تويت
طول السنة أشتاق لرمضان ولصيامـه
وأقول هاريَّح دماغي م الشقَى وأيامـه
واقعد بنفس راضية اقرا في كتاب الله
واسكب دموع قلبي واقول لربي آآآه.
وييجي رمضان وتيجي معاه خطـة
أصل المدام فاكرة رمضان بقى لقطة
وقبل الشهر ما يهلّ تبدأ في حرب خزين
سكر ورز وسمن وبصل وتوم وطحين
تخش المدام ع السوق يهلل التجـار
وشيل وعبي يا جدع لحمة كمان وخضار
وانا جيبي ما يستحمل خزين كتيبة عسس
واقول لها دا صيام! تقول لي بس اتوكس
وسكني ف أوضة ومعاها كمان صالة
ومطبخ شِرك لو شفته حالته كده حالة
فيه تلاجة صاحبها رمسيس بن عم أمون
ما ليها ف الكهربا ولا تعرف الفريون
وام العيال حالفة ترص الخزين ف اكوام
وتفرَّج جيران الحتة وتزيد تعيد في كلام
تخبّط على الجارة تشيل عندها أصناف
جابتها من كدَّها ف حرب الاستنزاف
وتروح لصاحبتها ومعاها علب واكياس
تحرجها بمطالبها من غير حيا وإحساس
وساعة أدان المغرب أقوم أقول يا فطار
ما الاقي غير الهـوا، بجـد مش بهزار
أصل المدام ملخومة في كلام وف اتصالات
عاملة فيها خبيرة في كتابـة الوصفات
وعند الجد تلقاها خيبة ما في زيَّهـا
ويطول صيامي وهيَّ تروح على أمَّها
والقاني غرقت ديون وبقيت كده عالة
اللي اشتريته الأمس اليوم بقى زبالـة
صوم الوصال ممنوع وعندنا صوم واجب
وبين الأكل وبينَّا عندنا ميت حاجب
إن كان عليَّا خلاص فوضت له أمري
وكنت قبل باقول يا مقصرة عمري
يا رب خد حقي ويكون عقاب دايم
أما النهارده باقول: يارب انا صايم
يا رب انا صايم.
وأقول هاريَّح دماغي م الشقَى وأيامـه
واقعد بنفس راضية اقرا في كتاب الله
واسكب دموع قلبي واقول لربي آآآه.
وييجي رمضان وتيجي معاه خطـة
أصل المدام فاكرة رمضان بقى لقطة
وقبل الشهر ما يهلّ تبدأ في حرب خزين
سكر ورز وسمن وبصل وتوم وطحين
تخش المدام ع السوق يهلل التجـار
وشيل وعبي يا جدع لحمة كمان وخضار
وانا جيبي ما يستحمل خزين كتيبة عسس
واقول لها دا صيام! تقول لي بس اتوكس
وسكني ف أوضة ومعاها كمان صالة
ومطبخ شِرك لو شفته حالته كده حالة
فيه تلاجة صاحبها رمسيس بن عم أمون
ما ليها ف الكهربا ولا تعرف الفريون
وام العيال حالفة ترص الخزين ف اكوام
وتفرَّج جيران الحتة وتزيد تعيد في كلام
تخبّط على الجارة تشيل عندها أصناف
جابتها من كدَّها ف حرب الاستنزاف
وتروح لصاحبتها ومعاها علب واكياس
تحرجها بمطالبها من غير حيا وإحساس
وساعة أدان المغرب أقوم أقول يا فطار
ما الاقي غير الهـوا، بجـد مش بهزار
أصل المدام ملخومة في كلام وف اتصالات
عاملة فيها خبيرة في كتابـة الوصفات
وعند الجد تلقاها خيبة ما في زيَّهـا
ويطول صيامي وهيَّ تروح على أمَّها
والقاني غرقت ديون وبقيت كده عالة
اللي اشتريته الأمس اليوم بقى زبالـة
صوم الوصال ممنوع وعندنا صوم واجب
وبين الأكل وبينَّا عندنا ميت حاجب
إن كان عليَّا خلاص فوضت له أمري
وكنت قبل باقول يا مقصرة عمري
يا رب خد حقي ويكون عقاب دايم
أما النهارده باقول: يارب انا صايم
يا رب انا صايم.
تعليق