تويت
يا ناشر مذهبك بالغصب جوّا الروح خلاص ارجع
كفرت بمذهبك توِّي
فمهما تقول ومهما تعيد
ومهما تنادي أو تغوي
خلاص دينك مهوش ديني
قراري خدته مش هرجع
هقول انا وانت رح تسمع
خلاص ارجع
وخد تُوتك ونبُّوتك
وسمعنا صدى سكوتك
ومش هكدب عليك واحلم
واقول يمكن قَرِيب موتك
أنا عارفك هتستنّى
تدس السم فـ الأشعار وفـ المعني
ولو يعني النهارده مشيت
عشان غضبي عليك طاغي
دا جزء أكيد من التخطيط
فـ بند اسمه الأكيد هدنة
وأصلك أُلعبان تعرف
تلاقي زوايا مهجورة
فـ حتة بعيدة منسية
تعشش فيها وتفرّخ
وترجع أعفى مـ الأوَِّل
فراخك فـ الشقوق تسرح
توسعها شقوق الروح
وفـ الآخر تقع تتهدّ
وزيّ الحاوي فـ جرابك
حيل مرصوصة ملهاش عدّ
تبيع المُر بالأحلام وتوهمنا
بإنّ الصفقة كسبانة
وكل بضاععتك المزعومة دي فـ الأصل
هياكل وهم منصوبة علي الكدبة
وبتدلل على بضاعتك
بغنوة قديمة بهتانة
شبه حلمي اللي حال لونه
من الرَكْنَه
وحاسب تظهر اللكنة
يبان أصلك
وترتد الحِيََل أبابيل
تصب الصحوة فوق مكرك
يا حاوي يااللي إسمك فـ الحقيقة
يأس
خلاص بقى لمّ تعابينك
وخد هدنة بقي وهاجر
بأتباعك ومريدينك
ومتاخدش الآمال ويَّاك
أسيرة كسيرة وتسنلها سكاكينك
بلاش يا آمال تفارقينا
بلاش الصبر خلي بينا
عملنا فـ حقك الـّ ميتعملش صحيح
لكن والله من غيرك ما لينا حياة
ويا ولداه
علينا لو هزمنا اليأس
آه مـ اليأس
من مرُّه ومن ويله
ومن تأويله للأحزان وترتيله
لأوجاعنا اللي خلّاها
نواح موصول فـ مواويله
وآه مـ اليأس آه منه
ومن إلحاحه من زنّه
جهول لو تفتكر إنه
بيزهق أو بيعرف يأس
كفرت بمذهبك توِّي
فمهما تقول ومهما تعيد
ومهما تنادي أو تغوي
خلاص دينك مهوش ديني
قراري خدته مش هرجع
هقول انا وانت رح تسمع
خلاص ارجع
وخد تُوتك ونبُّوتك
وسمعنا صدى سكوتك
ومش هكدب عليك واحلم
واقول يمكن قَرِيب موتك
أنا عارفك هتستنّى
تدس السم فـ الأشعار وفـ المعني
ولو يعني النهارده مشيت
عشان غضبي عليك طاغي
دا جزء أكيد من التخطيط
فـ بند اسمه الأكيد هدنة
وأصلك أُلعبان تعرف
تلاقي زوايا مهجورة
فـ حتة بعيدة منسية
تعشش فيها وتفرّخ
وترجع أعفى مـ الأوَِّل
فراخك فـ الشقوق تسرح
توسعها شقوق الروح
وفـ الآخر تقع تتهدّ
وزيّ الحاوي فـ جرابك
حيل مرصوصة ملهاش عدّ
تبيع المُر بالأحلام وتوهمنا
بإنّ الصفقة كسبانة
وكل بضاععتك المزعومة دي فـ الأصل
هياكل وهم منصوبة علي الكدبة
وبتدلل على بضاعتك
بغنوة قديمة بهتانة
شبه حلمي اللي حال لونه
من الرَكْنَه
وحاسب تظهر اللكنة
يبان أصلك
وترتد الحِيََل أبابيل
تصب الصحوة فوق مكرك
يا حاوي يااللي إسمك فـ الحقيقة
يأس
خلاص بقى لمّ تعابينك
وخد هدنة بقي وهاجر
بأتباعك ومريدينك
ومتاخدش الآمال ويَّاك
أسيرة كسيرة وتسنلها سكاكينك
بلاش يا آمال تفارقينا
بلاش الصبر خلي بينا
عملنا فـ حقك الـّ ميتعملش صحيح
لكن والله من غيرك ما لينا حياة
ويا ولداه
علينا لو هزمنا اليأس
آه مـ اليأس
من مرُّه ومن ويله
ومن تأويله للأحزان وترتيله
لأوجاعنا اللي خلّاها
نواح موصول فـ مواويله
وآه مـ اليأس آه منه
ومن إلحاحه من زنّه
جهول لو تفتكر إنه
بيزهق أو بيعرف يأس
تعليق