مصر فازت على أيطاليا
هو دة حلم ولا علم
ولا أكلة فصوليا
أنا مش متأكد
يا جماعة حد يقولى
علشان تعرفوا ان الحكومة بتشتغل
وبتطفح الدم علشان خاطر الشعب والوطن
ولازم تعرفوا ان رئيس لجنة السياسات
هو صاحب كل ألاهداف وهو صاحب هذا الهدف
ودة طبعا اهم انجازات الحكومة
وطبعا حكومتنا مبتعرفش
غير شى واحد وهو العمل
وأديكم شايفين على الارض
ان العمل والكفاح فرض
ادعوا للحكومة ربنا يخليها
ومريحة الشعب
علشان يبطل تعب قلب
وماهوش قادر يفهم الحكومة
والبلد مش ناقصة غلب
تعرفوا أية الغريب فى الامر

اننا نقدروا ننجحوا
لية مبنجحوش
لية مبنزرعوش لية مبنصنعوش
لية مبنبقوش فى كلمة الحق وحوش
لية بنستورد وسلاحنا من عدونا بنستوردا خوفنا
لية بنستوردا أكلنا وشربنا ولبسنا
لحد امتى انفضلوا عايشين جحوش؟؟؟؟
يا عم دى كورة؟؟
انت هاتقاس على الكورة

لو حكومتنا تأخد الدورس
من اللعيبة مش عيبة
وتلعب مع الشعب هات وخد
لو تعرفوا الناس بتحب مصر قدية
والله العظيم كنتوا تبوسوا ايادى الشعب

ياريت الحب فى الكورة يغير الصورة
واللى قاعدين فى الدرجة التالتة
يبقوا زى اللى قاعدين فى المقصورة
والبلد تبقى بتاعت الكل
ونبقى كلنا حلوين فى الصورة
مش عارف لية دايما بحس ان جوايا
حاجة مكسورة
يارب انشا الله أموت
بس مصر تفضل دايما منصورة
يارب أنشا الله اموت بس الناس تفضل
فرحانة ومسرورة
أوعو تسمعوا كلام المعارضين
وأن الحكومة فاشلة
وفى فساد فى الزراعة والصناعة
والتجارة والتربية والتعليم
وأديكم شا يفين ان أحنا شغالين
بنواصل الليل بالنهار
بس مبنحبوش نتكلموا
وماشين فى الطريق المستقيم
ولو سمعنا كلام المعارضين المغارضين
والناس اللى ضد النجاح
لاريحين ولا جيين علشان تبقوا عرفين
وكله علشان خاطركم
وف خدمتكم سهرانين
واديكم شايفين من نصر لنصر
وكل خطوة بألف ميل
يا جماعة لازم تعرفوا
ان دى مصر وحكومة مصر لكل المصريين
للاسف دة مش كلامى دة كلام المسئولين


لية أما كل مسئول يتكلم
يبقى كل كلامة كدب فى كدب
ويقعد يتكلم كلام من ورق
احنا عايزين كلام من القلب
أحنا عايزين عمل
العالم فى حالة سبق
وأحنا فى حالة تعب ولازم فى الاول وفى الاخر
نشكر المسئولين
ونشكر صاحب الهدف اللى فرح الملايين
واعذورينى اصل كتبت الموضوع فى دقيقيتين
ويمكن يكون شطح منى حبتين
أصل مش مصدق ومش عارف
مصركسبت ايطاليا رجاء لو حد عارف
يقولى ازين