة قواعد التنطيط في أصول التنبيط ) يعني قمت بنقد الشخصية الفلانية المرموقه في المجتمع بدون أدلة و ده اسمه ( تنبيط) يعاقب عليها قانون مشي بحالك بالحبس لمده ( 3 شهور تحت بند سب و حدف بالطوب )

هي دي طبيعة العرب و الشعوب العربية ؟ الحريات مسلوبه و الافكار منهوبه و الاراء يتم مصادرتها ، طالما أنها لا تروق للوالي و الحاكم بأمره . قلت للبلية بلاش فلفسه و تعالي ندخل ف الموضوع .
قالت علي قولك يا أخويا العايط ف الفايت نقصان إيه.... ؟ إوعي تقول (حبر)
توكلنا على الله نقوم نلملم الحروف و نشبكها علشان نفك طلاسمها!
المره اللي فاتت سلطنا الضوء علي اللي خرجوا م المنتدى و اللي بيشطبوا المقالات و اللي بينقولها لأماكن تانيه من غير مشاورة اصحابها و كمان اللي بيتلككوا علي الهمزات المنسية و الحروف اللي تلخبط زي ( ي ،ى) و زي ( آ و أ ) و زي ( ز ،ذ ) لكن ده م يمنعشي إن فيه اقلام بتكتب كلام يهز قلب الحجر ؟ قلت لأ ابعد عن الحجر علشان قهوة المنتدي ( الحجر لو إتهز .. الشيشه تنفس ) و كمان مقالات تخيش علي طول في النفوخ خد عندك الأمثلة دي اللي كلها أحسن من بعضها !
فاصل و هنرجع بعد م نجيب المقالات .. و نرص حجرين معسل
فاصل و نعود انتظرونا بعد الرص .