هوالنبي شيء هين يا مسلمين ياموحدين ننساه .؟
مين اللي أنقذنا وهدانا وعرفنا نمشي في طريق الله.؟
كنا قبله في ضلال الجهل نمشي ورا الشر من غير اله
وأد البنات انتشر والشر والظلم في كل مكان تلقاه .
من شرب خمر لزنا وقتل الضغيف والسرقة بالاكراه
ولما جاء نور محمد بالقرآن مهد طريق الحق وسواه
وعرفنا طريق ربنا اللي شايفنا واحنا ما شفناه
عبدناه سبحانه الكريم اللي أرسله وأدبه واصطفاه
يبقى محمد يتنسي ياناس.! دا القلب من غيره ضل وتاه
اللهم صلى عليك يانبي يا أغلى من النفس والمال والجاه
يارب شفع نبينا محمد في المسلمين وحقق لكل مناه
****
زار النبي الحجاج وصلوا في الروضه
سمع محمد دعاهم ووصاهم من الأوضه ( حجرته الشريفة )
حافظوا على دينكم وبلاش تجروا ورا الموضه
الناس ببتوحد وتعمل كتل اتركوا الفوضه ( الفوضى )
تركت فيكم كتاب الله وسنتي وهي دي الروضه

============