[align=center][align=center]أخرجته لكم " رشا عبادة"
بإدارة" مصطفى بونيف"[/align]

والله إخراج و إدارة ممتازة
تستحق خمس بوسات للإدارة
و خمسة وخمسين للمخرجة ,, [/align]

[align=center]
وأين تُصْرَف هذه الجوائز يا رشا
احنا عايزين جوائز عليها العين وقابلة للصرف من بنك او فرن او سوبرماركت او حتى من محطة بنزين .
على العموم ها انا أقوم بحلاقة ذقني علشان أحس بالبوس على الأقل
ومع اني ربما لا استطيع المشاركة بباكورة هذا النشاط إلا اني معكم دائما
ودمتم
فوزي بيترو
[/align]

موفقين بمشيئة الله
واتمنى أن يسعفني الوقت واستطيع المشاركة
تحيــاتي

[align=center]
وبما ان لساني طويل وعايز قَصّ . فاعذريني اختي رشا اذا قلت لك ان تحديد الموضوع المنوي الخوض فيه ربما يقلل من قيمته . دعي الكاتب يكتب دون قيود تكبله من ناحية الموضوع والوقت والسن ايضاً .
وهناك مثل يقول " لا تطلب من المغني ان يغني " سوف يقوم بالغناء والكتابة وقت يأتيه الإلهام وتلمع عنده الفكرة .
وسامحيني مرة أخرى
فوزي بيترو
[/align]

بنت خالتى الرائعة رشا
لأ بجد يا رشروش طالعة لإبن خالتك
مسابقة جميلة و بكده يبقى فيه تنافس صح لكن م قولتيش صفات و حيثيات الإختيار للموضوع الجيد
مش تقولي علشان نلتزم
انا عن نفسي نزلت الشروط للإختيار عندي في وجهات نظر لكن اكيد عندك هنا في الساخر ستكون الشروط مختلفة ارجو اخراج الشروط من غياهب الدرج الحديدي لنعلم بها. و كمان انا معترض ع الجوائز ؟ انا عاوز جردل جديد و كام كوز لزوم الخناقات اللى ع الضيق؟
رائعة يا رشا
خالتك بتسلم عليكي

على بركة الله !


ننتظر مشاركات المترشحين .

[align=center] سلام الله على الطيبين والطيبات
"الصاحيين"
و"المستيقظات"

ونمرر بعد سلامنا ألاف التحايات
"محمد إبراهيم سلطان"
خطوة عزيزة يا أخي "الفرفوش" أين أنت مختفي أيها"النعنوش"
هل أنت قابع لازالت فى بلاد الغربة تربي" قروش" وكروش"
منور جدا بلا تجميل ولا رتوش
"وبإنتظار مشاركتك" يا أبو السلاطين أو"سلطانية"
........................................



والتحية الثانية مصرية"مصفاه لآخر قطرة"
لكاتبنا اللعيب"الليبرو" الأستاذ"فوزى بيترو"
ونعيما مقدما على الحلاقة
كانت جدتي تقولها "لوالدى" بعد حلاقة ذقنه متعمدة ومع سبق الإصرار
أن تشعل فى قلب أمي"زوجة إبنها "النار"
فتقوله وهوه خارج من الحمام" وحالق دقنه تمام التمام وكل خد عليه خوخه يا سلام"
"نعيما يا عين أمك، عقبال حمام العروسة، اللى تخلفلك رجال"
صدق اللى قال إملي القدرة على "تمتها" تطلع البت "أروبة" لجدتها "


بخصوص ان تكون المسابقه حرة الموضوع يا سيدي
تصورت أن تحديد موضوع ثابت
سيجعل الحكم"الإستفتاء" أكثر عدلا وضوحا وسهولة
لإنها فكرة واحدة تناقش" والشاطر" من يناقشها "بشطارة ومهارة" وبسخرية"مكارة جبارة"
لكن إذا كل واحد إختار تتعدد المواضيع"وانت تعلم يا أستاذي" إختلاف "المتذوقين" وتعدد" الأطباق"فتجد هذا يأكل الحلويات وهذا يكره النشويات
وآخر نباتي يركز على البقوليات
فيصيب الإستفتاء
نوع من "الإفتراء" والظلم تبعا لقاعدة"الإشتهاء"

واللى حضرتك تشوفه
ورأيك على العين والرأس يا سيد الساخرين" العقلاء" الأدباء

تحياتي يا أستاذنا وبإنتظار مشاركتك الجميلة ورأيك الحكيم[/align]

[align=center] الحضور النسائي الجميل
العذب السلسبيل
"والله عنتره معذور، كيف لايحب عبلة وهي بنت حلال وبنت أصول"
منورة يا طيبة
وبإنتظارك إن شاء الله
ما تكتبينه وبغض النظر عن الجوائز او الفوز
سيكون رشيقا وجميلا وبطعم الجوز واللوز[/align]

[align=center]وأهلا أهلا بإبن خالتي وجردله
وأفكاره
وأزهاره
"مع انك جاي بإيدك فاضية" بس يلا كفايه طلتك
بمناسبة التحابيش الفكرية
حول مسابقاتنا الأدبية
فى السخرية "السيكوباتية"
لثلاث محاور
كلها تؤدي لطريق"صلاح سالم"
فأقدر أقول لحضرتك يا أخي العزيز
انه إذا سافرت بالقطار
ستصل كشرارة"أبو الأشرار"
أما إذا ركبت الطائرة
فتلك مغامرة خاسرة
ونتائج غير طائلة
"وحياة ابويا.. تعدمني يا شيخ لو فهمت قصدك ايه فى مين والزاي وبكام"
أرجو الشرح والتوضيح
حتى تزول علامات التعجب الرشروشي "والتتنيح"
ويصيح الديك الفصيح
صباحك بوجه حسن وخضره وماء"وعشة صفيح" عشان الحسد [/align]

أقترح ان تكون احدى الجوائز ايجاد وظيفه لكاتب المقال الفائز لان سيكون بالتاكيدمتخرج منذ عشرين سنه وعاطل عن العمل!!!

أنا عايزة سفرية علأهرامات والنيل ومآثر مصر الخالدة وشط الإسكندرية
والفسحة في ثلاثية نجيب محفوظ برجلي وليس عاتلفاز ..
ثم زيارة السيدة زينب ومسجد سيدنا الحسين يارب هذه هي الجائزة ولو عبر يوتوب ريثما نتخلص من انفلوزنا الخنازير لركوب الطائرة ..
تحيا الأفكار البناءة المشجعة وهي تحمل أرباب قسم الأدب الساخر على أكتاف العز ..تحية مرشرشة بالورد والريحان ..

والله يا أستاذنا فكرة بمليون جنية
بس كده أنت تأمر
بكرة الصبح إن شاء الله
أعمل تليفون لوزيرة القوى العاملة
وأتفق معاها على كل شيء
وأناقش تفاصيل الجوائز القيمة
أقصد الوظائف القيمة التي ستقدم للفائز
وفوقيها "بوسة"
بس "بوسة "من وزير الداخلية
إدعيلي انت بس يخلص الحلم على خير
وأقدر أصحى منه ههههه

نورت يا أستاذنا وبإنتظار مشاركتك
ودعوتنا بالفوز ولو ناوى ترفض الجائزة "وبوسات أبو الطفاطيف وريسنا موجه الموجي"
ممكن حضرتك تتبرع بيها للمحتاجين من الكُتاب أو تهديها كقيمة عينية توضع فى خزينة الدولة لطوارىء
أنت تعلم أن المؤتمرات والقمم العربية تعاني من فقر حاد فى مستوى"البوسات" الرئاسية!؟

الساخره الساحره/ رشا..
مين اللى يقدر يرفض بوسات عمنا الموجى وساخرنا الكبير موسطفى..
تحياتى للفكره العبقريه وان شاء الله يقدرنا ربنا على المشاركه قبل يوم 15

الاخت العزيزة رشا
تحية طيبة وبعد
على الرغم من اني اعتذر عن المشاركة في المسابقة الا اني وتقديرا لهذه اللفتة الكريمة اشارك معك بهذه القصة التى نشرتها في كتابي عالم مجنون مجنون علها تكون حافزا للاخرين للمشاركة
ساضعها هنا وعلى المنتدى



رحلة البحث عن وظيفة!!!

وقف أحمد أمام كشك السجاير والذي هو في نفس الوقت مركز توزيع الصحف وإشترى إحدى الصحف ذات الوزن الثقيل وأخرج فوراً صحفة الإعلانات وبدأ يقرأ إعلانات الوظائف علّه يجد وظيفة بعد أن ظل عاطلاً عن العمل 8 أشهر منذ تخرجه من الجامعة وأصبح يخجل من النظر الى والديه وهو لا يساهم بأي شيء في نفقات البيت نظر الى أول إعلان
( مطلوب سكرتيرة لشركة تجارية إستثمارية المؤهلات وجه وقوام جميل عدم وجود إرتباطات عائلية إستعداد للسفر والعمل حتى ساعات متأخرة تلفون.....)
هزّ أحمد رأسه وقال لا حول ولا قوة إلا بالله ده إعلان وظيفة وإلا...... طب إكتبوا على الأقل تعرف تطبع والا كمبيوتروالا أي داهية كده عيني عينك هي الدنيا جرى لها ايه؟
تعوذ من الشيطان ونظر الى ثاني إعلان ( مطلوب موظف إستعلامات يكون خريج جامعة ويجيد 3 لغات وخبرة لا تقل عن 5 سنوات تلفون....)
هزّ أحمد رأسه الله هي العالم اتجنت ولا ايه؟ بقى عاوزين خريج جامعة و3 لغات علشان يبقى موظف إستعلامات وامال الواحد لو عاوز يبقى مدير لازم يكون معاه ايه؟ ولا وفوق ده كله خبرة 5 سنواتّّ طب الواحد حيجيب الخبرة منين لما محدش يرضه يشغله؟
تعوذ من الشيطان مرة ثانية وأكمل وفجأة لمعت عيناه فرحاً وأحس أنه وجد ضالته في إعلان بالبنط العريض
(مؤسسة حكومية بحاجة الى عدد من الشباب الجامعيين لوظائف مرموقة عن طريق إختبار شفهي أمام لجنة للمعلومات الإتصال....)
بدأ قلب أحمد يدق من الهيجان وتبدل يأسه أملاً في الحصول على الوظيفة التي يحلم بها وهو الخريج بتفوق ولأن الأمر يخضع لإختبار ولجنة فلا مجال للوسايط يعني الأفضل هو الذي سيفوزبالوظيفة.
ذهب أحمد الى بيته وزف الخبر السعيد الى أمه التي لم تتمالك نفسها عن إطلاق زغرودة عيار 21 مليمتر هزّ صوتها بيوت الجيران كلهم وبدأت وكالة أنباء النسوة بنقل الخبر السعيد وكل واحدة تضيف عليه من عندها
- آه يا اختي بيقولو حيبقى مدير في أكبر بنك في البلد
- لا بنك ايه؟ ده حيبقى سفير
- اسكتي انتي وهي سفير ايه؟ ده حيبقى دكتور في المستشفى
- دكتور ايه ياهبلة هو خريج طب؟
- وفيها ايه مش بيقولوا جاب واسطة؟يعني همة كل الدكاترة درسوا الطب؟
- آه
- آه ازاي؟ ابن البيه اللي أنا باشتغل عنده راح أوروبا 6 أشهر رجع بعدها طبيب وتعين في مستشفى!!!
- لا يا ولية الواحد علشان يبقى دكتور لازم الاول يبقى وزير ! همه مش دايما في التلفزيون بيقولوا معالي الوزير الدكتور فلان !!!!
وإستمر نقاش الجارات حول طبيعة الوظيفة الجديدة لأحمد ولولا أن ميعاد الغداء قد حل وإنصراف كل واحدة لإطعام عائلتها لكان أحمد قد أصبح رئيس جمهورية دون أن يدري!
أما أحمد فقد كانت الأحلام الوردية تراوده وتخيل نفسه وقد أصبح موظفاً مرموقاً محترماً وراتب جيد تمكنه من مساعدة أهله والزواج.
نهض أحمد من السرير في يوم الإمتحان وإرتدى أحسن بدلة لديه وحلق ذقنه ووضع العطر وتوكل على الله وخرج وأمه من ورائه تدعوا له بالنجاح والموفقية والنصر على العدوين!!
وصل أحمد الى المؤسسة صاحبة الاعلان ونظر الى البناية وعلى الرغم من ان واجهة البناية قد أصبحت سوداء من كثر الوساخة والأتربة والدخان إلا أنها بانت له وكأنها قصر الأحلام من ألف ليلة وليلة.
دخل البناية وإتجه نحو قاعة الإمتحان ورأى صفاً طويلاً من الشباب الراغبين في الحصول على الوظيفة فسقط قلبه وكاد أن يغمى عليه ولكنه تمالك نفسه وقال في سره
- يعني انت كنت فاكر ايه؟ حتكون وحدك في المسابقة؟ وامال همه عاملين مسابقة ليه؟
سجل إسمه عند الحاجب وإنتظر دوره وبدأ المتقدمون يدخلون واحد تلو الآخر الى قاعة الإمتحان وبعضهم يخرج متهجماً وبعضهم مبتسماً وهو يقرأ الآيات القرآنية ويدعوا الله أن يوفقه في هذا الامتحان ولكنه متعجباً من أن الإعلان لم يذكر نوع الوظيفة ولا عنوانها ولا أي تفاصيل عنها.
خرج أحمد من شروده لدى سماعه إسمه ودخل الى القاعة فوجد لجنة مكونة من 3 أشخاص محترمين وكبار في السن سلم عليهم وجلس على كرسي موضوع أمام الطاولة التي تجلس اللجنة خلفها سأله أول عضو في اللجنة:
- ايه هي مؤهلاتك يا بني؟
أجابه أحمد وشرح له كل شيء عن الشهادة التي يحملها وأنه تخرج الاول على دفعته وحاز على عدة جوائز تقديرية لإجتهاده في الدراسة هزّ العضو الآخر في اللجنة رأسه وقال:
- جميل، جميل جداً دا انت ما شاء الله ثروة للبلد دي واحنا بنعتز بشباب مجتهد زيك
فرح أحمد لهذا الثناء واستبشر به خيراً
وهنا خاطبه العضو الثالث في اللجنة قائلاً:
والله احنا هنا في المؤسسة حريصين على اننا ما نوظفش الا الكفاءات العالية مش زي المؤسسات الثانية اللي توضف كيف ما كان, تصور حضرتك أنا أعرف واحد خريج لغة عربية بس علشان عنده واسطة عينوه مترجم اسباني!!!
أجابه أحمد:
- يا افندم لولا إن فيه ناس محترمة زي حضراتكم كانت البلد خربت من زمان يا افندم!!
قاطعه العضو الثاني في اللجنة قائلاً:
- شوف يا بني احنا لاحظنا إن شباب البلد بتهاجر لبلاد برة وبتتبهدل علشان ما فيش فرص عمل جوة البلد يعني فكرك الدكتور أحمد زويل لو كان لقى شغلانة كويسة داخل البلد كان هاجر بره؟؟ أكيد لا و كنا احنا استفدنا من خبراته بدل ما هو عايش كده بره وخيره للأجانب مش كده برضه؟
أجاب أحمد متحمساً
- ربنا يخليكم ذخراً للوطن أنتم يا افندم دوركم مش أقل من احمد عرابي ولا أقل من طلعت حرب ولا محمد على باشا أنتم يا افندم لازم يتعمل لكم تماثيل في وسط البلد يا افندم آه والله تماثيل كل واحد 10 أمتار!!
هزّ الرجل الذي يجلس في الوسط ويبدو عليه انه رئيس اللجنة رأسه وقال
- لا، لا، لا تماثيل ايه وبتاع ايه؟ احنا بنعمل بواجبنا وبس وده أقل حاجة يمكن يعملها أي شخص بيحب وطنه ويحرص على طاقات الشباب فيه أنا يا بني وأعوذ بالله من كلمة أنا بالنيابة عن أعضاء اللجنة احب أهنيك وأقولك مبروك إنت حصلت على الوظيفة وتقدر تستلم الشغل من بكره لو حبيت.
فرح أحمد ونهض من كرسيه وأخذ يصافح أعضاء اللجنة واحداً واحداً وهو يقول:
الله أكبر، يحيا العدل، اهو كده التعيين والله بلاش ربنا ينصر دينكم ويعلي مراتبكم كمان وكمان يا رب
وفجأة تذكر شيئاً وسأل رئيس اللجنة
- على فكرة أنا لسه ما عرفتش هيه إيه الوظيفة بالضبط؟
أجابه رئيس اللجنة
- الله انت ما قريتش الإعلان اللي ورا الباب؟
أجابه أحمد متلعثماً
- لا والله يا افندم أنا آسف بس من كثر قلقي ما شفتش ولا حاجة وأنا محظوظ إني ما وقعتش من طولي وأنا داخل هنا
ضحك رئيس اللجنة وقال
- معلش حصل خير الوظيفة هي بواب البناية
- حضرتك بتهزر مش كده؟ دمك حضرتك خفيف جداً يا افندم!!!
- هزار ايه يا محترم شايفني عيل معاك في الروضة علشان اهزر معاك؟!!
- يا نهار اسود انت بتتكلم جد بقى!!
- أكيد بجد طبعاً
- يا نهاركم مطيّن بقى عاملين إعلان في الجرايد ولجنة إمتحانات وشهادات جامعية علشان بواب!! انتم جايين منين؟ من مستشفى المجانين!!!
- احترم نفسك واعرف انت بتكلم مين ولعلمك فيه 100 واحد يتمنوا انهم يحصلوا على الوظيفة دي والعتب علينا احنا اللي اخترنا واحد فاشل زيك امشي تفضل اطلع بره من غير مطرود شباب صايع ما منوش فايدة وبعدين يزعلوا لما نستعين بخبرات أجنبية!!!
ونادى على الحاجب كي يدخل الشخص التالي الى القاعة .
وكل وظيفة وانتم بخير !!!