بسم الله الرحمن الرحيم
والصلاة والسلام على سيد الخلق أجمعين (( محمد سيد الخلق والمرسلين ))
وبعدين :-
آن ياما آن في هذا العصر الحديث من الأزمان كان راجل بياع كلام( كلمنجي يعني) وبتاع حركات لسان حاله بيقول إنه شحات لكن من طريقته وإسلوبه يحسسك بأيام سقراط كان هذا الرجل يعيش في بيت قديم عصف الزمان بأتربته على الجدران ’ وبارت أساساته وتشققت أركانه ، بعد ما فقد هذا الرجل كل شئ ومل الحياة " في ظل غلو الأسعار . والخوف من الدمار . وكثرة التجار . وظهور سماسرة الإستثمار "

قرر المذكور أن يفتح مشروعا بلا رأس مال , حك رأسه الفولاذية مرات ومرات ومرات ولم يخرج منها شئ ،، عاود الحك مرة ثانية وثالثة حتى ظهر له .......................................... عفريــــــــــت .

وبدأ الحـــــوار ......................
العفريت : شبيك لبيك ساعدني الله يخليك
الإنسان : إنت مين
العفريت : أنا جني موجود ومعشش جواك من زمان
الإنسان : جميل كده باب السعد اتفتحلي ( جاهز يا عفريت )
العفريت : نفذلي طلباتي أسعدك وحياتي
الإنسان : قبل ماعرف منك إيه الطلبات ( لو نفذت هتنفذلي )
العفريت : أوامرك يا غالي بس أنا جني جايلك طفشان
الإنسان : إنتو كمان في حياتكم قرفانين
العفريت : خلاص ملينا من البني آدمين وكتير منا عواطليه مساكين
الإنسان : ليه يابو العفاريت أمال فين ألاعيبكم والحركات
العفريت : نقطنا بالسكات كانت زمان الحركات دلوقتي بإنترنتكم ومواقعكم بقينا بنتعلم منكم الأساليب والمهارات
الإنسان : يا جني عيب أكيد ورا الكواليس فيه إبليس
العفريت : الخسيس شغال ليل ونهار ونفسه ياخدكم جميعا النار
الإنسان : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وفي الأخـــــــــير:-
: أعوذ بالله من غضب الله ،، ومن شر كل وسواس خناس ،، يارب استر عليا وعلى كل الناس ،، واهدي يارب العاصي قبل ما ينداس ,/, واحمي يارب بلادنا من كل كلمنجي وهجـــــــــــــــــــاص

إمتحـــــــــــــــــــــــــــــان
إزاي نعرف إن الإنسان ده كلمنجي وبتاع حوارات ؟
توقع :: هل يوجد مشروع بلا رأس مال أعط مثال ؟
لو العفريت ده شغال بجد وهيقضي مصلحه هيطلب إيه عشان ينجز له مصلحته ؟
إيه اللى في مواقع الإنترنت مجنن الجني ؟
توقع إيه اللى مكان علامات الإستفهام ؟