زمان أوي ...زمان خالص ..كنت مدمنا على مشاهدة مسلسل الكرتون الشهير "سالي " ...فاكرينها ؟



أيوة هي ده .البنوتة اللي زي القمر ده !

قصة الكارتون تحكي عن بنت فقدت أمها بعد ما غرق بيهم مركب ...المركب القادم إلى المملكة المتحدة من الهند .

الأم ماتت غريقة
والبنت ..ربنا نجدها ...وودوها دار الأيتام في لندن .



ومن يوم ما دخلت سالي ..دار الأيتام ...شافت أيام سوداء ....

تفتكرو ليه ؟



حاجة تقطع القلب ...



شافت أيام سودا عشان ....الست ده



مديرة دار الأيتام ...السيدة منشن ...

ست - أجاركم الله- مفترية صحيح ..
ما بتبحبش الحال المايل !




كانت سالي تغسل الأطباق ..وأنا بعيط !



تخرج سالي تشتري عيش في عز البرد ...وأنا بعيط !



تبيع كبيرت في ناصية شارع الملكة إليزابيث ...وأنا بعيط !



بردانة ...بعيط !



جيعانة ...برده أعيط !

لغاية ما جاء باباها ....وقال للست منشن إنت بتهببي إيه يا ولية ، بنتي ده ظفرها برقبتك ..

ده الأميرة سالي ...



ورجعت سالي ...الأميرة لبلدها ، وهي بتقول " أيام الست منشن إلهي لا يوريها لمؤمن "




المرة الجاية هبقا أحكيلكم ...حكاية ..ساندي بل !