ايه مشكلتنا أحنا كشباب ؟
أصعب مشكله

رفع حسام يده وقال: البطاله
قال سيد: لآ....والله الجنس
ضحك نور ساخرا وقال : من غير ماتحلف أحنا مصدقينك .. ياسلام لو اتخلقنا كده من غير جنس كنا أرتحنا
عدل فايز نظارته فوق انفه وقال:" أرتحنا" دي نسبيه
قال أحمد : مشكلتنا الفلسفه
نظر فايز له وقال: مشكلتنا اللي بجد هي الجهل والتخلف والآميه صدقني دي اصعب مشاكلنا
نور: ياعم ماتكبرش الموضوع احنا بنتكلم كشباب ايه مشكلتنا

فايز: مشكلتنا التفاهه احنا جيل سطحي

اعتدل هادي من جلسته ليشاركهم الحديث قائلا: اسكت ياض يافايز انت بتخنقني لما بتتكلم
علي فكره ياجماعه احنا مشاكلنا نفسيه مش أكتر
وعلي المستوي العام انا شايف انه أكبر مشاكلنا هو قانون
قانون الطوارئ اللي نازع كرامتنا
يـاه لو يغيروا القانون ده مش يغيروا اسمه

قال حسام: انا عن نفسي مشكلتي البطاله عايز اكوّن نفسي ومش قادر
حاسس بالفشل في نظرات الجميع من حواليه

قال سيد: انا عن نفسي مشكلتي الجنس متهيألي مفيش حد مش حيشتغل _حتي لو طال الوقت_
مفيش حد بيبات جعان لآنه اساسا مش حايعرف ينام
صدقوني ياجماعه لولا الجنس انا كنت بقيت انسان كويس جدا كان ربنا حيحبني
وعلي صوته قائلا:عايز اتجوز يارب

ابتسم الجميع وضحك البعض ماعد فايز الذي
قال : الجنس ده لو فكرتوا فيه حتلاقوه مسأله قذره اساسا ارقوا بتفكيركم شويه يابني آدمين اللي مشكلته الجنس ده يبقي ايه الفرق بينه وبين الحيوان
صدقوني مشكلتنا احنا _ كشعب_ التخلف
مش عارفين نطور فكرنا ولانساير الاوضاع احنا زي ماحنا من خمسين سنه

هادي: مشكلتك ياد يافايز انك حاسس بتفاهة الجميع ماعدا نفسك
ياعم بس كلام تليفزيونات احنا ماتخلقناش علشان نشوف غيرنا احنا اتخلقنا علشان نحاول نعيش صح
مشكلتنا الحقيقبه هي الناس اللي أمثالك اللي منتهجين فكر العلمانيين
ابتسم فايز ساخر في حين اكل هادي قائلا:
عارف احنا لو مشينا علي الدين ( ايا كان دينا او دينك ) حنرتاح

قال أحمد : صلو علي النبي ياجماعه مجد سيدك يا سي فايز
ده مش سؤال اللي أأطرح ده
علي فكره احنا ماعندناش مشاكل أحنا بندور علي مشاكل
انا عن نفسي اكبر مشاكلي الملل وده اللي بيخليني افكر في حاجات وسخه

( وابتسم ضاحكا في حين قال نور ضاحكا ملطفا للجو :
صح
مشكلتنا اننا مش عارفين
مش واثقين
يمكن مشكلتنا اننا مش لاقين نفسنا

مط فايز شفتيه في استسلام وقال : احنا نعرف بعض من زماااااااااااااااااااااااااااااااااااااان جدااااااااااا
ولسه ماعرفناش نفسنا؟

أخذ ممدوح الذي حسبه الجميع نائم يغني قائلا: بنلف في دواير ولاحد بيسأل فينا
واندمج معه نور قائلا: مابنكتبش الرسائل
فايز: مابنسمعش رد
هادي: طيور العتمه ضايعه
سيد: في زحمة الميدنه
تايهييييييييييييييييييييييييييين
هههههههههههههه




.......
سناء كانت عارفه انه أمها حتصحيها ومع ذلك عملت نفسها نايمه علشان عندها أمل آخير انها تسيبها أو تنساها أو تشفق عليها وتسيبها تنام بقيت يومها لكن فقدت ذلك الآمل عندما قالت الآم :
قومي يامفعوصه ورانا شغل كتير النهارده
ممممممم سيبيني بس ربــ
قاطعتها أمها قائله : ولا دقيقه ولاثانيه ويالا قومي بدل ما ادلق عليكي ميه تفوقك
صحيت سناء في كسل قائله : هففففففففففففففف حاضر حاضر
الواحده متعرفش تنام في البيت ده

تركتها أمها وذهبت لتوقظ أخيها وتشب خناقه أخري في الصحيان
بينما قامت سناء تمسح في وجهها ثم دخلت الحمام ونظرت للمرآه المكسوره التي لاتستيطع ان تري فيا وجهها كاملا
وكالعاده رددت : هفففففففففف
ثم تذكرت شئ هام : الواد يوسف حقابله النهارده
تذكرت سريعا بالخطاب الذي تركه لها يوسف في حقيبتها يعترف لها بحبه ويطلب منها ان تقابله في حديقة الحيوان اليوم ان كانت مشاعرها نفس مشاعره
العجيب انها فجاءه شبت مشاعرها واصبحت تحبه بأثر رجعي
يـــــــــــــــــــــاه لو اتجوزته يارب
وضعت رأسها تحت الماء وهي شارده و
هآآآآآآآآآه
الميه ساقعه

ومن الجانب الآخر دخلت الآم لتوقظ اخيها فلم تجده فخبطت صدرها في جزع قائله: يامنيل هو انت بت بره الليله طاب والنبي ومن نبي النبي لآنا شايفه شغلي معاك النهارده
جاءت طفله تبلغ من العمر 8 سوات تقول : ايه ياماما ... هو فين عماد؟
قالت الآم وهي تخرج علي المطبخ: بات بره عايزاه ليه
نظرت الآم لآبنتها الصغيره فوجدتها خارجه بحقيبة مدرستها للمدرسه فصرخت فيها قائله: انت يابت يا ريهام مش بكلمك؟
تراجعت البنت وقالت : اصله أنكل " علام" ابو هبه كان عايز عماد علشان يصلح له الكمبيوتر بتاعهم
وانا عايز اخد هبه وامشي علشان مانتأخرش علي المدرسه
الآم: خدتي مصروفك
ردت: آه خدت جنيه بس
طاب حاسبي العربيات ومتكلميش حد وانتي ماشيه في الشارع و
في تلك اللحظه كانت ريهام خرجت فتعجبت الآم: شوفي البنت!
وفي نفس اللحظه فرحت بها فهذه البنت تملك نشاط غير عادي يكفي انها تستيقظ وحدها وتلبس وحدها وتذهب وتذاكر وأحيانا تحضّر آكلها وحدها
خرجت ريهام من شقتها اللي في الدور الرابع وحين وصلت للدور الارضي وقفت بجانب شقه ودقت بابها فخرجت لها فتاه من سنها تحمل حقيبتها قائله: انا جاهزه
ريهام: طاب يالا بينا
وخرجا الاثنان تحمل كل منهما حقيبتها خلف ظهرها وقالت ريهام : يا هبه شفتي البت الرخمه هايدي أمبارح قالت ايه للاستاذ؟
هبه: آه وقال الولاد يضحكولها البت دي مسلوعه وعامله فيها شاطره
الا من حق هو احنا النهارده عندنا حساب
ريهام: آه أوعي تكوني محفظتيش الجدول
ارتبكت هبه وقالت : يمكن الاستاذ يغيب النهارده هو قال امبارح انه يمكن مايجيش
صرخت فيها ريهام مما افزعها قائله: لا ياشيخه ماهو قال بعد كده انه حيجي وحيسمع جدول الضرب من 1 الي 4
هبه: يعني فرضنا ماعرفتش حيعملي ايه الاستاذ
ريهام: حيضربك
هبه: مايقدرش انا بابا قالي انه ماتخليش حد يضربك خالص
: وانتي قد الاستاذ
: حاقوله لو ضربني حاقول لبابا
: والله ليضربك هه
: والله اقول لبابا وبابا يبهدل الدنيا
: لما نشوف
وتضايقت ريهام جدا وتمنت لو الاستاذ يضرب صديقتها
هففف مش عارف ليه هيه اشمعنا اتولدت من غير بابا
تذكرت قول الاستاذ بالامس عندما ضرب الاولاد كلهم عندما تخانقوا وقال : المساواه في الظلم عدل
هذه الكلمه رددتها الان ولا تعرف هل لها علاقه بموضوعها الان ام لا
لكنها علي كل حال نسيت كل ذلك
عندما وصلت لمدرستها
فهزتها صديقتها قائله: بصي ياريهام العربيه دي
فنظرت ريهام فوجدت سياره كبيره ضخمه معلق عليه من الخارج صور كارتونيه فقالت هبه: الصوره دي بتاعة الملك الاسد سمبا
لم تنظر ريهام الي الصوره ولكن نظرت للفتي الذي في السياره والذي تقريبا من سنها والذي كان ينظر الي مدرستها في شرود
نظر سائق السياره الي االفتي وقال له: ايه ياوائل المدرسه دي احسن ولا الــ سكول بتاعتك احسن
رد وائل: افكورس ماي سكول
لكنه لم يستطع ان يقول انه نفسه ومنه عينه يجرب المدرسه دي
يدخل جواها ويشوف مدرسيها وطلابها ويصاحب منها
كل ده عدا في خاطره سريعه في عقل وائل في حين قال سائق السياره : حاشغلك الاغنيه اللي بتحبها " دونت ستوب كيري "
فجأه انتشل وائل حماسه وصرخ قائل : بليييييييييز بلاي
السائق:آلريت آلريت
ونظر السائق في مرآة السياره فوجد سياره تتبعه فابتسم ساخرا ونظر في لحظة تأمل الي خارج النافذه فوجد أمرأتان يتمشين في الطريق الموازي فقال لهما وهو يمشي : قمــ
بالطبع لما يسمعا باقي الجمله في حين ابتسمت أحداهن وقال : بيقول ايه ده
قالت لها الآخري : ساميه .... بلاش الحركات دي

ضحكت ساميه وقال: آه بيعاكس ........ بس في ذمتك ده شكل يركب عربيه بالشكل ده
: ماله ده حتي أمور
: فلوسه بقي الي اتخليه أمور
وأنحنيا جانبا في شارع متفرع وقالت صديقة ساميه :هو الراجل ايه غير فلوس والمهم مايكونش بخيل
ضحكت ساميه مره اخري وقالت: وانت ايه بقي جوزك بسم الله ماشاء الله
قالت صديقتها في ضيق : بلا وكسه اذا ذكر البخل ذكر أدهم زوجي
: ومع ذلك انتي بتحبيه؟
دارت صديقتها مشاعرها بسرعه وقالت : الحب في الزمن ده ببلاش يبقي ملهوش قيمه خلاص
فغمزتها ساميه قائله : يعني بذمتك ودينك وغلاوة عيالك عندك لو اتعاد الزمان واتقدملك زوجك واللي كان راكب العربيه ده حتختاري مين فيهم:
ارتبكت صديقتها فهي لاتعرف الاجابه فعلا ولكنها وقفت عند البائع تداري ارتباكها قائله: بكام كيلو البطاطس يامعلم

وجدت المعلم ينظر الي مشتري آخر في ضيق ثم يأخذ منه طبق الميزان ويقول له في تحد : خلاص ياخينا مش بايعين
نظر له المشتري في خوف وقال : هو فيه يامعلم
قال المعلم : ليك ساعه تقلب ياخينا انت كل ده علشان نص كيلو جبرنا ياخي بطلنا نبيع
مشي المشتري في احراج رهيب في حين قال المعلم في همجيته المعتاده : يالا خيلنا نشوف غيرك
أأمري ياهانم
هنا عدت من جانبهم سناء تقول : ازيك يامعلم خليل
ازيك ياست سناء نجيب عيل ياخد المشتريات دي عنك
: تشكر يامعلم
ومشت سناء بما تحمله لتدخل في حاره ثم حاره ثم تسمع من يهمس بأسمها
فتنظر خلفها لتجد شاب ترتبك لرؤيته وتهمس :يوسف
يقترب يوسف منها ويقول : ازيك ياسناء
في خجل: اهــ اهلا
قريتي جوابي .عايز اعرف ردك انا من امبارح منمتش والله
نظرت حولها في ارتباك ومشت في بطأ وقالت: جواب ايه؟
أوقفها ممسكا يدها وقال: ارجوكي ماتلعبيش باعصابي انا والله بحبك من زمان ومستني منك كلمه واحده
انا ظروفي مش مساعداني لكن لو وافقتي عليه من بكره حاعمل المستحيل علشان ابقي جدير بأني اتقدم لك
تفاجأت سناء بكلامه هذا فهي توقعت انها ستعيش قصة حب يملؤها الارتباك والخوف ثم اخيرا يتقدم لها لذلك فرحت جدا لآختصاره المسافه الطويله والمعذبه هذه
وتلعثمت وامتلئ وجهها بحمرة الخجل فقال يوسف : ايه يا سناء
قولي اي حاجه
انا قربت اتحرق في مكاني
نظرت له ونسيت يدها في يده و
أخويـــــــــــــــــــــــــــــا
انتشلت يدها بسرعه منه عندما وجدت اخيها قادم لهما وقال اخيها والشر يطل من عينيه : مين ده وايه اللي موقفه معاكي
قالت : ده ده ده
ده يوس ( ابتلعت ريقها
فقال يوسف: استاذ عماد انا يوسف تسمح لي اتكلم معاك كلمتين
كلمتين ايه؟
ونظر لآخته في غضب شديد و لطمها علي وجهها في قوه قائلا : يالا علي البيت
صرخت الاخت وجرت في حين غضب يوسف جدا ونظر لـ عماد الذي قال : ده موقف مش متحضر
و

طاخ بوم دي دب

خناقه كبيره
"الواد عماد كان بيضرب ضرب خساره
المدعوء يوسف كان حيروح في ايده"
هكذا قالت والدة هبه لزوجها الذي كان يحل الكلمات المتقاطعه في احدي الجرائد وقال : موقف غبي من عماد
الواد كان عايز يفضح نفسه وخلاص
كان المفروض كتم علي الموضوع لغاية مايوصل البيت
قالت الزوجه مشاكسه : هو انت كنت سامعني دانا بحسب انه مفيش حاجه تلهيك عن الريده الي معاك دي .. . .
: الا قوليلي يا أحلام انتي بطلتي تقرأي جرايد ليه
: اصلها كئيبه والواحده مابقتش فاضيه
رد الزوج مداعبا: طاب دانا اتجوزتك علشان كنتي مثقفه
نظرت له لتعلم جده من مزحه ثم قالت : الا قولي فعلا يافؤاد انت اتتجوزتني ليه ؟ ومتجوتش واحده من بلدكم في الصعيد
قال فؤادضاحكا: كنت غلطان
اتغاظت احلام وفي دلال مسكت المكنسه وعلي قدمه ضربته بلطف وقالت :
اتأدب
فضحك و رمي جريدته واختطفها لحضنه و قال: ياسلام بعد 10 سنين جواز تسأليني السؤال ده

قالت : وياريتني ما سألتك

قال: انا حاجاوبك بجد
شوفي فيه فرق كبير قوي بين البنت في بلدنا وهنا في مصر
لو البني ادم عايز دلال وشقاوه وحب مجنون يتجوز من المدينه
لو عايز هدوء وخدمه 24 ساعه دون كلل واخلاص شديد يتجوز من القريه
مش معني كده انه الفئه الاولي تفتقد ميزات الفئه التانيه
لا برضه الاخلاص والخدمه والهدوء الشديد اديني لقيه في مصر لكن انا بتكلم عن النسبه الاعلي

لم تفهم أحلام اي شئ وكانت تتوقع منه مغازله بسيطه لكنها قالت:
انا مش قولتلك يارتني ماسألت
وضحكا
بينما دق الباب ليفتحا ليجدا ابنتهما تبكي وتقول
استاذ الحساب ضربني
صرخ الآب فيها قائلا: ضربك ليه
قالت : علشان ماعرفتش احل المسأله
تضايق الاب جدا وقالت البنت: قالي افرطي ايدك قلتله لآ فأصر انه يضربني
طاب اقعدي انتي هنا وانا حاطربق الدنيا عليه
نادت عليه الآم قائله : طبعا مش حتلاقي حد زمانهم روحوا أقعد واستهدي بالله بكره أبقي روح
ونظرت الآم للبنت في لوم قائله : ووالنبي عنده حق علشان تعرفي تذاكري
قال الاب: بس دول حيكرهوا العيال في التعليم
قالت الآم مشاكسه : ايه يابو هبه هو انت ماكنتش تضرب وانت صغير الا ماسمعش عن الفلكه
احمر وجه الاب واقترب منها قائلا : انا غلطان لو قلتلك علي حاجه تاني
ضحكت الام بينما سمعوا صوت يعلو من فوقهم وصوت عماد يصرخ قائلا : انا ابقي كلب لو جيت لكم البيت ده تاني
وصوت الام تقول: غور يابن الكلب اياك اشوفك تاني
ومشي عماد في حين بكت الآم واقتربت منها سناء فازاحتها الآم بعيدا عنها وتقول : انتي السبب في ده كله
قالت سناء وهيتدمع : مانا قولتلك والله كان عايز يتقدم لي
ثم انتي زعلانه ليه مادياما بيجي ويصالحك
اكيد حيجي ويصالحك
لازم يعمل الحبتين بتوعه دوول
عماد طيب حيجي ويصالحك
وحصالحه

في نفس الوقت كان عماد من دخله يحترق ولا يردد سوي جمله واحده : طيب
والله لطيب
انا اخرتها اشوف اختي وقفه مع واحد
ولما اضربه امي تعاركني
كان المفروض ادبدب عليه يعني
بس ماشي
والله لطيب
رن موبايله علي نغمة مابقاش أنا فرد مباشرتا قائلا: الوو
رد صوت ناعم تقول : ايوه ياعماد ازيك
ازيك يا منار
مالك صوتك كده مش قوي
: مخنوق يامنار جدا عايز اقابلك دلوقتي
: عماد مالك اوعي تكون مخنوق علشان لسه مالقتش شغل حاتتعدل ان شاء الله
: مش علشان كده انا
انا مخنوق بجد يامنار وعايز افضفض
عايز ابكي يامنار

: مالك ياحبيبي قولي مالك

: عايز اقابلك

سكتت شويه وترددت ثم قالت: اصله ابويا مضيقها قوي عليه ومش عارفه اطلع بأي حجه
علي صوته قائلا : هففف عايز اشوفك يامنار
اتصرفي بقي احنا مش بنعمل حاجه غلط
ولاأقولك براحتك
قالت مهدأه غضبه :بس خلاص أو كي أوكي استناني في المترو في المحطه بتاعتنا
: حاكون هناك

قفل التليفون ووضعه في جيبه
وأخذ يحاور نفسه
قال ضميره له:
اشمعنا بترضي الشئ علي نفسك ولم ترض علي أختك
جاوب علي نفسه ببساطه : علشان انا واثق في نفسي لكن مش واثق في الزفت يوسف ده
هي دي الاجابه ببساطه
المشكله انه الحكايه دايره طاب ما ابوها طبعا مش واثق فيه
مش مهم المهم هو واثق انه مش حيضر حبيبته
ثم الواحد ممكن يسمح لنفسه بالغلط لكن مايرضاش الغلط ده لآخته
أخيرا وجد تعليل اراحه عندما قال: الراجل راجل والست ست

مشت من جانبه فتاه تمسك خصله من شعرها دون ان تعي ذلك وهي تفكر: وبعدين
مش عارفه ربنا حيصبر عليه لآمتي
يارب اصبر عليه يارب
انا نفسي بجد والله البس الحجاب
بس
مش عارفه
خايفه
لكن
بأذن الله بكره لازم البس الحجاب
آه بكره
أكيد بكره!


مشت من جانبها أطل منها شاب فجأه يقول لها في اصطناع مضحك : جميل جمال ملوش مثال
قمر والله وحاصيم 3 ايام
ضحك من بداخل السياره وضربه أحدهم علي ظهره بقوه قائلا : تعالي يالا
بص يالا شوف الحادثه دي
نظر لهم وقال: ايه الله يحرقكم البنت كانت حتبتسم
نظر علي يساره فوجد حادثه بالفعل
سياره مقلوبه
وسمع أحدهم يحلف مية يمين انه في سياره جات من ورا وضربت رصاص علي السياره دي
نظروا للسياره المقلوبه التي رسم عليها صور كارتونيه للملك الاسد
سمبا
سمع احدهم يقول : السياره كان فيها رجل وطفل خدتهم الاسعاف من بدري
بيقولوا انه السواق مات والطفل في حاله خطره

الامن المركزي جاي من بعيد

لا اله الا الله

في نفس الوقت نظرت الفتاه التي كانت تفكر في الحجاب الي السماء تستغفر الله ( فهذه عادتها عندما تستغفر الله
وفي اثناء استغفارها وجدت عماره يطل منها حوالي 5 شباب ينظرون لها لا للحادثه
فتجاهلتهم
بينما هم:
سيد وحسام وفايز وأحمد ونور
نظروا لها وقال أحمد : البنت دي شكلها قمر


تكلم ممدوح من خلفهم قائلا : فيه ايه؟
قال فايز : الظاهر انها حادثه
وتراجع الجميع
قال أحمد: كانت قعده خنقه يوم السبت ده مابحبوش خالص بحس انه يوم خنقه كده
سيد: طاب استأذن انا بقي وابقي اشوفكم بالليل في القهوه
يالا بينا كلنا
وتفرقوا
منهم من نام
ومنهم من أخذ يذاكر
ومنهم من اتصل بحبيبته
ومنهم من ذهب من جديد ليبحث عن عمل
ومنهم من ذهب سرا الي طبيبه النفسي
ماعدا ممدوح الذي جلس امام حاسبه الالي وشغل احد الاغاني وهو يترنم معها
بنلف في دواير
والدنيا تلف بينا
دايما ننتهي
لمطرح ما ابتدينا

طيور الفجر تايهة
في عتمة المدينة
بتدور


ما بنكتبش الرسايل
ما بننتظرش رد
لا حد في يوم سمعنا
و لا بنسمع حد

طيور العمر تايهة
في عتمة المدينة
بتدوووووووووووووووووووووووووووور