[poem=font="Arial,7,red,bold,normal" bkcolor="transparent" bkimage="" border="double,4,tomato" type=2 line=1 align=center use=ex num="0,black""]
ياساكـن الدوحـة اذا جـاك مـرسـول=اكـــرم سـبـالـه بـعــد ردّ الـسـلامـي
اكــرم سبـالـه بالبشـاشـة وبـالـقـول=والطيـب والقـهـوة وزيــن الولامي
لي في قطر خلن عن العيـب مكفـول=ابــو جبـيـنـن مـثــل بـــدر التـمـامـي
خلـن عليـه القلـب حـزنـن ومكـبـول=ماشفـت زينـه فـي فرنسـي وشامـي
خلـن رفيـع الـذوق راقـي ومجمـول=فـريـد باوصـافـه رشـيـق الـقـوامـي
محبتـه تاجـن علـى الـراس مشيـول=غالـي ولـه قــدرن رفـيـع المقـامـي
صافي الثمان وبينها الريق معسول=يـروي ظمـا قلبـي ليـا جـيـت ظـامـي
حبـه تمكـن فــي خفـوقـي ومحـمـول=يـجـري مــع دمــي يـغـذي عـظـامـي
تبكـي عليـه العيـن والدمـع همـلـول=يحـرق خـدودي كلـمـا ســال حـامـي
ويلـي مـن الفـرقـا ويـاحـول يـاحـول=حـالـي بـعـد فـرقـاه راحــت عـدامـي
ياصاحبـي باسبابـك الفـكـر مشـلـول=وقلبـي تــولاه الـمـرض والسقـامـي
معقول ناسينـي وانـا اغليـك معقـول=واولـيـك تقـديـري وكـــل اهتـمـامـي
معـلـول مــن فـرقــاك والله مـعـلـول=والقلـب لـو جـيـت اعـذلـه مايـلامـي
ان جاك عنـي علـم أو هـرج منقـول=فانـا علـى وعـدي مـعـك والتـزامـي
كانك قبلـت الهـرج مـن غِـرّ مهبـول=قــصــده يــفــرق بـيـنـنـا بالـكلامي
حبل الوصـل لا تقطعـه دام موصـول=والجسـر يهـوي لـو يـذوب اللحامـي
ان كنت شارينـا لـك القـول والطَّـول=لك طيب فـوق الطيـب كـل احترامـي
والّا يسعـك الـعـذر والـعـذر مقـبـول=كانـك معـذر فــي هــواي وغـرامـي
لا فوق راسك سيف ابو زيد مسلول=ولانـي بملـزم فـي غـرامـك لـزامـي
والحرمـا يصبـر علـى القيـد مغلـول=مـانــي بمـتـسـوِّل ولانـــي حـرامــي
لا صار حبك مسألة مالها احْلول=شوري براسي والفشق في حزامي
[/poem]