[align=right]برجيس : إيه الزحمة اللي هناك دي و اللمة الكبيره
رشروش : انت م دريتش يا منيل ؟
برجيس : لا يا أم العريف ! فيه إيه يا كوبانية النكد !
رشروش : ينيلك راجل . من دون الرجاله . انت انتصيت ف عقلك
برجيس : في إيه م تقولي يا ام لسان زي الخرطوم محطوط في (بوق) قد الجردل
رشروش: بيقولوا فتحوا قهوة جديده . في الملتقى . و بيفرقوا فيها مقالات و
قصايد و خواطر وقصص قصيره و طويله و نص نص
برجيس : طيب و احنا ما لنا يا وليه .
رشروش: قوم يا منيل دول عاملين جايزه لــ إللي يخطف قصيده او مقال و يحلله
و يتكلم عنه . و يطرح سؤال عليه
برجيس: و مين بقى اللي عامل الجايزه دي يا أم العريف
رشروش: بيقولوا واحد اسمه الموجي و بيساعدهواحد اسمه بونيف
و المسابقه انك تحلل النص و تتكلم عنه و السؤال هو لمين النص
برجيس : طيب قومي جري علشان نلحق لنا مقال او قصيده او حتى قصه
قصيره .
رشروش: خلاص يا منيل يا سبع البرمبه . انا خطفت مقال ؟
برجيس : بتاع مين ؟
رشروش: هو ده سؤال المسابقه يا اذكي مخاليق ربنا ؟
برجيس : طيب كلمينا عنه
رشروش: شوف يا سيدي
المقال بعنوان ؟؟؟؟
كاتب المقال من مواليد الملتقى
راجل له هيبه و كلمته مسموعه. تعليقاته بسيطه. و مجامل و كويس
هو بس عيبه انه ساعات بيزود المجامله حبتين . لكن معلشي انت عارف
الظروف .
المقال بيتكلم عن احسن شيئ في الدنيا . اللي خلاني انطص في نظري .
و اتنيل اقع في الوقعه السوده و اتلم عليك . و اصطبح بوشك
تقصدي ال.....؟ ايوه اللي مرايته عاميه
المقال يا سيدي بدء بكلمتين حلوين رماهم و قام جري؟
كتب ( ال...... هو ) و طبعا كل واحد في الملتقى قام جري ؟ انت عارف كله محروم ؟ اسألني أنا ؟ يا جوز شراب م لوش لون ولا استك؟
برجيس :اختشي يا كوبانية النكد؟ أكملي
رشروش: المقال اخذ تعليقات و ردود كتير؟ و كلها ردود احلي من بعضها
في تعريف ال.......؟ اللي مرايته عاميه ؟
و السؤال الأن ما هو المقال .؟ و من المؤلف ؟ و فين الرابط
جوائز المسابقه
1- 3 مشاريب مجانا من قهوة الملتقي + حجريين معسل تفاح
2- مشاركه بسؤال في اليوميات
3- لقاء خاص لما ربنا يسها
طبعا بالإضافه الى الإعفاء من مية الجردل لمدة خمس مشاركات
و الى اللقاء مع يوميات رشروش و برجيس[/align]