[poem=font="Arial,6,red,bold,normal" bkcolor="transparent" bkimage="" border="double,4,orangered" type=2 line=1 align=center use=ex num="0,black""]
لي صاحب(ن) يوم هو وافي وفيت=ولا طرى لي بديل بْصحبته
اقرا كتابات شعره بيت بيت=واشوف انا عزتي من عزته
يامر وانفذ وعمري ماعصيت=كني مسخر مقيم لطاعته
وان قال تكفى أقول ابشر وَزَيت=ابشر بعزك والبِّي حاجته
واليوم كني مثقل في المبيت=واكلي وشربي معه من غلّته
لاني بـْـ مخطي ولا ادري وش جنيت=مدري وش اللي مغيّر نظرته
ياصاحبي والله اني ماهقيت=حبل الصداقة من ايدك تفلته
احسبك لي عزوتي لا ما اعتزيت=لا عارضتني ظروف اْمباغته
ماضرني لو لشعري ماقريت=مانْته عن الناس مخفي شهرته
اجتزت حد المجرة واعتليت=كل(ن)شهدلي بوافي ذمته
من كل راقي جلبته وارتقيت=فنّ بْسما الشعر تبرق نجمته
اغرف من البحر لا منّي نويت=واروي العطاشا بوابلْ مزنته
وانحت من الصخر ماعمري شكيت=وِيْلين صلب الصخَر يوم انحته
للشعر انا من صغُرْ سني هويت=وابوي يهوى الشعر من صَغرَته
خيال فارس ليا مني امتطيت=صهوة جواد الشعر ياصهلته
ما اعجز عن القافية لا من بنيت=بيت القصيدة يقرّ بوزنته
روعة فنون الشعر منها جنيت=نظم(ن)تحار العقول برقته
لو جيت ترقى سما شعري هويت=تعجز وترجع تعود لتربته
وش جاك ياصاحبي يوم انطويت=عن صاحب(ن) ماجفاك برفقته
صديت من غير علة وانزويت=واظن سمحان بانت علته
كانك لصفحة صداقتنا طويت=صاحبْك وش في يده وش حيلته
عساك ياذيب عمرك لا عويت=والنمر مابات طاوي ليلته
آنا مع الناس وافي ماحييت=والحر ماهو مغير فطرته[/poem]